LEKSYON 01

Paano Ka Mabuligan it Biblia?

I-PLAY

Haeos tanan katon hay may mga pangutana parti sa kabuhi, kalisdanan, kamatayon, ag sa paeaabuton. Nagakabaeaka man kita sa atong pang-adlaw-adlaw nga kinahang-eanon kaparehas it atong trabaho, ag kon paano mangin masadya ro atong pamilya. Nasayran it abung tawo nga ro Biblia hay indi eamang makasabat sa importanteng mga pangutana sa kabuhi kundi makatao man it praktikal nga bulig para katon. Kon kimo, makabulig gid baea ro Biblia katon?

1. Ano ro mga pangutana nga ginasabat it Biblia?

Ginasabat it Biblia rayang importante nga mga pangutana: Paano nag-umpisa ro kabuhi? Ham-an iya kita? Ham-an nagaantus ro mga tawo? Ano ro nagakatabo kon mamatay kita? Maskin gusto it tanan ro kalinong, ham-an it may pag-ilinaway? Ano ro matabo sa eugta sa paeaabuton? Ginapalig-on kita it Biblia nga usuyon ro mga sabat sa rayang mga pangutana. Ag minilyon nga tawo ro nasadyahan sa sabat kara.

2. Paano ro Biblia makabulig agud mangin masadya ro atong kabuhi?

Ro Biblia hay makatao it bulig katon. Halimbawa, nagaturo ra kon paano mangin masadya ro kada pamilya, nagatao ra it bulig kon paano makaya ro stress, ag kon paano mangin masadya sa atong trabaho. Matun-an mo kon ano ro ginaturo it Biblia parti sa rayang mga topiko ag maabu pa habang ginatun-an naton rayang publikasyon. Makumbinsi ka nga “ro bilog nga Kasueatan [tanan nga una sa Biblia] . . . mapinuslanon.”—2 Timoteo 3:16.

Rayang publikasyon hay buko’t pangbaylo sa Biblia. Kundi, ginabuligan ka kara nga tun-an mo ro Biblia. Ngani, ginapalig-on ka namon nga basahon ro mga teksto nga una sa kada leksyon ag ikompara raya sa kon ano ro imong hatun-an.

TUN-I PA GID

Sayura kon paano nakabulig ro Biblia sa mga tawo, kon paano mag-enjoy sa pagbasa kara, ag kon ham-an mayad nga magpabulig sa iba agud maeubtan ra.

3. Makagiya katon ro Biblia

Ro Biblia hay kapareho it mahayag nga flashlight. Makabulig raya katon agud makaobra it mayad nga mga desisyon ag masayran kon ano ro matabo sa paeaabuton.

Basaha ro Salmo 119:105, ag talakaya rayon rayang mga pangutana:

Ano ro Biblia para sa nagsueat it Salmo?
Ano ro Biblia para kimo?

4. Masabat it Biblia ro atong mga pangutana

Natun-an it sangka bayi nga masabat gali it Biblia ro mga pangutana nga kabuhay eon nana nga ginapalitikan. Tan-awa ro VIDEO, ag talakaya rayon rayang mga pangutana.

VIDEO: Indi Madueaan it Pag-eaum! (1:48)

Sa video, ano ro mga pangutana ku bayi?
Paano nakabulig kana ro pagtuon it Biblia?

Ginapalig-on kita it Biblia nga magpangutana. Basaha ro Mateo 7:7, ag talakaya rayon rayang pangutana:

Ano ro imong mga pangutana nga masabat it Biblia?

5. Ma-enjoy mo ro pagbasa it Biblia

Abu nga tawo ro nag-enjoy sa pagbasa it Biblia ag nakabenepisyo gid sanda kara. Tan-awa ro VIDEO, ag talakaya rayon rayang mga pangutana.

VIDEO: Pagbasa it Biblia (2:05)

Sa video, ano para sa mga bataon ro pagbasa?
Paano nanda na-enjoy ro pagbasa it Biblia?

Nagasugid ro Biblia nga ro mensahe kara hay makatao katon it paumpaw ag pag-eaum. Basaha ro Roma 15:4, ag talakaya rayon rayang pangutana:

Interesado ka baea sa promisa it Biblia nga makatao it paumpaw ag pag-eaum?

6. Mabuligan ka it iba nga maeubtan mo ro Biblia

Imbes nga basahon eang nanda ro Biblia, abu nga tawo ro nakabenepisyo tungod sa bulig it iba. Basaha ro Binuhatan 8:26-31, ag talakaya rayon rayang pangutana: