LEKSYON 25
Ano ro Gusto it Dyos Para Katon?
Nagahambae ro Biblia nga “matag-od ag puno it problema” ro kabuhi it tawo. (Job 14:1) Raya gid baea ro gusto it Dyos para katon? Kon bukon, ano ro gusto na para katon? Matabo gid baea ron? Sayura ro manami nga sabat it Biblia.
1. Ano nga klasi it kabuhi ro gusto ni Jehova para katon?
Gusto ni Jehova ro pinakamanami nga kabuhi para katon. Kat gintuga na ro una nga tawo nga sanday Adan ag Eba, ginbutang na sanda sa manami nga paraiso, ro hardin it Eden. Rayon “ginpakamayad sanda it Dyos, ag naghambae ro Dyos kanda: ‘Magpangunga kamo ag magpaabu, pun-a ninyo ro eugta ag dumaeahan ra.’” (Genesis 1:28) Gusto ni Jehova nga magpangunga sanda, obrahon nga paraiso ro eugta, ag diparahon ro mga sapat. Gusto na nga may mayad nga pang-eawas ro mga tawo ag mabuhi sa owa’t katapusan.
Maskin buko’t makaruyon ro atong kabuhi makaron, a owa nagbag-o ro gusto it Dyos para katon. (Isaias 46:10, 11) Gusto na gihapon nga mabuhi sa owa’t katapusan ro matinumanon nga mga tawo sa manami nga sitwasyon.—Basaha ro Pahayag 21:3, 4.
2. Paano mangin masadya ag makaaeayaw ro atong kabuhi makaron?
Gintuga kita ni Jehova nga may espiritwal nga kinahang-eanon, ruyon ro atong handum nga makilaea ag masimba imaw. (Basaha ro Mateo 5:3-6.) Gusto na nga mangin maeapit nga amigo naton imaw, “magtikang sa tanan nana nga daeanon, palanggaon imaw,” ag alagaron imaw “sa bilog [naton] nga tagipusuon.” (Deuteronomio 10:12; Salmo 25:14) Kon obrahon naton ra, mangin masadya gid kita maskin may mga problema. Kon simbahon naton si Jehova mangin makaaeayaw gid ro atong kabuhi.
TUN-I PA GID
Sayura kon paano ginpakita ni Jehova ro anang pagpalangga katon kat gin-obra nana ro eugta ag kon ano ro ginaturo it anang Bisaea nga gusto na para katon.
3. Gusto ni Jehova nga may manami nga kabuhi ro mga tawo
Tan-awa ro VIDEO, ag talakaya rayon rayang pangutana.
-
Ham-an gintuga it Dyos ro atong manami nga planeta?
Basaha ro Manugwali 3:11, ag talakaya rayon rayang pangutana:
-
Ano ro ginaturo kara kimo parti kay Jehova?
4. Owa nagbag-o ro gusto ni Jehova para sa mga tawo
Basaha ro Salmo 37:11, 29 ag Isaias 55:11, ag talakaya rayon rayang pangutana:
-
Paano naton nasayran nga owa nagbag-o ro gusto ni Jehova para katon?
Pwede pa nga kay-aron ro nasamad nga baeay. Pareho ron sa eugta nga ginsamad it mga tawo, pero kay-aron ron it Dyos para sa mga nagapalangga kana
5. Mangin makaaeayaw ro atong kabuhi kon simbahon naton si Jehova
Mangin masadya kita kon masayran naton ro gusto it Dyos para katon. Tan-awa ro VIDEO, ag talakaya rayon rayang pangutana.
-
Ano ro benepisyo kay Terumi kat natun-an na nga may katuyuan gali ro kabuhi?
Basaha ro Manugwali 12:13, ag talakaya rayon rayang pangutana:
-
Tungod abu si Jehova nga gin-obra para katon, ano ro atong ibaeos kana?
KON MAY MAGPANGUTANA: “Ano gid-a ro gusto it Dyos para katon?”
-
Ano ing isabat?
SUMARYO
Gusto ni Jehova nga mabuhi kita sa owa’t katapusan sa manami nga sitwasyon iya sa eugta. Kon simbahon naton imaw sa atong bilog nga tagipusuon, mangin makaaeayaw gid ro atong kabuhi makaron.
Review
-
Ano kunta ro gusto ni Jehova para kanday Adan ag Eba?
-
Paano naton nasayran nga owa nagbag-o ro gusto it Dyos para sa mga tawo?
-
Paano mangin makaaeayaw ing kabuhi?
SAYURA
Sayura ro mga ebidensya nga matuod gid ro hardin it Eden.
“Ang Hardin sang Eden—Matuod Bala Ini?” (Ang Lalantawan, Enero 1, 2011)
Sayura kon ham-an makasigurado kita nga ro eugta hay indi mawasak.
Tun-i kon ano ro ginahambae it Biblia agud mangin makaaeayaw ro atong kabuhi.
Tan-awa kon paano narealisar it eaki nga may kueang gali sa anang kabuhi maskin eaum na una eon kana tanan.
a Sa masunod nga leksyon, matun-an mo kon ano gid ro matuod nga natabo.
