ENUKPLAKPLA 24

Nyɔnɔnwi ci yí kudo mawudɔlawo nuɔ?

Xui

Yehowa ji mɔ mìwo le kpla nu so ye xomu ci yí le jeŋkwi mɛ nu. Yi xomu lɔ mɛ tɔwo yí nyi “dɔdɔlawo.” (Job 38:7) Nyɔ ci yí Bibla nu so mawudɔlawo nuɔ? Lé wokpɔnɔ ŋsɛn do agbetɔwo ji doɔ? Mawudɔlawo pleŋ yí le Mawu xomu lɔ mɛa?

1. Miwo yí nyi mawudɔlawoɔ?

Yehowa wa mawudɔlawo gbɔxwe avawa nyigban. Wonyi gbɔngbɔn makpɔmakpɔwo le jeŋkwi mɛ shigbe Mawu ŋtɔ nɛ. (Ebretɔwo 1:14) Mawudɔla miliɔn nɛniɖe yí li, ɖeshiaɖe to akpo. (Enyɔdasɛ 5:11) ‘Woɖonɔ to Yehowa yí nanɔ bubu yi sewo.’ (Ehajiji Wema 103:20) Le blemaɔ, Yehowa dɔ mawudɔlawo ɖaɖa hweɖowonu yí wova do ŋɛ nɔ yi mɛwo alo kpedo wo nu. Egbɛɔ, mawudɔlawo dadasɛ mɔ nɔ Kristotɔwo yí woyinɔ mɛ ciwo yí ji mɔ yewoakpla nu so Mawu nu gbɔ.

2. Mi Satana koɖo yi gbɔngbɔnvɔnwo nyiɔ?

Mawudɔla ɖewo degbevanɔ gbeji nɔ Yehowa o. Mawudɔla ŋkɔtɔ ci yí fɔn gu yí nyi “Ahobi alo Satan. É kplɔ xexe lɔ keŋkeŋ toto emɔ vɔn ji.” (Enyɔdasɛ 12:9) Satana ji mɔ yeakpa acɛ do mɛbuwo ji, eyi taɖo eble Adamu koɖo Ɛva, yi godu evable mawudɔla buwo yí wofɔn gu do Yehowa ji. Egufɔntɔ cɛwo woyɔnɔ mɔ gbɔngbɔnvɔnwo. Yehowa nya wo ti le jeŋkwi mɛ ɖaɖa nyigban ji, yí woavagu wo.—Hlɛn Enyɔdasɛ 12:9, 12.

3. Lé Satana koɖo gbɔngbɔnvɔnwo tenɔkpɔ mɔ yewoable mì doɔ?

Satana koɖo gbɔngbɔnvɔnwo ble amɛ sugbɔ to gbɔngbɔnyɔyɔ ji. Enyi nuwana dɔndɔn ci mɛ wotenɔkpɔ le mɔ yewoaxo nuxu koɖo gbɔngbɔnwo. Le kpɔwɛ mɛ, mɛɖowo biɔnɔ nyɔ wlecivimɛfankantɔwo, hajuwatɔwo, efankantɔwo koɖo bokɔnɔwo se. Mɛbuwo jinɔ dɔ̀dadamɔnu ciwo mɛ wozannɔ gbɔngbɔnyɔyɔ le. Wogbeflunɔ amɛwo mɔ woatɛnŋ axo nuxu koɖo mɛkukuwo dru. Vɔ Yehowa kanxle mì mɔ: “Mí ŋgbe yì tashinɔwo gbɔ alo bokɔnɔwo gbɔ . . . o.” (1 Ese Wema 19:31) Énu amɛkanxlenyɔ cɛ nɔ mì keŋ asɔ glɔn ta nɔ mì so Satana koɖo gbɔngbɔnvɔnwo shi. Mawu ketɔnɔwo wonyi, yí ji mɔ yewoadahɛn nu le mì nu.

JI DWI NI KPƆ DOJI

Kpɔ nunywi ciwo mawudɔlawo wanɔ, afɔku ciwo yí le gbɔngbɔnyɔyɔ mɛ, koɖo lé mìawɛ aglɔn ta nɔ mìwoɖekiwo so Satana koɖo gbɔngbɔnvɔnwo shi.

