May manami nga regalo si Jehova katon—ro 66 nga libro it Biblia. Pero basi mag-isip ka: ‘Siin halin ro Biblia? Sin-o ro awtor kara?’ Agud masabat rayang mga pangutana, talakayon naton kon paano nakaabot katon ro mensahe it Dyos nga una sa Biblia.

1. Kon ro mga tawo ro nagsueat it Biblia, ham-an ro Dyos ro Awtor?

Ginsueat ro Biblia it mga 40 nga tawo sa sueod it 1,600 nga dag-on, halin ku 1513 B.C.E. hasta ku 98 C.E. Ro mga manogsueat kara hay iba-iba ro trabaho ag ginhalinan pero ro tanan nga parte it Biblia hay gasinanto. Posible baea ra? Huo, tungod ro Awtor it Biblia hay ro Dyos. (Basaha ro 1 Tesalonica 2:13.) Owa nanda ginsueat ro andang sariling kaisipan. Kundi, “naghambae [sanda] halin sa Dyos habang ginagiyahan sanda it baeaan nga espiritu.” a (2 Pedro 1:21, NWT) Gingamit it Dyos ro anang baeaan nga espiritu agud giyahan, o pahueagon ro mga tawo nga isueat ro anang kaisipan.—2 Timoteo 3:16.

2. Sin-o ro makabenepisyo sa Biblia?

“Kada rasa, tribu, lenggwahe, ag banwa” ro makabenepisyo sa mayad nga balita nga una sa Biblia. (Basaha ro Pahayag 14:6.) Ginsigurado it Dyos nga ro Biblia hay mabasa sa abu nga linggwahe kaysa sa ibang libro. Haeos tanan hay pwede makabasa it Biblia, siin man sanda gaestar o ano man nga linggwahe ro andang ginahambae.

3. Paano ginprotektahan ni Jehova ro Biblia?

Ro Biblia hay nasueat sa mga materyales nga owa nagabuhay, pareho it leather ag papiro. Pero may mga tawo nga nagpalangga sa Biblia ag pauman-uman nanda nga ginkopya ra. Maskin pa may mga manoggahum ag mga lider it relihiyon nga nagtinguha nga dueaon ro Biblia, may mga tawo nga handa mamatay para protektahan ra. Owa’t makapugong kay Jehova sa anang pagpakig-istorya katon. Nagahambae ro Biblia: “Ro bisaea it atong Dyos magapadayon sa owa it katapusan.”—Isaias 40:8.

 TUN-I PA GID

5. Nakaeuwas ro Biblia sa mga gustong magduea kara

 6. Sangka libro para sa tanan

Sa bilog nga kasaysayan, ro Biblia eang ro may pinakaabu nga ha-translate ag hapanupod nga libro. Basaha ro Binuhatan 10:34, 35, ag talakaya rayon rayang mga pangutana:

• Ham-an gusto it Dyos nga ro anang Bisaea ma-translate ag mapanupod sa abu nga mga tawo?

• Ano ing nanamian sa Biblia?

 SUMARYO

Ro Biblia hay Bisaea it Dyos, ag ginsigurado na ra nga mabasa it tanan nga tawo.

Review

• Ano ro buot hambaeon kon maghambae kita nga gingiyahan it Dyos ro mga tawo nga isueat ro Biblia?

• Ano ing nanamian sa imong hatun-an sa Biblia?

• Ano ing nabatyagan makaron kat hasayran mo nga nagtinguha ro Dyos nga maistorya ka?