LEKSYON 18

Kon Paano Makilaea ro Matuod nga mga Cristyano

I-PLAY

Abung tawo ro nagaaku nga Cristyano sanda. Pero iba-iba ro andang ginapatihan, ag owa nanda ginakabuhi ro andang ginaturo. Ngani, paano naton makilaea ro matuod nga mga Cristyano?

1. Ano ro sangka Cristyano?

Ro mga Cristyano hay mga disipulo, o sumoeunod ni Jesu-Cristo. (Basaha ro Binuhatan 11:26.) Paano nanda ginapamatud-an nga mga disipulo sanda ni Jesus? Ginhambae na: “Kon ginatuman ninyo ro akong mga ginaturo, matuod gid nga mga disipulo ko kamo.” (Juan 8:31) Buot hambaeon kara nga dapat magtuman ro matuod nga mga Cristyano sa mga ginaturo ni Jesus. Pirme ginagamit ni Jesus ro Biblia sa anang mga ginaturo, ginabase man it matuod nga mga Cristyano ro andang pagpati sa Biblia.—Basaha ro Lucas 24:27.

2. Paano ginapakita it matuod nga mga Cristyano ro pagpalangga?

Ginhambae ni Jesus sa anang mga sumoeunod: “Maghigugmaanan kamo kamana nga ako nagahigugma kinyo.” (Juan 15:12) Paano ginpakita ni Jesus nga palangga na ro anang mga disipulo? Nagtao imaw it oras, nagpalig-on, ag nagbulig kanda. Maskin ro anang kabuhi hay gintao nana para kanda. (1 Juan 3:16) Pareho ni Jesus, ginapakita it matuod nga mga Cristyano ro pagpalangga sa kada isaea bukon eang sa andang ginahambae kundi pati man sa andang ginaobra.

3. Ano ro ginasakuan nga ueobrahon it matuod nga mga Cristyano?

Ginsugo ni Jesus ro anang mga disipulo. “Ana sanda nga ginpadaea sa pagwali ku Ginharian it Dyos.” (Lucas 9:2) Ro mga Cristyano kato hay owa eang nagwali sa mga lugar it pagsimba kundi pati man sa pangpubliko nga mga lugar ag sa mga baeay. (Basaha ro Binuhatan 5:42; 17:17.) Ro matuod nga mga Cristyano makaron hay naga-preaching man it kamatuoran sa Biblia maskin siin nga may tawo. Palangga nanda ro mga tawo, ngani masadya sanda nga nagatao it andang oras ag kusog agud isugid ro pag-eaum ag paumpaw nga una sa Biblia.—Marcos 12:31.

TUN-I PA GID

Tun-i kon ano ro kinaiba it matuod nga mga Cristyano sa mga tawo nga owa nagasunod sa mga ginaturo ag halimbawa ni Jesus.

4. Gin-usoy nanda ro kamatuoran sa Biblia

Ginsunod it mga Cristyano kato ro Bisaea it Dyos

Buko’t tanan nga nagahambae nga Cristyano sanda hay nagaapresyar sa kamatuoran nga una sa Biblia. Tan-awa ro VIDEO, ag talakaya rayon rayang pangutana.

VIDEO: Kon Paano Ginhigkuan ro Cristyanismo (5:11)

Ham-an owa ginturo it mga relihiyon nga nagaaku nga mga Cristyano ro ginturo ni Jesus?

Ginturo ni Jesus ro kamatuoran halin sa Bisaea it Dyos. Basaha ro Juan 18:37, ag talakaya rayon rayang pangutana:

Base kay Jesus, paano naton makilaea ro mga Cristyano nga “una sa kamatuoran”?

5. Ginwali nanda ro kamatuoran nga una sa Biblia

Nagwali sa iba ro mga Cristyano kato

Bago si Jesus nagpaeangit, may ginsugo imaw sa anang mga sumoeunod nga ginaobra gihapon hasta makaron. Basaha ro Mateo 28:19, 20 ag Binuhatan 1:8, ag talakaya rayon rayang pangutana:

Hasta hin-uno ag hasta siin iwali ro mayad nga balita?

6. Ginkabuhi nanda ro andang mga ginaturo

Ano ro nagkumbinsi kay Tom nga hakita na eon ro matuod nga mga Cristyano? Tan-awa ro VIDEO, ag talakaya rayon rayang mga pangutana.

VIDEO: Owa Eon Ako it Salig sa Relihiyon (5:20)

Sa video, ham-an nadueaan it pagsalig si Tom sa relihiyon?
Ham-an kumbinsido imaw nga hakita na eon ro kamatuoran?

Mas importante ro ginaobra kaysa sa ginahambae. Basaha ro Mateo 7:21, ag talakaya rayon rayang pangutana:

Ano ro mas importante para kay Jesus—ro atong ginahambae o ro atong ginaobra?

7. Palangga nanda ro kada isaea

May pagpalangga sa kada isaea ro mga Cristyano kato

Handa gid baea irisgo it mga Cristyano ro andang kabuhi para sa pareho nanda nga Cristyano? Tan-awa ro VIDEO, ag talakaya rayon rayang mga pangutana.

VIDEO: Handa Imaw Magtao it Anang Kabuhi (2:55)

Sa video, ham-an handa magtao it anang kabuhi si Lloyd para kay Brother Johansson?
Ginpakita na baea nga matuod imaw nga Cristyano?

Basaha ro Juan 13:34, 35, ag talakaya rayon rayang mga pangutana:

Paano dapat trataron it mga disipulo ni Jesus (matuod nga mga Cristyano) ro bukon nanda’t kalahi?
Paano nanda ra ginaobra kon may inaway?

KON MAY MAGHAMBAE: “Ro mga Cristyano hay nagaobra it kaeainan—paano nanda nahambae nga matuod sanda nga relihiyon?”

Anong teksto ing gamiton agud makilaea ro matuod nga mga Cristyano?

SUMARYO

Ro matuod nga mga Cristyano hay nagasunod sa ginaturo it Biblia, nagapakita it masinakripisyuhon nga pagpalangga, ag naga-preaching it kamatuoran nga una sa Biblia.