ENUKPLAKPLA 55
Kpedo hamɛ ci mɛ èle nu
Le xexeɔ pleŋ mɛɔ, amɛ miliɔn nɛniɖe sɔ jijɔ sɛnkɔ Yehowa le hamɛ kotokun nɛniɖe mɛ. Kunuɖetɔ cɛwo pleŋ kpɔkɔ jijɔ do enukplamu koɖo ekpla ciwo woxɔxɔ nu, yí lɔn faa dokɔ alɔ hamɛ lɔ le enu sugbɔ mɛ. Ahanke ewanɔ nɔ eo do ao hamɛ nu nɛa?
1. Emɔ ɖewo ciwo ji àtɛnŋ azan ao gamɛ koɖo ao ŋsɛn le yí asɔ kpedo hamɛ lɔ nuɔ?
Mì pleŋ atɛnŋ ado alɔ hamɛ lɔ mɛ dɔwo. Le kpɔwɛ mɛ, amɛshinshinwo koɖo nuwamunɔwo le míwo hamɛ lɔ mɛa? Àtɛnŋ akpedo wo nu woayinɔ bɔbɔwoa? Alo àtɛnŋ awa dɔ buwo nɔ wo shigbe enuxwlexwle alo axomɛ dradrado hannɛ keŋ asɔ kpedo wo nua? (Hlɛn Ʒaki 1:27.) Mìatɛnŋ aso le mìwoɖeki shi faa keŋ ado alɔ Fyɔɖuxuxɔ mɛ dradrado koɖo ebulele ni. Mɛɖe deʒinnɔ mì ji mɔ mìwo le wa edɔ cɛwo o. Lɔnlɔn ci mìɖo nɔ Mawu koɖo mìwo nɔviwo yí dɔ ‘mìsɔ mìwoɖekiwo jonɔ vofamɛtɔ.’—Ehajiji Wema 110:3.
Kunuɖetɔ waʒinʒindoshimɛwo atɛnŋ agbewa nubuwo asɔ kpedo hamɛ lɔ nu. Nɔviŋsu ciwo yí shin le gbɔngbɔn mɛ, atɛnŋ asumɔ hamɛ lɔ shigbe sumɔsumɔdɔwatɔwo nɛ; yí le yiyi mɛɔ, woavasumɔ shigbe hamɛmɛshinshinwo nɛ. Nɔviŋsu koɖo nɔvinyɔnuwo atɛnŋ ado alɔ kunuɖeɖedɔ lɔ nɔ wonyi emɔɖetɔ. Kunuɖetɔ ɖewo atɛnŋ ana kpekpedonu le Fyɔɖuxuxɔwo cucu hwenu alo ahun ayi ci eju bu mɛ, fini hamɛ ɖe ʒan kpekpedonu le.
2. Lé mìatɛnŋ azan eho koɖo nunɔamɛshi mìwotɔwo do yí asɔ do alɔ hamɛ lɔɔ?
Mìatɛnŋ “[a]na bubu Tɔhonɔ koɖo [mìwo] dɔkunuwo.” (Elododo Wema 3:9) Jijɔ ŋtɔ teŋ enyi nɔ mì mɔ mìana eho alo nubuwo asɔ do alɔ mìwo hamɛ koɖo xexeɛ pleŋ mɛ kunuɖeɖedɔ lɔ. (Hlɛn 2 Korɛntitɔwo 9:7.) Wogbezannɔ edro nunana mìwotɔwo yí sɔ nanɔ kpedonu nɔ jɔjɔmɛfɔku ɖe jɔ. Blaŋblaŋ ɔ, amɛ sugbɔ sɔ gbeta keŋ sɔnɔ “enu do akpo do yiɖeki gbɔ” yí vasɔ nanɔ. (Hlɛn 1 Korɛntitɔwo 16:2.) Mìatɛnŋ asɔ mìwo nunana do enunana dakavi mɛ le mìwo Fyɔɖuxuxɔwo mɛ alo awɛ to eka ji le donate.pr418.com ji. Yehowa hun mɔ ɖɛ nɔ mì gbajaa nɔ mìazannɔ mìwo nuwo xomɛvutɔ asɔ dasɛ ni mɔ mìluin.
JI DWI NI KPƆ DOJI
Kpɔ enu vovovo ciwo mɛ àtɛnŋ akpedo hamɛ lɔ nu le.
3. Mìana enu ciwo yí le mì shi dru
Yehowa koɖo Yesu lɔnnɔ mɛ ci yí nanɔ nu amɛ koɖo jijɔ. Le kpɔwɛ mɛ, Yesu kanfu kposhu ci yí dewa ho ɖɛ gan yí na nu Yehowa. Hlɛn Luiki 21:1-4, keŋ agbeje biɔse cɛwo mɛ:
-
Eho sugbɔ mìana gbɔxwe ajeŋ nɔ Yehowaa?
-
Lé ewanɔ nɔ Yehowa koɖo Yesu nɔ mìna nu koɖo jijɔɔ?
