Kon paano ka makabenepisyo it mayad sa pagtuon it Biblia
Tun-i anay ro mga impormasyon it rayang libro, ag tan-awa rayon ro VIDEO.
UNANG PARTE
Para mahandaan ro kada leksyon, basaha ro unang parte. Ro makutom o naka-bold nga mga pangutana (A) ag mga teksto (B) nga nagapabahoe it panguna nga mga punto. Tan-awa ro pila sa mga teksto nga may nakabutang “basaha.”
PANGAYWANG PARTE
Ro introduksyon (C) sa Tun-i Pa Gid nagapaathag sa mga masunod. Ro mga subtema (D) nagapakilaea it panguna nga mga punto. Kaibahan sa nagaturo kimo, basaha ro mga teksto, sabta ro mga pangutana, ag tan-awa ro mga video.
Ro mga VIDEO hay nagatao it mga impormasyon parti sa imong ginatun-an. Ro pila sa mga video hay nagasugid it matuod nga mga eksperyinsya. Ro iba hay buko’t matuod nga natabo ag gin-drama eang pero nagapakita it matuod nga mga sitwasyon.
Talakaya ro mga piktyur ag kapsyon (E), ag isipa ro isabat mo sa Kon May Maghambae (F).
KATAPUSANG PARTE
Ro Sumaryo ag Review (G) hay ro katapusan it leksyon. Ibutang ro petsa kon kan-o natapos ro leksyon. Sa Pwede Mong Obrahon (H) ginabuligan ka kon ano pa ro pwede mong obrahon. Sa Sayura (I) makita mo ro mga impormasyon nga pwede mo basahon ag tan-awon.
Mga Sueod
|
|
|
|
Kon paano makita ro mga teksto sa Biblia
Ro Biblia hay may 66 ka libro. Natunga ra sa daywang ka seksyon: ro Hebreo-Aramaiko nga Kasueatan (“Luma nga Tipan”) ag ro Cristyanong Griegong Kasueatan (“Bag-o nga Tipan”).
Makita mo ro ngaean it libro sa Biblia (A), ro kapitulo (B), ag ro bersikulo o mga bersikulo (C).
Halimbawa, sa Juan 17:3 ro Juan hay ngaean it libro sa Biblia, ro 17 kapitulo, ag ro 3 bersikulo.
