“Ro gahum sa pagdumaea kung kalibutan ana eon makaron ku atong Ginuo ag it anang Cristo.”—Pahayag 11:15, Ro Bag-o nga Kasugtanan—Ku Baeaan nga Biblia.

“Gintao katon ro anang unga; agud ro gobyerno hay anang abagahon.”—Isaias 9:6; footnote, NW.

• Makabenepisyo ka gid sa mayad nga pagginubyerno.—Lucas 11:28.

• Maeapit eon ro bag-ong kalibutan nga may una kasadya ag mayad nga pang-eawas.—Pahayag 21:3, 4.

Huo, sa daywang ka rason:

• Ginpakita ni Jesus kon ano ro obrahon sa Ginharian it Dyos. Gintur-an ni Jesus ro anang mga sumueonod nga magpangamuyo agud mag-abot ro Ginharian ag pagbuot ku Dyos iya sa eugta. (Mateo 6:9, 10) Ag ginapakita ni Jesus kon paano ra sabton sa pangamuyo.

  Kat iya si Jesus sa eugta, ginpakaon na ro mga nagutom, nagpamayad it may sakit, ag ginbuhi ro mga namatay. (Mateo 15:29-38; Juan 11:38-44) Nagtao si Jesus it manami nga halimbawa sa pagaubrahon nana sa paeaabuton bilang manogdumaea it Ginharian.—Pahayag 11:15.

• Maeapit eon mag-abot ro Ginharian it Dyos tungod sa nagakatabo sa kalibutan. Naghambae si Jesus nga bago pa paeuntaron ro Ginharian nga magatao it kalinong sa eugta makaagi anay it abu nga kalisdanan kaparehas it inaway, gutom, ag linog. —Mateo 24:3, 7.

  Tanan ruyon hay nagakaeatabo eon makaron. Gapamatuod gid ron nga maeapit eon mag-abot ro Ginharian it Dyos ag tapuson gid kara ro mga problema.