LEKSYON 03
Masaligan Mo Baea ro Biblia?
Mabasa sa Biblia ro maabu nga mga promisa ag mga eaygay. Basi gusto mo masayran ro ginaturo kara, pero nalisdan ka magpati. Masaligan mo gid baea ro mga promisa ag mga eaygay halin sa rayang luma nga libro? Mapatihan mo gid baea ro ginahambae it Biblia nga pwede ka mangin masadya makaron ag sa paeaabuton? Abu nga mga tawo ro nagapati karon. Manami gid nga tun-an mo man ro Biblia.
1. Matuod gid baea ro mabasa sa Biblia?
Ginahambae it Biblia nga ro ginaturo kara hay “kamatuoran.” (Juan 17:17) Nagasugid ra it matuod nga mga hitabo ag sa mga tawo nga nagkabuhi kato. (Basaha ro Lucas 1:3; 3:1, 2.) Ginpamatud-an it abu nga mga istoryador ag arkyologo nga tama ro mga petsa, tawo, lugar, ag mga hitabo nga ginsambit sa Biblia.
2. Ham-an masaligan naton ro Biblia maskin luma eon ra?
Kaeabanan sa mga nakasueat sa Biblia hay owa pa naeubtan kat ginsueat ra. Halimbawa, nagasugid ra parti sa syensya. Abu ro owa nagpati kat ginsueat ra pero napamatud-an it syensya makaron nga matuod gid ro ginahambae it Biblia. Pirme rayang “masaligan.”—Pahayag 22:6.
3. Ham-an makasalig kita sa ginahambae it Biblia parti sa paeaabuton?
May mga hula a ro Biblia nga makasugid it “mga butang nga owa pa matabo.” (Isaias 46:10) Abu ra nga ginhula sa kasaysayan ag insakto ra nga natabo. Detalyado ra nga naghula sa mga matabo makaron. Sa rayang leksyon, matun-an naton ro pila sa mga hula sa Biblia. Insakto gid ro ginasugid kara!
TUN-I PA GID
Tun-i kon paano ro syensya makaron nagasinanto sa Biblia, ag sayura ro pila sa manami nga mga hula sa Biblia.
4. Nagasinanto ro syensya ag Biblia
Ku unang panahon, kaeabanan nga mga tawo hay nagapati nga may ginatungtungan ro eugta. Tan-awa ro VIDEO.
Tan-awa ro nakasueat sa libro it Job mga 3,500 eon nga dag-on ro nagtaliwan. Basaha ro Job 26:7, ag talakaya rayon rayang pangutana:
-
Ham-an makakieibot ro ginhambae kara nga ro eugta nabitay sa owa?
Mga 200 dag-on paeang ro nagtaliwan kat naeubtan ku mga tawo ro parti sa water cycle. Pero tan-awa ro ginhambae it Biblia linibo nga dag-on eon ro nagtaliwan. Basaha ro Job 36:27, 28, ag talakaya rayon rayang mga pangutana:
-
Ham-an mabilib ka sa nasueat ngara parti sa water cycle?
-
Makabulig baea kimo ra nga magsalig sa Biblia?
5. Ginhula sa Biblia ro importante nga mga hitabo
Basaha ro Isaias 44:27–45:2, ag talakaya rayon rayang pangutana:
-
Ano ro mga detalye nga ginasugid sa Biblia 200 nga dag-on bago mapirdi ro Babilonia?
Nagasugid ro kasaysayan nga ku 539 B.C.E. b si Hari Ciro it Persia ag anang mga soldado hay nagpirdi sa syudad it Babilonia. Ginpalikaw nanda ro tubi sa suba nga nagaprotekta sa syudad. Tungod haaywan nga bukas ro pwertahan, nakasueod sanda ag nasakop ro syudad nga owa it inaway. Makaron, sobra 2,500 nga dag-on ro nagtaliwan makita ro kagueob-an it Babilonia. Tan-awa ro hula it Biblia.
Basaha ro Isaias 13:19, 20, ag talakaya rayon rayang pangutana:
-
Paano natuman rayang hula?
Ro kagueob-an it Babilonia hay makita makaron sa Iraq
6. Ginhula it Biblia ro mga matabo makaron
Nagahambae ro Biblia nga iya eon kita sa “katapusan nga tyempo [o, mga inadlaw].” (2 Timoteo 3:1) Tan-awa ro ginhula it Biblia parti sa rayang panahon.
Basaha ro Mateo 24:6, 7, ag talakaya rayon rayang pangutana:
-
Ano ro ginahambae it Biblia nga matabo sa katapusan nga mga inadlaw?
Basaha ro 2 Timoteo 3:1-5, ag talakaya rayon rayang mga pangutana:
-
Ano ro ginahambae it Biblia nga mga batasan it mga tawo sa katapusan nga mga inadlaw?
-
Alin sa ruyong mga batasan ro nakita mo makaron?
KON MAY MAGHAMBAE: “Ro nasueat sa Biblia hay ueoistorya malang ag buko’t matuod.”
-
Kon kimo ano ro pamatuod nga masaligan gid ro Biblia?
SUMARYO
Ro kasaysayan, syensya, ag hula nagapamatuod nga masaligan mo gid ro Biblia.
Review
-
Matuod gid baea ro mabasa sa Biblia?
-
Ano ro halimbawa nga nagasinanto ro syensya ag Biblia?
-
Kon kimo, nagasugid gid baea ro Biblia parti sa paeaabuton? Ham-an ruyon ing sabat?
SAYURA
May saea baea nga ginasugid ro Biblia parti sa syensya?
“Nagasinanto Baea ro Syensya ag Biblia?” (Artikulo sa Website)
Ano ro mga kamatuoran parti sa ‘katapusan nga mga inadlaw’?
“6 ka Tagna sa Biblia nga Nagakatuman Na” (Ang Lalantawan, Mayo 1, 2011)
Tun-i kon paano natuman ro hula it Biblia parti sa Emperyo it Gresya.
Sayura kon paano nagbag-o ro pagtan-aw it sangka eaki sa Biblia kat nabasa na ro mga hula kara.
“Para Kakon, Owa Man it Dyos” (The Watchtower No. 5 2017)
