Tungod owa nagtuman sa Dyos ro unang mag-asawa nga sanday Adan ag Eba, nagakasaea kita, nagaantus, ag nagakamatay. a Pero may pag-eaum kita. Nag-obra si Jehova it paagi agud maeuwas kita sa saea ag kamatayon paagi sa anang Unga nga si Jesu-Cristo. Ginaturo it Biblia nga paagi sa anang kamatayon, gintubos kita ni Jesus. Ro pangtubos ro bayad agud mahilway ro sangka tawo. Gintao ni Jesus ro anang perpektong kabuhi bilang pangbayad o pangtubos. (Basaha ro Mateo 20:28.) Pwede kunta mabuhi sa owa’t katapusan si Jesus iya sa eugta, pero handa na nga itao ro anang kabuhi agud mabalik katon ro ginduea nanday Adan ag Eba. Ginpakita ni Jesus ag ni Jehova kon mauno gid nanda kita kapalangga. Rayang leksyon hay makabulig kimo nga apresyahon gid ro kamatayon ni Jesus.

1. Paano kita makabenepisyo sa kamatayon ni Jesus makaron?

Tungod makasasaea kita, abu kitang ginaobra nga owa nailaan ni Jehova. Pero, kon nagahinuesoe gid kita sa atong mga saea, nagapangayo it kapatawaran kay Jehova paagi kay Jesu-Cristo, ag indi eon pag-umanon ra, mangin amigo naton ro Dyos. (1 Juan 2:1) Naghambae ro Biblia: “Si Cristo mismo nagpanginmatay tungod kinyo. Nagpanginmatay imaw it makaisaeang bes gid lang tungod sa mga saea, isaeang ka matarung nga tawo para sa mga bukon-it-matarung, agud nga madaea nana kamo sa Dyos.”—1 Pedro 3:18.

2. Paano kita makabenepisyo sa kamatayon ni Jesus sa paeaabuton?

Ginpadaea ni Jehova si Jesus para itao ro anang perpekto nga kabuhi bilang tawo “agud nga ro kada nagatuo [kay Jesus hay] indi eon mamatay, kundi may kabuhi nga owa it katapusan.” (Juan 3:16) Tungod sa gin-obra ni Jesus, maeapit eon lang dueaon ni Jehova ro tanan nga nangin epekto it owa pagtuman ni Adan. Ngani kon may pagtuo kita sa gin-obra nga sakripisyo ni Jesus, may pag-eaum kita nga mangin masadya sa owa’t katapusan sa paraiso nga eugta!—Isaias 65:21-23.

 TUN-I PA GID

3. Nagahilway katon ro kamatayon ni Jesus sa saea ag kamatayon

1. Perpektong tawo si Adan nga owa nagtuman sa Dyos ag tungod kara nagakasaea ag nagakamatay ro mga tawo

2. Perpektong tawo si Jesus nga nagtuman sa Dyos ag tungod kara pwede mangin perpekto ro mga tawo ag mabuhi sa owa’t katapusan

4. Makabenepisyo ro tanan nga tawo sa kamatayon ni Jesus

 5. Regalo kimo ni Jehova ro pangtubos

Para sa mga amigo ni Jehova, personal nga regalo ro pangtubos. Halimbawa, basaha ro Galacia 2:20, ag talakaya rayon rayang pangutana:

• Paano ginpakita ni apostol Pablo nga ro pangtubos hay personal nga regalo kana?

Tungod nagkasaea si Adan, imaw ag ro anang mga inunga hay ginsentensyahan it kamatayon. Pero ginpadaea ni Jehova ro anang Unga agud mamatay para may pag-eaum ka nga mabuhi sa owa’t katapusan.

Habang ginabasa mo rayang mga teksto, imadyina kon ano ro ginabatyag ni Jehova kat hakita na nga nagaantus ro anang Unga. Basaha ro Juan 19:1-7, 16-18, ag talakaya rayon rayang pangutana:

• Ano ing nabatyagan kat hasayran mo ro gin-obra ni Jehova ag ni Jesus para kimo?

 SUMARYO

Paagi sa kamatayon ni Jesus mapatawad kita ni Jehova sa atong mga saea, ag may pag-eaum kita nga mangin masadya sa owa’t katapusan.

Review

• Ham-an namatay si Jesus?

• Sa anong paagi ro perpektong kabuhi ni Jesus bilang tawo nangin katumbas nga pangtubos?

• Paano ka makabenepisyo sa kamatayon ni Jesus?