Nɔ àkpɔ lé wozannɔ edro nunana aotɔwo doɔ, xo VIDEO lɔ. Yi godu nagbeje biɔse ci yí gbɔgbɔ mɛ.
-
Lé wozankɔ edro nunana lɔwo do yí sɔ dokɔ alɔ hamɛwo le xexeɛ pleŋ mɛɔ?
4. Mìatɛnŋ asɔ mìwoɖekiwo na faa yí ado alɔ edɔ lɔ mɛ
Yehowa sɛntɔ ciwo yí ni le blema, sɔ ezolelanmɛ wa dɔ sɛnsinɖe yí sɔ le bu nɔ wowo sɛnsɛntɔxuwo. Denyi eho ɖekɛ wonanɔ o. Hlɛn 2 Kronika 34:9-11, keŋ agbeje biɔse cɛ mɛ:
-
Hwenu woleleɛ bu nɔ Yehowa xwe alo yi sɛnsɛntɔxu lɔ ɖe, lé Izraɛlivi ɖekaɖeka sɔ yiɖeki jo yí na kpekpedonu doɔ?
Nɔ àkpɔ lé Yehowa Kunuɖetɔwo wakɔ blematɔ cɛwo tɔ han doɔ, xo VIDEO lɔ. Yi godu nagbeje biɔse ciwo yí gbɔgbɔ mɛ.
-
Nyi yí taɖo ele veviɖe mɔ mìalenɔ bu nɔ mìwo sɛnsɛntɔxuwo nɔ woanɔnɔ mɛmiɖe yí anɔnɔ nɔnɔmɛ nywi mɛɔ?
-
Kpekpedonu ciwo àtɛnŋ anaɔ?
5. Nɔviŋsuwo atɛnŋ ado gbla aje nɔ edɔ buwo wawa le hamɛ lɔ mɛ
Enuŋlwɛŋlwɛ lɔwo do ŋsɛn Kristotɔ ŋsuwo mɔ wo le wa ci ji woakpe yí asɔ do alɔ hamɛ lɔ. Nɔ àkpɔ yi kpɔwɛɔ, xo VIDEO lɔ. Yi godu nagbeje biɔse ci yí gbɔgbɔ mɛ.
-
Le video lɔ mɛ ɖe, lé Ryan je agbla mɔ yeazan ye gamɛ pleŋ yí asɔ kpedo hamɛ lɔ nu doɔ?
Bibla dre nɔnɔmɛ ciwo yí ɖo anɔ nɔviŋsu ciwo yí sumɔkɔ shigbe sumɔsumɔdɔwatɔwo alo hamɛmɛshinshinwo hannɛ shi. Hlɛn 1 Timɔte 3:1-13, keŋ agbeje biɔse cɛwo mɛ:
MƐÐEWO NUNƆ MƆ: “Fini Yehowa Kunuɖetɔwo kpɔnɔ eho le yí zannɔ do wowo dɔ lɔ mɛ ma?”
-
Lé àɖo ŋci doɔ?
ENU CI ÈKPLA
Eji jɔnɔ Yehowa sugbɔ nɔ mìzan gamɛ, ŋsɛn koɖo enu ciwo yí le mì shi yí sɔ do alɔ hamɛ lɔ.
Enumɛtoto
-
Lé mìazan mìwo gamɛ koɖo mìwo ŋsɛn asɔ do alɔ hamɛ lɔ doɔ?
-
Lé mìazan enu ciwo yí le mì shi yí asɔ do alɔ hamɛ lɔɔ?
-
Nyiwo èji mɔ yeawa asɔ do alɔ hamɛ lɔɔ?
KPƆ ŊCƐWO KPƆ
Kpɔ ŋci yí taɖo Yehowa degbebiɔnɔ so yi sɛntɔwo shi mɔ wo le nanɔ mado-amɛwo ye ɖa.
Bibla nu mɔ ŋsu ciwo yí wa ʒinʒindoshimɛ yí awa edɔ ɖewo le hamɛ lɔ mɛ. Vɔ lé woawɛ nɔ évaʒan mɔ nyɔnu ci yí wa ʒinʒindoshimɛ yí awa edɔ cɛwoɔ?
“Mɔŋje etanyinyi toto ci yí le hamɛ lɔ mɛ” (Jutakpɔxɔ, Fevrier 2021)
Kpɔ vɔnsa gangan ciwo nɔviŋsu edɔngbetɔwo wakɔ gbɔxwe ahɛn Bibla nukplawemawo yi nɔ wowo nɔviwo ɖa.
Kpɔ fini mìkpɔnɔ ho le yí sɔ zannɔ do mìwo dɔ lɔ mɛ. Eto akpo xesexese nɔ sɛnsɛn gbɛbɔbɔ kpɛtɛwo tɔ.
“Fini Yehowa Kunuɖetɔwo kpɔ ho le yí sɔ kpɔnɔ wowo dɔ lɔ jiɔ?” (Àkpɔɛ le siti lɔ ji)
