LEKSYON 41
Ano ro Ginahambae it Biblia Parti sa Sex?
Abu nga tawo ro buko’t komportable nga istoryahan ro parti sa sex. Pero sa Biblia, kon ginaistoryahan ro parti sa sex, prangka ra pero sa matinahuron nga paagi. Makabenepisyo kita sa ginahambae kara tungod si Jehova ro atong Manogtuga. Ngani sayod na kon alin ro pinakamayad para katon. Ginahambae na kon ano ro atong dapat obrahon para mapasadya imaw ag kon ano ro makabulig katon para mangin masadya sa owa’t katapusan.
1. Ano ro pagtan-aw ni Jehova sa sex?
Ro sex hay regalo halin kay Jehova. Gusto na nga mangin masadya ro eaki ag bayi nga mag-asawa nga nakasae. Raya nga regalo hay bukon eang it para magkaunga sanda kundi para mapabatyag nanda ro andang pagpalangga sa kada isaea. Ro Bisaea it Dyos hay naghambae: “Kabay pa nga masadyahan ka sa imong asawa kat bataon ka pa.” (Hulubaton 5:18, 19) Gusto ni Jehova nga ro nakasae nga mga Cristyano hay mangin mainunongon sa andang asawa, agud indi sanda mag-usoy it iba.—Basaha ro Hebreo 13:4.
2. Ano ro sekswal nga imoralidad?
Ginahambae katon it Biblia nga “ro mga makihieawasnon . . . owa gid it sambato kara kanda nga makapanubli ku Ginharian it Dyos.” (1 Corinto 6:9, 10) Ro mga manogsueat it Biblia nga nagsueat sa Griego hay naggamit it bisaea nga por·neiʹa para magtukoy sa sekswal nga imoralidad. Naeakip sa ruyong bisaea ro (1) sekswal nga relasyon a sa tunga it daywang ka tawo nga owa pa nakasae, (2) homosekswalidad, ag (3) bestyalidad o pagpakig-sex sa sapat. Makabenepisyo kita ag mapasadya naton si Jehova kon “likawan gid [naton] ro pagpakighieawas.”—1 Tesalonica 4:3.
TUN-I PA GID
Tun-i kon paano ka makalikaw sa sekswal nga imoralidad ag kon paano ka makabenepisyo kon magpabilin nga malimpyo sa moral.
3. Magpaeagyo sa sekswal nga imoralidad
Ro matutom nga eaki nga si Jose hay nagtinguha gid nga magpabilin nga malimpyo sa moral. Basaha ro Genesis 39:1-12, ag talakaya rayon rayang mga pangutana:
-
Ham-an naeagyo si Jose?—Tan-awa ro bersikulo 9.
-
Kon kimo, tama baea ro anang gin-obra? Ham-an?
Paano matuead it mga bataon makaron si Jose nga magpaeagyo sa sekswal nga imoralidad? Tan-awa ro VIDEO.
Gusto ni Jehova nga sikwayon naton ro imoralidad. Basaha ro 1 Corinto 6:18, ag talakaya rayon rayang mga pangutana:
-
Ano nga mga sitwasyon ro makatik-eud sa isaea nga makaobra it sekswal nga imoralidad?
-
Paano ka makapaeagyo sa imoralidad?
4. Kaya mong suk-ean ro tentasyon
Ano ro rason kon ham-an malisud suk-ean ro tentasyon nga mag-obra it sekswal nga imoralidad? Tan-awa ro VIDEO, ag talakaya rayon rayang pangutana.
-
Sa video, ano ro gin-obra it brother kat narealisar na nga ro anang ginaisip ag ginaobra hay pwedeng makasamad sa andang pag-asawahan?
Maskin ro matutom nga mga Cristyano hay nalisdan kon amat nga mangin malimpyo ro andang ginaisip. Paano mo malikawan ro pag-inisip it imoral nga mga bagay? Basaha ro Filipos 4:8, ag talakaya rayon rayang mga pangutana:
-
Ano ro mga bagay nga dapat natong isipon?
-
Paano makabulig katon ro pagbasa it Biblia ag pagpabilin nga masako sa pag-alagad kay Jehova nga masuk-ean ro tentasyon nga mag-obra it saea?
5. Makabenepisyo kita kon sundon naton si Jehova
Sayod ni Jehova ro pinakamayad para katon. Ginasugid na katon kon paano magpabilin nga malimpyo sa moral ag ro mga benepisyo kon obrahon naton ra. Basaha ro Hulubaton 7:7-27 o tan-awa ro VIDEO, ag talakaya rayon rayang mga pangutana.
-
Paano ro bataon nga eaki haagto sa sitwasyon nga matentar imaw?—Tan-awa ro Hulubaton 7:8, 9.
-
Base sa Hulubaton 7:23, 26, ro sekswal nga imoralidad hay may maeain gid nga resulta. Kon magpabilin kita nga malimpyo sa moral, ano nga mga problema ro atong malikawan?
-
Paano ro kalimpyo sa moral makabulig katon nga mangin masadya sa owa’t katapusan?
Ro iba hay nagaisip nga ro ginahambae it Biblia parti sa homosekswalidad hay bukon it mapinalanggaon. Pero si Jehova, ro Dyos it gugma, gusto na nga ro tanan hay mangin masadya sa owa’t katapusan. Agud mangin kwalipikado, dapat magkabuhi kita sa paagi nga gusto nana. Basaha ro 1 Corinto 6:9-11, ag talakaya rayon rayang pangutana:
-
Sa pagtan-aw it Dyos, ro homosekswalidad eang baea ro maeain nga handum?
Para mapasadya ro Dyos, tanan kita hay dapat mag-obra it mga pagbag-o. Sulit baea nga obrahon ra? Basaha ro Salmo 19:8, 11, ag talakaya rayon rayang mga pangutana:
-
Kon kimo, tama baea ro pagsueondan ni Jehova sa moral? Ham-an ruyon ing sabat?
Abu ro ginbuligan ni Jehova nga sundon ro anang pagsueondan sa moral. Mabuligan ka man nana
KON MAY MAGHAMBAE: “Okey lang mag-sex, basta palangga nyo ro kada isaea.”
-
Ano ing isabat?
SUMARYO
Ro sex hay regalo halin kay Jehova para mangin masadya ro mag-asawa.
Review
-
Ano ro naeakip sa sekswal nga imoralidad?
-
Ano ro makabulig katon nga malikawan ro sekswal nga imoralidad?
-
Paano kita makabenepisyo kon sundon naton ro pagsueondan ni Jehova sa moral?
SAYURA
Tun-i kon ham-an importante sa Dyos nga magpakasae ro eaki ag bayi.
“Ano ro Ginahambae it Biblia Parti sa Pag-iba it Owa Pa Makasae?” (Artikulo sa website)
Tun-i kon ham-an ginaturo it Biblia nga saea ro homosekswalidad pero owa raya nagakahueogan nga ginakaugtan naton ro nagaobra kara.
Tun-i kon paano kita ginaprotektahan ku sugo it Dyos sa tanan nga sekswal nga ueobrahon.
Sa eksperyinsya nga “Ginarespeto Nila Ako,” tan-awa kon ano ro nakabulig sa sangka homosekswal nga bag-uhon ro anang kabuhi agud mapasadya ro Dyos.
“Ang Biblia Nagapabag-o sang Kabuhi” (Ang Lalantawan, Abril 1, 2011)
a Naeakip sa ginabawae nga ueobrahon ro pag-sex, oral sex, anal sex, ag paghimas sa kinatawo it iba sa sekswal nga paagi.
