LEKSYON 15
Sin-o si Jesus?
Si Jesus ro pinakakilaea nga tawo sa kasaysayan. Abu nga mga tawo ro nakasayod sa anang ngaean, pero owa sanda nakakilaea kon sin-o gid imaw. Ag iba-iba ro andang pagpati parti kay Jesus. Ano ro ginahambae it Biblia parti kana?
1. Sin-o si Jesus?
Si Jesus hay gamhanan nga espiritu nga nagaestar sa eangit. Gintuga imaw ni Jehova nga Dyos bago ro tanan nga bagay. Ngani, gintawag imaw nga “panganay nga Unga nga eabaw sa tanan nga mga tinuga.” (Colosas 1:15) Gintukoy it Biblia nga si Jesus ro “bugtong nga Unga” it Dyos tungod imaw eang ro direkta nga gintuga ni Jehova. (Juan 3:16) Nangin kaibahan ni Jesus ro anang Ama nga si Jehova, sa pagtuga it tanan nga mga bagay. (Basaha ro Hulubaton 8:30.) May una gid maeapit nga relasyon si Jesus kay Jehova. Bilang manoghambae it Dyos, ginhambae na ro mensahe ag instruksyon ni Jehova ngani gintawag imaw nga “ro Bisaea.”—Juan 1:14.
2. Ham-an nag-agto si Jesus sa eugta?
Mga 2,000 nga dag-on eon ro nagtaliwan, milagruso nga gingamit ni Jehova ro anang baeaan nga espiritu agud ihalin ro kabuhi ni Jesus halin sa eangit paagto sa tiyan it birhen nga si Maria. Ngani, naunga si Jesus bilang tawo. (Basaha ro Lucas 1:34, 35.) Nag-agto si Jesus sa eugta para mangin Mesias o Cristo, ag agud euwason ro mga tawo. a Tanan nga ginhambae ni Jehova parti sa Mesias hay natuman kay Jesus. Nakabulig ra sa mga tawo nga masayran nga si Jesus “ro Cristo, ro Unga ku buhi nga Dyos.”—Mateo 16:16.
3. Siin eon makaron si Jesus?
Kat namatay eon si Jesus, ginbanhaw imaw bilang espiritu ag nagbalik sa eangit. Rayon, “ginbayaw imaw it Dyos sa kahitaasan.” (Filipos 2:9) Makaron, si Jesus hay may mabahoe nga awtoridad—pangaywa eang kay Jehova.
TUN-I PA GID
Sayura kon sin-o gid si Jesus ag kon ham-an importante gid ro pagtuon parti kana.
4. Si Jesus hay buko’t Eabing Makagagahum nga Dyos
Ginaturo it Biblia nga maskin gamhanan nga espiritu nga tinuga si Jesus sa eangit, nagapasakop gihapon imaw sa anang Dyos ag Ama, nga si Jehova. Ham-an makahambae kita karon? Tan-awa ro VIDEO agud masayran kon ano ro ginaturo it Biblia parti sa relasyon ni Jesus sa makagagahum nga Dyos.
Ro mga masunod nga teksto makabulig katon nga maeubtan ro relasyon ni Jehova ag ni Jesus. Basaha ro kada teksto, ag talakaya rayon rayang mga pangutana.
Basaha ro Lucas 1:30-32.
-
Paano gintukoy it anghel ro relasyon ni Jesus ag ni Jehova nga Dyos, ro “Eabing Makagagahum”?
Basaha ro Mateo 3:16, 17.
-
Sa bautismo ni Jesus, ano ro ginhambae ku limog nga halin sa eangit?
-
Kon kimo, anyong limog rato?
Basaha ro Juan 14:28.
-
Sin-o ro mas magueang ag mas may awtoridad? Ro ama o ro unga?
-
Ano ro buot hambaeon kat gintawag ni Jesus si Jehova nga anang Ama?
Basaha ro Juan 12:49.
-
Ginaisip baea ni Jesus nga imaw ag ro anang Ama hay sangka persona? Ano kon kimo?
5. Ginpamatud-an ni Jesus nga imaw ro Mesias
Abung hula sa Biblia nga makabulig sa mga tawo nga makilaea ro Mesias—ro ginpili it Dyos agud euwason ro mga tawo. Tan-awa ro VIDEO para sa matag-od nga introduksyon para sa mga hula nga natuman kay Jesus kat iya imaw sa eugta.
Basaha ro mga hula sa Biblia, ag talakaya rayon rayang mga pangutana:
Basaha ro Miqueas 5:2 para masayran kon siin gin-unga ro Mesias. b
-
Natuman baea rayang hula kat gin-unga si Jesus?—Mateo 2:1.
Basaha ro Salmo 34:20 ag Zacarias 12:10 agud makita ro mga detalye nga ginhula parti sa kamatayon it Mesias.
-
Natuman baea rayang mga hula?—Juan 19:33-37.
-
Kon kimo, may gin-obra baea si Jesus agud matuman kana rayang mga hula?
-
Ano ro ginapamatud-an kara kimo parti kay Jesus?
6. Makabenepisyo kita sa pagtuon parti kay Jesus
Ginpabahoe it Biblia ro importansya it pagtuon parti kay Jesus ag sa anang papel. Basaha ro Juan 14:6 ag 17:3, ag talakaya rayon rayang pangutana:
-
Ham-an importante nga magtuon parti kay Jesus?
Ginbuksan ni Jesus ro daean agud mangin amigo kita it Dyos. Ginturo na ro kamatuoran parti kay Jehova, ag paagi kana, mabaton naton ro kabuhi nga owa it katapusan
KON MAY MAGHAMBAE: “Ro mga Saksi ni Jehova hay owa man nagapati kay Jesus.”
-
Ano ing isabat?
SUMARYO
Si Jesus hay gamhanan nga espiritu. Imaw hay Unga it Dyos ag ro Mesias.
Review
-
Ham-an gintawag si Jesus nga “panganay nga Unga nga eabaw sa tanan nga mga tinuga”?
-
Ano ro gin-obra ni Jesus bago imaw mag-agto sa eugta?
-
Paano naton nasayran nga si Jesus ro Mesias?
SAYURA
Sayura kon ham-an si Jesus ro Mesias.
“Ang mga Tagna Bala Parte sa Mesias Nagapamatuod nga si Jesus ang Mesias?” (Artikulo sa website)
Sayura kon ginaturo baea it Biblia nga literal nga gin-unga it Dyos si Jesus kapareho sa kon paano nga gin-unga ro tawo.
“Ham-an Gintawag si Jesus nga Unga it Dyos?” (Artikulo sa website)
Tun-i kon ham-an owa ginaturo it Biblia ro Trinidad.
Basaha kon paano nagbag-o ro kabuhi it bayi pagkatapos na tun-an ro ginahambae it Biblia parti kay Jesus.
“Ginpaathag sang Judiyo nga Babayi Kon Ngaa Ginbag-o Niya ang Iya Pagpati” (Magmata!, Mayo 2013)
a Matun-an naton sa Leksion 26 ag 27 kon ham-an kinahang-ean euwason ro mga tawo ag kon paano kita euwason ni Jesus.
