LEKSYON 21
Paano Ginawali ro Mayad nga Balita?
Maeapit eon lang dueaon ni Jehova ro tanan naton nga problema paagi sa anang Ginharian. Rayang mayad nga balita hay dapat isugid sa abu nga tawo. Gusto ni Jesus nga isugid it anang sumoeunod rayang mensahe sa tanan! (Mateo 28:19, 20) Paano ginasunod it mga Saksi ni Jehova rayang sugo ni Jesus?
1. Paano natuman makaron ro Mateo 24:14?
Ginhula ni Jesus: “Ag rayang Mayad nga Balita nahanungod sa Ginharian iwali sa bilog nga kalibutan.” (Mateo 24:14) Masadya nga ginaobra it mga Saksi ni Jehova rayang sugo. Ginawali namon ro mayad nga balita sa bilog nga kalibutan sa sobra 1,000 nga linggwahe! Rayang mabahoe nga ueobrahon hay nagakinahang-ean it pagtinguha ag pag-organisar. Indi ra maobra kon owa ro bulig ni Jehova.
2. Ano ro atong obrahon agud mawalihan ro mga tawo?
Naga-preaching kami maskin siin nga may tawo. Pareho sa gin-obra it unang siglo nga mga Cristyano, nagawali kami “sa mga baeay.” (Binuhatan 5:42) Paagi kara minilyon nga tawo ro among mawalihan kada dag-on. Kon amat, owa ro mga tawo sa andang baeay, ngani naga-preaching kami sa pangpubliko nga mga lugar. Nagausoy kami it paagi agud isugid sa iba ro parti kay Jehova ag sa anang mga katuyuan.
3. Sin-o ro may responsibilidad nga iwali ro mayad nga balita?
Tanan nga matuod nga mga Cristyano hay may responsibilidad nga isugid sa iba ro mayad nga balita. Ngani seryoso kami sa pag-obra kara. Naga-preaching kami hasta sa among makaya tungod kabuhi ro nadaeahig. (Basaha ro 1 Timoteo 4:16.) Owa kami ginabayran agud obrahon ra. Nagahambae ro Biblia: “Nakabaton kamo nga owa it bayad, ngani magtao man kamo nga indi magpabayad.” (Mateo 10:7, 8) Buko’t tanan hay nagabaton it among mensahe. Pero padayon gihapon kami nga naga-preaching tungod parte raya it among pagsimba kay Jehova ag nagapasadya ra kana.
TUN-I PA GID
Sayura pa gid kon paano naga-preaching ro mga Saksi ni Jehova sa bilog nga kalibutan, ag kon paano kami ginabuligan ni Jehova.
Pag-preaching sa bilog nga kalibutan: (A) Costa Rica, (B) United States, (C) Benin, (D) Thailand, (E) Yap, (F) Sweden
4. Ginaobra namon ro tanan agud mawalihan ro mga tawo
Ginaobra it mga Saksi ni Jehova ro tanan agud maka-preaching sa mga tawo maskin siin man sanda. Tan-awa ro VIDEO, ag talakaya rayon rayang pangutana.
-
Ano ing nailaan sa pag-preaching it mga Saksi ni Jehova?
Basaha ro Mateo 22:39 ag Roma 10:13-15, ag talakaya rayon rayang mga pangutana:
-
Paano ginapakita it among pag-preaching nga palangga namon ro mga tawo?
-
Ano ro ginabatyag ni Jehova sa mga naga-preaching it mayad nga balita?—Tan-awa ro bersikulo 15.
5. Mga manogbulig kami it Dyos
Abung eksperyinsya ro nagapamatuod nga ginagiyahan ni Jehova ro ueobrahon namon. Tan-awa ro halimbawa it sangka brother nga si Paul, nga taga-New Zealand. Sangka hapon, may hakilaea imaw nga bayi sa anang pagpamaeay-baeay. Sa ruyong agahon, nagpangamuyo ruyong bayi sa Dyos gamit ro ngaean ni Jehova, ginpangabay na nga may magbisita kana. “Pagkatapos it tatlong oras, nag-abot ako sa anang baeay,” hambae ni Paul.
Basaha ro 1 Corinto 3:9, ag talakaya rayon rayang pangutana:
-
Paano ginapamatud-an it mga eksperyinsya pareho it sa New Zealand nga ginagiyahan ni Jehova ro pagwali nga ueobrahon?
Basaha ro Binuhatan 1:8, ag talakaya rayon rayang pangutana:
-
Ham-an kinahang-ean naton ro bulig ni Jehova sa atong pag-preaching?
Sayod mo baea?
Kada domingo sa among midweek meeting, ginasanay kami kon paano mag-preaching. Kon naka-attend ka sa rayang mga miting, ano ing mahambae sa rayang pagsanay?
6. Ginasunod namon ro sugo it Dyos nga magwali
Ku unang siglo, ginapapundo it mga nagakontra sa mga sumoeunod ni Jesus ro pagwali. Gin-apinan it mga Cristyano kato ro andang kinamatarung sa pagwali paagi sa legal nga “pagpamatuod ku Mayad nga Balita.” (Filipos 1:7) Ginaobra man ron it mga Saksi ni Jehova makaron. a
Basaha ro Binuhatan 5:27-42, ag talakaya rayon rayang pangutana:
-
Ham-an indi kita magpundo sa pag-preaching?—Tan-awa ro bersikulo 29, 38, ag 39.
KON MAY MAGPANGUTANA: “Ham-an nagapamaeay-baeay ro mga Saksi ni Jehova?”
-
Ano ing isabat?
SUMARYO
Gintaw-an ni Jesus it instruksyon ro anang mga sumoeunod nga iwali ro mayad nga balita sa tanan nga nasyon. Ginabuligan ni Jehova ro anang katawhan nga obrahon ra.
Review
-
Paano ginawali ro mayad nga balita sa bilog nga kalibutan?
-
Paano ginapamatud-an it among pagwali nga palangga namon ro mga tawo?
-
Kon kimo, mangin masadya ka baea kon mag-preaching ka? Ham-an?
SAYURA
Tan-awa kon paano naga-preaching ro mga Saksi ni Jehova sa maeagko nga mga syudad.
Ano ro gin-obra it mga Saksi ni Jehova agud mabuligan ro mga refugee?
Sayura kon mauno kasadya ro kabuhi it sangka full-time nga ministro.
Sayura ro pila nga kaso sa korte nga ginpadaug it mga Saksi ni Jehova ag tan-awa kon ano ro epekto kara sa pagwali nga ueobrahon.
a Halin sa Dyos ro sugo nga magwali. Ngani, indi eon kinahang-ean nga mag-eaong ro mga Saksi ni Jehova sa mga awtoridad agud magwali it mayad nga balita.
