Yehowa kunuɖetɔwo habɔbɔ donɔ bubu amɛ ŋtɔ nyɔtakankanwo nu le ɖekawawa mɛ koɖo gɔnmɛɖose ciwo yí le Bibla mɛ. habɔbɔ lɔ nya lé seŋkankan faa koɖo amɛ ŋtɔ nyɔ wlawla veviwo xɔxɔ keŋ asɔ kpɔ Yehowa Kunuɖetɔwo ӡanӡanwo, Mawu sɛnsɛn koɖo xomɛvu dɔwo gbɔ nyi enu vevi do. Égbenya mɔ enu vevi enyi mɔ woakpɔ amɛ ŋtɔ nyɔwlawlawo ji yí akandoji mɔ wocɔn ashi wo ji nywiɖe. (Elododo 15:22; 25:9) Ashicɔncɔn amɛ ŋtɔ nyɔtakankanwo ji nyi enu vevi ŋtɔŋtɔ teŋ nɔ mì.​—Elododo 20:19.

Eju sugbɔ do esewo mɔ woasɔ kpɔ amɛ ŋtɔ nyɔwlawlawo ji. Yehowa kunuɖetɔwo habɔbɔ lɔ kpɔnɔ acɛ ci yí nyi bubudodo amɛ ŋtɔ nyɔtakankanwo nu ji koɖo ashicɔncɔnwo ji xoxoxo gbɔxwe eju ŋtɔwo vado ese lɔwo. Yehowa Kunuɖetɔwo habɔbɔ lɔ ayi ji akpɔkɔ amɛ ŋtɔ nyɔtakankanwo ji shigbe le ewɛkɔ xoxo nɛ, shigbe le enyɔci cɛ nui nɛ.

Toto lɔ kudo Yehowa Kunuɖetɔwo habɔbɔ lɔ pleŋ, ci yí alɔjedɔwaxuwo le tɔxu nɔ le eju vovovowo mɛ le xexeɛ pleŋ mɛ nu.

Yehowa Kunuɖetɔwo habɔbɔ lɔ zɔnnɔ amɛ ŋtɔ nyɔwlawlawo le emɔ ciwo gbɔkɔ nu:

1. Ézannɔ amɛ ŋtɔ nyɔtakankanwo le emɔ jɔjɔɛ koɖo ese nu.

2. Ákpɔtɔ axɔkɔ amɛ ŋtɔ nyɔtakankanwo yí azankɔwo le emɔ kuɖeka ci yí nyi mɔ woasɔ kpɔ Yehowa Kunuɖetɔwo sɛnsɛndɔwo koɖo wowo xomɛvu dɔwawawo gbɔ nɔ eӡan.

3. Énanɔ Amɛ ŋtɔ nyɔtakankanwo sɔnɔ gbe pɛpɛpɛ, yí gbetrɔnɔ ashi le wo nu nɔ yoyuwo va kpenii. Nɔ ékpɔ afɛn ɖeɔ, édrɛ nii do kaba.

4. Áɖo amɛ ŋtɔ nyɔtakankan lɔwo ɖɛ vaɖo nɔ hwenu dégbeӡan wo o.

5. Habɔbɔ lɔ donɔ bubu gangan teŋ acɛ ci yí le amɛwo shi mɔ woakpɔ wowo nyɔtakankanwo ji nu.

6. Habɔbɔ lɔ ɖenɔ afɔ ɖewo to mashinni zanzan koɖo toto ɖewo ji keŋ asɔ xe mɔ nɔ amɛ ŋtɔ nyɔtakankanwo nunu le emɔ ci yí dele ese nu nu. Wosɔ emɔhunnyɔ do ɔdinatɛɛwo pleŋ ciwo ji amɛ ŋtɔ nyɔtakankanwo le yí ’mɛ ciwo shi emɔhunnyɔ le ɖekɛ yí ahunwo. Nɔ wokpa le dɔmɛɔ, wocu nɔ dɔwaxuhɔnwo yí amɛ ciwo shi acɛ le ɖekɛ yí aɖo mɛ.

7. Alɔjedɔwaxuwo desɔnɔ amɛ ŋtɔ nyɔtakankanwo ɖaɖa wowo nɔnɔwo o nɔ denyi evaӡan mɔ Yehowa Kunuɖetɔwo habɔbɔ lɔ aziin nɔ sɛnsɛndɔwo alo xomɛvudɔ ciwo ji Yehowa Kunuɖetɔwo pleŋ lɔn do to lɔnlɔn faa mɔ yewonyi Yehowa Kunuɖetɔwo yí woajeshi yewo do ahan ji.

1. Acɛ le amɛ ciwo nyɔtakankanwo mìxɔnɔ shi mɔ mìakpɔ wowonyɔ wlawlawo koɖo wowonyɔ veviwo ji, atrɔ ashi le wo nu alo aɖe wo si. Mìdonɔ bubu gangan acɛ ŋtɔ nu le ɖekawawa mɛ koɖo Yehowa Kunuɖetɔwo ɖoɖo ci yí le enyɔci cɛ mɛ.

2. Nɔ amɛ ɖe biɔ ŋɖe le ɖoɖo ci yí le akpa cɛ nuɔ, eɖo ana yiŋtɔ nyɔ vevi ciwo yí adasɛ petii mɔ yiŋtɔ yɔ nyao.

3. Nɔ ’mɛ ci yiŋtɔ nyɔtakankanwo le habɔbɔ gbɔ biɔ mɔ woana yeanya enyɔtakankan lɔwo, atrɔ ashi le wo nu alo aɖewo si pleŋɔ, habɔbɔ lɔ agbeje biɔbiɔ lɔ kpɔ mɔ esɔ koɖo habɔbɔ lɔ Mawusɛnsɛn totowo ma, yi gɔnmɛ yí nyi mɔ abui kpɔ nɔ enyi biɔbiɔ lɔ asɔ habɔbɔ lɔ Mawusɛnsɛn koɖo yidɔwawa blɔɖe do afɔku mɛ.

4. Habɔbɔ lɔ jiji vevi yí nyi mɔ yeaɖo Yehowa Kunuɖetɔ ɖekaɖeka nyɔtakankanwo ɖɛ tɛgbɛɛ. Enyɔtakankan cɛwo ɖeɖesi atɛnŋ asɔ habɔbɔ lɔ Mawujixɔsewo koɖo sɛnsɛndɔwo blɔɖe do afɔku mɛ.

Nɔ mɛɖe kandoji mɔ wodezan enyɔtakankan ye tɔwo nywiɖeɔ, átɛnŋ aŋwlɛn wema ɖaɖa alɔjedɔwaxu keŋ asɔ na anya. Le kwɛshila amɛve gblamɛ nɔ enujɔjɔ lɔ yí eɖo asɔ wemaa ɖaɖa.