ENUKPLAKPLA 06
Lé agbe lɔ tɔ ji doɔ?
“Agu agbe tɔ toso [Mawu] mɛ.” (Ehajiji Wema 36:9) Èkando nyɔ cɛ jia? Mɛɖewo nunɔ mɔ gbɛɖotɔ ɖe deli o. Nɔ ahan yɔ nɛɔ, anyi enudogodonunu yí na mìle agbe. Vɔ nɔ Yehowa Mawu yí ɖo agbe lɔɔ, anyi susu ɖe yí dɔ eɖui. Abi dekpɔɛ ahan ba? a Kpɔ shini Bibla mɔ agbe lɔ jɔ so koɖo susu ciwo yí taɖo mìatɛnŋ akando ji.
1. Lé xexegbɛ lɔ tɔ ji doɔ?
Bibla mɔ le tɔtɔmɛɔ, “Mawu ɖo jeŋkwi koɖo xexe.” (Gɔnmɛjeje 1:1) Jɔjɔmɛnununyatɔ sugbɔ lɔn do ji mɔ, tɔtɔmɛ li nɔ xexegbɛ lɔ. Lé Mawu wa xexegbɛ lɔ doɔ? Ézan yi “dɔwaŋsɛn” ci yí nyi yi gbɔngbɔn kɔkɔɛ lɔ yí sɔ wa wlecivi gbɛbɔbɔwo, wleciviwo, wlecinyigbanwo koɖo ŋɖekpokpui ci yí le xexegbɛ lɔ mɛ.—Gɔnmɛjeje 1:2, NWT.
2. Nyi yí taɖo Mawu wa nyigban lɔɔ?
Yehowa “de ji mɔ nyigban lɔ a le totu hwecinu É wɛ o. É jɔɛ nɔ wo a nɔ̀ agbe le ji.” (Ezai 45:18) Éwa mìwo nyigban lɔ enyi texwe nyakpɔkpɔ ɖeka yí nushianu sɔgbe le ji nɔ agbetɔwo keŋ nɔ woanɔ ji tɛgbɛɛ. (Hlɛn Ezai 40:28; 42:5.) Jɔjɔmɛnununyatɔwo nu mɔ, mìwo nyigban lɔ to akpo nɔ wlecinyigban kpɛtɛwo pleŋ. Wokpɔɛ mɔ mìwo nyigban lɔ ɖekɛ ji yí wowa enushianu ci yí adɔ agbetɔwo anɔ agbe do.
3. Nyi yí na agbetɔwo to akpo nɔ elanwoɔ?
Ci Yehowa wa nyigban lɔ ɖegbɔɔ, éwa enuleagbuwo do ji. Doŋkɔɔ, éwa aci koɖo elanwo yí woɖɔ nyigban lɔ ji. Le yi goduɔ, “Mawu wa agbetɔwo yí wo ɖyi Yiŋtɔ . . . yí wo ɖo Yi nɔnɔmɛ.” (Hlɛn Gɔnmɛjeje 1:27.) Nyi yí na agbetɔwo to akpoɔ? Ci wowa mì yí mìɖyi Mawu yí ɖo yi nɔnɔmɛwoɔ, mìatɛnŋ alɔnnɔ amɛ yí awanɔ nujɔjɔɛ shigbe Mawu nɛ. Égbewa mì nɔ mìasun ji akpla egbe buwo, akpɔ jijɔ do ŋɖe ci yí nyakpɔkpɔ nu yí ase vivi nɔ miziki. Gbesɔ kpe niɔ, mìatɛnŋ asɛn Mɛ ci yí wa mì, enu ci elanwo datɛnŋ awa o.
JI DWI NI KPƆ DOJI
Kpɔ enu ciwo yí ɖo kpe yi ji mɔ, mɛɖe yí wa agbe lɔ koɖo enu ci yí taɖo enyɔ ci Bibla nu mɔ wa wowa nuwo sɔgbe. Gbekpɔ mɔ nyi nɔnɔmɛ ciwo agbetɔwo ɖo kpla mì so Mawu nu ma.
4. Mɛɖeka yí ɖo agbe lɔ
Nɔ amɛwo kpɔ do enuwawawo nu yí ɖe ŋɖe tiɔ, wokannɔfu wo. Ecɛyɛ ɖe, mi mìakanfu nɔ enuwawa ŋtɔŋtɔ lɔwoɔ? Xo VIDEO lɔ, yí akan seŋ so nyɔbiɔse ci yí gbɔgbɔ nu.
-
Nyiwo agbetɔwo kpɔ le enuwawa ɖewo nu yí sɔ ɖe nuwo tiɔ?
Amɛ yí cunɔ axwe tɛgbɛɛ. Ecɛyɛ ɖe, mi yí wa enu ciwo yí le xexeɛ mɛɔ? Hlɛn Ebretɔwo 3:4, yí akan seŋ so nyɔbiɔse cɛwo nu:
-
Enuwawa ciwo yí le xexeɛ mɛ yí jinɔŋ nɔ eoɔ?