4. Mawudɔlawo kpenɔdo amɛwo nu yí wokplanɔ nu so Yehowa nu

Mawudɔla lɔwo ŋtɔwo deɖenɔ kunu nɔ amɛwo tiin o. Vɔ wotɛnŋ danasɛ mɔ nɔ Mawu sɛntɔwo yí woyinɔ mɛ ciwo yí ji mɔ yewoakpla nu so Mawu nu gbɔ. Hlɛn Enyɔdasɛ 14:6, 7, keŋ akan seŋ so nyɔbiɔse cɛwo nu:

Nyi yí taɖo mìʒan kpekpedonu so mawudɔlawo gbɔ gbɔxwe aɖe kunuɔ?
Ci èvanya mɔ mawudɔlawo atɛnŋ adasɛ mɔ nɔ ye yí yeayi mɛ ciwo ʒan Bibla mɛ nyɔwo sese gbɔ ɖe, edo ŋsɛn eoa? Nyi yí taɖoɔ?

5. Gbe gbɔngbɔnyɔyɔ

Satana koɖo gbɔngbɔnvɔnwo nyi Yehowa ketɔnɔwo. Mìwo ketɔnɔwo wonyi hɛnnɛ. Hlɛn Luiki 9:38-42, keŋ akan seŋ so nyɔbiɔse cɛ nu:

Nyi gbɔngbɔnvɔnwo wanɔ koɖo amɛwoɔ?

Mìdeji mɔ gbɔngbɔnvɔnwo aca ka koɖo mì o. Hlɛn 2 Ese Wema 18:10-12, keŋ akan seŋ so nyɔbiɔse cɛwo nu:

Emɔ ciwo ji gbɔngbɔnvɔnwo tenɔkpɔ mɔ yewoato aca ka koɖo mì keŋ axo nuxu nɔ mìɔ? Nyiwo yí amɛ sugbɔ wanɔ le fini èle yí sɔ canɔ ka koɖo gbɔngbɔnvɔnwoɔ?
Ci Yehowa gbe mɔ woŋgbewa gbɔngbɔnyɔyɔ nuwo ɖe, enyɔa? Nyi yí taɖo?

Xo VIDEO lɔ, keŋ akan seŋ so nyɔbiɔse ciwo yí gbɔgbɔ nu.

VIDEO: “Trɔkpe Satan” (5:02)

Ci èkpɔɛ ɖe, eboka ci yí le alɔ nɔ Palesa viɛ nyɔnuvi lɔ adahɛn nu le nua? Nyi yí taɖoɔ?
Nyi Palesa ɖo awa nɔ gbɔngbɔnvɔnwo ŋgbewa ŋɖe niɔ?

Kristotɔ adodwiwo trɔnɔkpe gbɔngbɔnvɔnwo gashiagamɛ. Hlɛn Edɔwawawo 19:19 koɖo 1 Korɛntitɔwo 10:21, keŋ akan seŋ so nyɔbiɔse cɛ nu:

Nyi yí taɖo ele veviɖe mɔ àtɔ zo ao nu ciwo pleŋ yí ca ka koɖo gbɔngbɔnyɔyɔɔ?

6. Ðu ahwa ci èwakɔ koɖo Satana koɖo gbɔngbɔnvɔnwo ji

Satana yí kpa nɔ gbɔngbɔnvɔnwo. Vɔ Mawudɔlawo ga Mishɛli kplɔnɔ mawudɔla egbejinɔtɔwo; Yesu yí wogbeyɔnɔ mɔ Mishɛli. Lé Mishɛli sɛnŋ doɔ? Hlɛn Enyɔdasɛ 12:7-9, keŋ akan seŋ so nyɔbiɔse cɛwo nu:

Miwo yí sɛnŋ wuɔ? Mishɛli koɖo yi mawudɔlawoa, alo Satana koɖo yi gbɔngbɔnvɔnwo?
Ci èkpɔɛ ɖe, eʒan mɔ Yesu dokplɔtɔwo avɔn nɔ Satana koɖo yi gbɔngbɔnvɔnwoa?

Àtɛnŋ aɖu ahwa ci èwakɔ koɖo Satana koɖo yi gbɔngbɔnvɔnwo ji. Hlɛn Ʒaki 4:7, keŋ akan seŋ so nyɔbiɔse cɛ nu: