Doŋkɔ nɔ nukplakpla lɔ

1. 1. Drado nywiɖe. Nɔ èdrakɔ doɔ, bu tamɛ kpɔ so ao nukplavi lɔ ʒanwo, nɔnɔmɛ ciwo mɛ ele koɖo yi susuwo nu. Doŋkɔɔ, tekpɔ ado jeshi susu vevi ciwo gɔnmɛsese agbɔnnu ni alo ciwo ji wawa do agbɔnnu ni. Bu tamɛ kpɔ so lé enu ciwo yí le “Kpɔ Ŋcɛwo Kpɔ” kpaxwe, atɛnŋ akpedo ao nukplavi lɔ nu do; yi goduɔ, nàle gbesɔsɔ azin le nukplakpla lɔ mɛ nɔ eʒan.

Enukplakpla lɔ hwenu

1. 2. Do gbe ɖaɖa le tɔtɔmɛ koɖo vɔvɔnu nɔ nukplakpla lɔ, nɔ nukplavi lɔ degbe o.

2. 3. Ŋgbexo nuxu sugbɔ o. Sɔ susu ɖo enukplawema lɔ ji, keŋ atashi nukplavi lɔ nɔ anu yi susuwo.

3. 4. Nɔ mítɔ akpaxwe ɖe jiɔ, hlɛn enuɖetinɔnyɔ ci yí le tɔtɔmɛ ni keŋ ayɔ nyɔta ɖewo ciwo yí le nukplakpla lɔ mɛ.

4. 5. Nɔ míɖo vɔvɔnu nɔ akpaxwe ɖeɔ, zan enumɛtoto lɔ asɔ kpedo ao nukplavi lɔ nu nɔ aɖo ŋwi enu ciwo ekpla.

5.  6. Nɔ èle nukplakpla ɖe ji koɖo ao nukplavi lɔɔ:

   1. Míhlɛn mamamɛ lɔwo.

   2. Hlɛn kpukpui ciwo gbɔ woŋwlɛ “Hlɛn” do.

   3. Hlɛn kpukpui bu ɖewo ciwo yí le mɛ, nɔ eʒan.

   4. Xo video ciwo pleŋ gbɔ woŋwlɛ do mɔ “Xo.” (nɔ wo le eo shi).

   5. Biɔ nyɔbiɔse ɖeshiaɖe nukplavi lɔ se.

   6. Nu nɔ nukplavi lɔ akpɔ foto ci yí le “Ji Dwi Ni Kpɔ Doji” kpaxwe, yí anu ni nɔ axo nuxu so nu.

   7. Zan dakavi ci yí nyi “Ðui awa nu cɛ” keŋ asɔ kpedo ao nukplavi lɔ nu nɔ akpɔtɔ awakɔ ŋkɔyiyi le gbɔngbɔn mɛ. Àtɛnŋ ado ŋsɛn yi nɔ azan akpaxwe ci yí nyi “Nubu ci àwa” keŋ asɔ ɖo tajinu buwo.

   8. Biɔ ao nukplavi lɔ se mɔ yɛse vivi nɔ nyɔci ɖe alo video ɖe le “Kpɔ Ŋcɛwo Kpɔ” kpaxwe lɔ hwenu edrakɔ nukplakpla lɔ do ma.

   9. Mítekpɔ aɖenɔ gbɔ nɔ nukplakpla ɖeshiaɖe zeɖeka.

Le nukplakpla lɔ godu

1. 7. Kpɔtɔ abunɔ tamɛ kpɔ so ao nukplavi lɔ nu. Do gbe ɖaɖa nɔ Yehowa nɔ ayra ao nukplavi lɔ, nɔ ayi ŋkɔ le gbɔngbɔn mɛ, yí ana ŋɖɛnyanya eoŋtɔ nɔ nanya lé akpedo nu do.