LEKSYON 33
Ano ro Obrahon it Ginharian?
Nagagahum eon ro Ginharian it Dyos. Sa indi magbuhay, abu nga mga pagbag-o ro obrahon kara sa eugta. Talakayon naton ro manami nga mga bagay nga obrahon it Ginharian.
1. Paano ibalik ku Ginharian it Dyos ro kalinong ag hustisya sa eugta?
Bilang Hari ku Ginharian it Dyos, dueaon ni Jesus ro maeain nga mga tawo ag ro mga gubyerno paagi sa inaway it Armagedon. (Pahayag 16:14, 16) Sa panahon ngaron, matuman ro promisa it Biblia: “Sa indi eon lang magbuhay, ag ro maeain hay maduea eon.” (Salmo 37:10) Paagi sa Ginharian, ibalik ni Jesus ro kalinong ag hustisya sa bilog nga eugta.—Basaha ro Isaias 11:4.
2. Ano ro mangin kabuhi kon matabo eon ro gusto it Dyos sa eugta?
Kon maggahum eon ro Ginharian it Dyos, “ro mga matarung ro magatag-ana it eugta, ag magaestar sanda kara sa owa it katapusan.” (Salmo 37:29) Imadyina nga ro tanan sa kalibutan hay matarung ag nagapalangga kay Jehova ag sa kada isaea! Owa eon it nagamasakit, ag ro tanan hay mabuhi sa owa’t katapusan.
3. Ano ro obrahon ku Ginharian it Dyos kon maduea eon ro mga maeain?
Pagkatapos dueaon ro mga maeain, magagahum si Jesus bilang Hari sa sueod it 1,000 nga dag-on. Sa panahon ngaron, makaibahan nana ro 144,000 nga maggahum agud buligan ro mga tawo sa eugta nga mangin perpekto. Sa katapusan it ruyong panahon, mangin manami nga paraiso ro eugta, ag ro tanan nga tawo hay masadya tungod ginasunod nanda ro mga sugo ni Jehova. Ibalik rayon ni Jesus ro paggahum it Ginharian sa anang Ama, nga si Jehova. Sa panahon ngaron, ‘madayaw gid ro ngaean’ ni Jehova. (Mateo 6:9, 10) Mapamatud-an gid kara nga mayad nga Manoggahum si Jehova nga nagakabaeaka sa anang mga sinakpan. Dueaon rayon ni Jehova si Satanas, ro mga demonyo, ag ro tanan nga magarebelde sa Anang paggahum. (Pahayag 20:7-10) Ro manami nga mga bagay nga obrahon ku Ginharian it Dyos hay magapadayon sa owa’t katapusan.
TUN-I PA GID
Sayura kon ham-an makasalig kita nga gamiton it Dyos ro Ginharian agud matuman ro tanan nga promisa it Biblia sa paeaabuton.
4. Tapuson ku Ginharian it Dyos ro tanan nga gubyerno it tawo
“Ginadumaeahan it tawo ro anang isigkatawo sa anang kasamaran.” (Manugwali 8:9) Paagi sa anang Ginharian, dueaon ni Jehova rayang inhustisya.
Basaha ro Daniel 2:44 ag 2 Tesalonica 1:6-8, ag talakaya rayon rayang mga pangutana:
-
Ano ro obrahon ni Jehova ag ku anang Unga nga si Jesus sa gubyerno it tawo ag sa mga nagasuporta kara?
-
Base sa imong hatun-an parti kay Jehova ag kay Jesus, ham-an makasalig ka nga tama ag patas ro andang obrahon?
5. Pinakamayad nga Hari si Jesus
Bilang Hari ku Ginharian it Dyos, abu nga obrahon si Jesus agud buligan ro mga tawo sa eugta. Tan-awa ro VIDEO agud makita nga gusto gid buligan ni Jesus ro mga tawo ag gintaw-an imaw it gahum ku Dyos nga obrahon ra.
Kat iya si Jesus sa eugta, ginpakita na kon ano ro obrahon it Ginharian. Alin sa rayang mga pagpakamayad nga mabasa sa idaeum ro nailaan mo gid? Basaha ro mga teksto parti sa rayang mga pagpakamayad.
|
KAT IYA IMAW SA EUGTA . . . |
HALIN SA EANGIT . . . |
|---|---|
|
|
|
|
|
|
|
|
6. Manami nga paeaabuton ro obrahon ku Ginharian it Dyos
Paagi sa Ginharian, may manami gid nga kabuhi ro mga tawo. Ag raya gid ro gusto ni Jehova para kanda. Mabuhi sanda sa owa’t katapusan sa paraiso nga eugta. Tan-awa ro VIDEO agud makita kon paano gingamit ni Jehova ro anang Unga nga si Jesus, agud matuman ro Anang katuyuan.
Basaha ro Salmo 145:16, ag talakaya rayon rayang pangutana:
-
Ano ing nabatyagan kat hasayran mo nga itao ni Jehova ro “handum it kada buhi nga bagay”?
KON MAY MAGHAMBAE: “Kon magbueoligan eang kita, masulbar naton ro tanan nga problema it kalibutan.”
-
Ano nga mga problema ro kayang sulbaron ku Ginharian it Dyos nga indi kaya ku gubyerno it tawo?
SUMARYO
Obrahon ku Ginharian it Dyos ro gusto ni Jehova nga matabo. Obrahon kara nga paraiso ro bilog nga eugta ag magaestar ro mabuot nga mga tawo nga magasimba kay Jehova sa owa’t katapusan.
Review
-
Paano madayaw ku Ginharian it Dyos ro ngaean ni Jehova?
-
Ham-an nagapati kita nga tumanon ku Ginharian it Dyos ro tanan nga promisa it Biblia?
-
Ano ro gusto mo gid makita nga obrahon it Ginharian?
SAYURA
Sayura kon ano ro Armagedon.
Basaha kon ano ro matabo habang ag pagkatapos it paggahum ni Jesus sa sueod it 1,000 nga dag-on.
“Ano ro Matabo sa Adlaw it Paghukom?” (The Watchtower, September 1, 2012)
Tan-awa kon paano imadyinon it sangka pamilya nga igto eon sanda sa Paraiso.
Sa istorya nga “Madamo Ako sing Ginpaligban nga Pamangkot,” sayura kon paano nasabat ro mga pangutana it eaki nga nagrebelde sa gubyerno.
“Ang Biblia Nagapabag-o sang Kabuhi” (Ang Lalantawan, Enero 1, 2012)