-
Esɔgbe mɔ mìaxɔɛ se mɔ, wa wowa xexegbɛ lɔ koɖo enu ciwo yí le mɛa? Nyi yí taɖoɔ?
Ènyaa?
Àtɛnŋ akpɔ nyɔtawo koɖo videowo so nyɔ cɛ nu le “Wowɛ yɔa?” koɖo “Shini amɛwo kpɔ mɔ agbe lɔ jɔ so” kpaxwewo le jw.org ji.
“Agbetɔ yí cunɔ exɔ ɖeshaɖe. Vɔ, Mawu yí [wa] enushanu”
5. Esɔgbe mɔ mìakando enyɔ ci Bibla nu mɔ wa wowa nuwo ji
Le Gɔnmɛjeje ta 1 mɛɔ, Bibla nu fini yí nyigban koɖo enulagbu ciwo yí le ji so. Àtɛnŋ akando exolɔlɔ cɛ jia, alo enyɔkpakpawo yɔ? Xo VIDEO lɔ, yí akan seŋ so nyɔbiɔse ciwo yí gbɔgbɔ nu.
-
Ci Bibla mɔ wosɔ ŋkeke amadɛn sɔ wa nyigban koɖo enulagbu ciwo yí le ji ɖe, ŋkeke ci mɛ gaxoxo 24 le ɖekaɖeka amadɛn nyɔ enukɔa?
-
Èkpɔɛ mɔ lé Bibla mɔ wowa nuwo do sɔgbea? Nyi yí taɖo esɔgbeɔ, alo nyi yí taɖo desɔgbeɔ?
Hlɛn Gɔnmɛjeje 1:1, yí akan seŋ so nyɔbiɔse cɛ nu:
-
Jɔjɔmɛnununyatɔwo nu mɔ xexegbɛ lɔ ɖo tɔtɔmɛ. Lé wowo nyɔ cɛ sɔgbe koɖo enu ci èhlɛn le Bibla mɛ yɛ doɔ?
Mɛɖewo nunɔ mɔ taŋfuin de Mawu wɛ ewɛ yí ŋɖe trɔkɔ vivivi keke vatrɔ enulagbu yɔ ma. Hlɛn Gɔnmɛjeje 1:21, 25, 27, yí akan seŋ so biɔse cɛwo nu:
-
Bibla nu mɔ Mawu wa enulagbu nyɛkuin ŋkɔtɔ yí na etɔ trɔtrɔ keke vatrɔ kpavi, elanwo koɖo agbetɔwo yɔa? Alo wa ewa enulagbu “hamɛhamɛ” veviwo pleŋ zeɖekaa? b
6. Agbetɔwo to akpo nɔ enu ciwo pleŋ Mawu wa
Mìto akpo nɔ elan ciwo yí Yehowa wa. Hlɛn Gɔnmɛjeje 1:26, yí akan seŋ so nyɔbiɔse cɛ nu:
-
Mawu wa mì yí mìɖyii yí ɖo yi nɔnɔmɛwo; eyi taɖo nɔ mìtɛnŋ lɔnnɔ amɛ yí senɔ vevi do amɛ nu ɖe, nɔnɔmɛ ciwo edasɛ mɔ Mawu ɖoɔ?
MƐÐEWO NUNƆ MƆ: “Lé Bibla mɔ wowa nuwo do nyi nyɔkpakpa.”
-
Lé eɔ kpɔɛ doɔ? Nyi yí taɖo ènu ahan ɔ?
ENU CI ÈKPLA
Yehowa yí wa xexegbɛ lɔ koɖo enulagbuwo pleŋ.
Enumɛtoto
-
Lé Bibla mɔ xexegbɛ lɔ tɔ ji doɔ?
-
Wa Mawu wa enulagbu nyɛkuin ɖeka yí na etrɔkɔ vivivi keke vatrɔ enulagbu hamɛhamɛwo pleŋ alo wa ewa enulagbu hamɛhamɛwo pleŋ zeɖekaa?
-
Nyi yí na agbetɔwo to akpoɔ?
KPƆ ŊCƐWO KPƆ
Le ŋkuvi do enuwawawo nu, àkpɔ mɔ Mɛɖeka yí wa wo.
“Nyi yí enuwawawo kplakɔ mìɔ?” (Réveillez-vous!, septembre 2006)
Kpɔ lé vida ɖe atɛnŋ dre lé Bibla mɔ wowa nuwo do mɛ nɔ eviɛ ŋsuvihwɛ ɖa.
Kpɔ mɔ jɔ nuwo jɔ wowoŋtɔwo nukplakpla sɔgbe koɖo enyɔ ci Bibla nu ma.
Kpɔ mɔ exu xoxuiwo koɖo enu ciwo yí enugɔnmɛkutɔwo kpɔ dasɛ nyao mɔ wa wowa enulagbuwo abi enudogodonunu yí na wojɔ ma.
Cinq questions à se poser sur l’origine de la vie (wemagbaja)
