LEKSYON 36
Mangin Maminatud-on sa Tanan nga Bagay
Tanan kita hay gusto it maminatud-on o honest nga mga amigo. Gusto man ni Jehova nga honest ro anang mga amigo. Pero malisud ra tungod abung tawo sa kalibutan ro buko’t honest. Ano ro mga benepisyo kon honest kita sa tanan nga bagay?
1. Ano ro pinakaimportante nga rason para mangin honest?
Kon honest kita sa iba, ginapakita naton nga ginapalangga ag ginarespeto naton si Jehova. Isipa ra: Sayod ni Jehova ro tanan nga ginaisip ag ginaobra naton. (Hebreo 4:13) Nasadyahan imaw kon makita na nga honest kita. Nagahambae ro anang Bisaea: “Ginakaugtan ni Jehova ro manogluko, pero Anang maeapit nga amigo ro matarung.”—Hulubaton 3:32.
2. Paano kita mangin honest sa tanan nga bagay?
Gusto ni Jehova nga ro kada isaea hay “dapat magsugid it matuod.” (Efeso 4:25) Ano ro buot hambaeon kara? Owa kita nagapinuril o nagatao it saea nga impormasyon sa atong pamilya, katrabaho, mga kaigmanghuran, o sa mga opisyal it gubyerno. Ro honest nga tawo hay owa nagapanakaw o nagapangluko sa iba. (Basaha ro Hulubaton 24:28 ag Efeso 4:28.) Ag nagabayad man sanda it buhis. (Roma 13:5-7) Pila eang ra sa mga paagi agud mapakita nga ‘gusto naton nga maghimo it matarung sa tanan nga tyempo.’—Hebreo 13:18.
3. Ano ro mga benepisyo kon honest kita?
Kon kilaea kita nga honest, saligan kita it iba. Makabulig kita nga mabatyagan it kongregasyon ro seguridad, pareho it sangka pamilya. May malimpyo kita nga konsensya. Kon honest kita, ‘mapadunggan pa gid naton ro pagtueon-an nahanungod sa Dyos nga atong Manog-euwas,’ ag makapainteres ra sa iba nga kilaeahon si Jehova.—Tito 2:10.
TUN-I PA GID
Sayura kon ano ro epekto kimo ag kay Jehova kon honest ka, ag tun-i kon paano ka mangin honest sa tanan nga bagay.
4. Masadya si Jehova kon honest ka
Basaha ro Salmo 44:21 ag Malaquias 3:16, ag talakaya rayon rayang mga pangutana:
-
Kon kimo, ham-an saea nga magpati nga matago naton ro kamatuoran?
-
Kon kimo, ano ro batyagon ni Jehova kon maghambae ka it matuod maskin malisud ra obrahon?
Kon nagahambae ro mga unga it matuod, mapasadya nanda ro andang mga ginikanan. Kon nagahambae kita it matuod, mapasadya naton si Jehova
5. Mangin honest pirme
Abung tawo ro nagapati nga indi man kinahang-ean nga mangin honest sa tanan nga bagay. Pero sayura kon ham-an dapat kita mangin honest pirme. Tan-awa ro VIDEO.
Basaha ro Hebreo 13:18, ag talakaya rayon kon paano kita mangin honest . . .
-
sa atong pamilya.
-
sa trabaho o eskuylahan.
-
sa iba pang sitwasyon.
6. Mga benepisyo kon honest kita
Sa umpisa, pwede kita magkaproblema kon honest kita. Pero habang nagabuhay, raya ro pinakamayad nga obrahon mo. Basaha ro Salmo 34:12-16, ag talakaya rayon rayang pangutana:
-
Ano ro benepisyo kon mangin honest ka?
-
Ro honest nga mag-asawa hay nagapabakud it andang relasyon
-
Ro honest nga trabahador hay ginasaligan it anang boss
-
Ro honest nga pumoeuyo hay may mayad nga reputasyon sa mga opisyal it gubyerno
KON MAY MAGHAMBAE: “Owa ma’t maeain kon sangkiri malang nga pagpinuril.”
-
Ham-an nagapati ka nga naugot si Jehova sa tanan nga pagpinuril?
SUMARYO
Gusto ni Jehova nga mangin honest ro anang mga amigo sa tanan nandang ginahambae ag ginaobra.
Review
-
Ano ro pila sa mga paagi nga mangin honest kita?
-
Ham-an saea nga isipon nga matago naton ro kamatuoran?
-
Ham-an gusto mo nga mangin honest pirme?
SAYURA
Paano matur-an it mga ginikanan nga mangin honest ro andang mga unga?
Ano ro mga benepisyo kon ginatuman naton ro atong mga promisa?
Tumana Ing mga Promisa Agud Mabaton Mo ro mga Pagpakamayad (9:09)
Ham-an dapat kita magbayad it buhis maskin pa ginagamit ra sa buko’t tama nga paagi?
“Buhis—Dapat Mo Bala Bayaran?” (Ang Lalantawan, Septiembre 1, 2011)
Ano ro nakabulig sa manogluko nga mangin honest nga tawo?
“Natun-an Ko nga si Jehova Maluluy-on kag Mapinatawaron” (Ang Lalantawan, Mayo 1, 2015)
