LEKSYON 42
Ano ro Ginahambae it Biblia Parti sa mga Single ag may Asawa?
Sa ibang mga kultura, nagapati ro mga tawo nga mangin masadya eang sanda kon may asawa. Pero, buko’t tanan nga may asawa hay masadya ag buko’t tanan nga single hay masubo. Ro matuod, ginahambae it Biblia nga ro single ag may asawa hay parehong regalo.
1. Ano ro mga benepisyo kon single ka?
Ginahambae it Biblia: “Mayad man ro magpakasae sa anang nobya, pero mas mayad pa gid ro ginahimo it tawo nga indi mag-asawa.” (Basaha ro 1 Corinto 7:32, 33, 38.) Sa ano nga mga paagi “mas mayad” ro ginaobra it mga single? Ro single nga mga Cristyano hay owa it ginadipara nga asawa. Ngani, mas abu ro andang maobra. Halimbawa, ro iba hay nagpaeapad it andang ministeryo, kapareho it pag-agto sa ibang lugar agud maka-preaching it mayad nga balita. Eabaw sa tanan, mas abu ro andang oras nga mangin maeapit kay Jehova.
2. Ano ro mga benepisyo kon legal ro inyong kasae?
Pareho it pagka-single, ro pag-asawa hay may mga benepisyo man. Nagahambae ro Biblia nga ro “daywa hay mas mayad kaysa sambilog.” (Manugwali 4:9) Matuod gid ra sa mga Cristyano nga nagasunod it mga prinsipyo sa Biblia sa andang pag-asawa. Ro daywa nga legal nga hakasae hay nagpromisa nga palanggaon, respetuhon, ag apresyahon nanda ro kada isaea. Bilang resulta, mabatyagan nanda ro seguridad nga indi mabatyagan it naga-live-in. Ag makabatyag man karon ro andang mga unga.
3. Ano ro pagtan-aw ni Jehova sa pag-asawa?
Kat gin-obra ni Jehova ro unang kasae, ginhambae na: “Ruyon kon ham-an aywanan ku eaki ro anang tatay ag nanay ag magaiba sanda ku anang asawa.” (Genesis 2:24) Gusto ni Jehova nga magpalanggaanan ag mag-iba ro mag-asawa habang buhi sanda. Ginasugtan eamang ni Jehova ro deborsyo kon nagpang-eaeaki o nagpangbabayi ro asawa. Sa rayang sitwasyon, ginataw-an ni Jehova it kahilwayan sa pagdesisyon ro inosenteng asawa kon deborsyuhan na ra o indi. a (Mateo 19:9) Owa ginasugtan ni Jehova ro mga Cristyano nga mag-asawa it abu.—1 Timoteo 3:2.
TUN-I PA GID
Sayura kon paano ka mangin masadya pati si Jehova, single ka man o may asawa.
4. Gamita it mayad ro imong regalo nga pagka-single
Para kay Jesus regalo gid ro pagka-single. (Mateo 19:11, 12) Basaha ro Mateo 4:23, ag talakaya rayon rayang pangutana:
-
Paano gingamit ni Jesus ro regalo nga pagka-single agud alagaron ro anang Ama ag buligan ro iba?
Ro mga Cristyano nga owa it asawa hay pwede man mangin masadya kapareho ni Jesus. Tan-awa ro VIDEO, ag talakaya rayon rayang pangutana.
-
Paano magamit it mayad it mga Cristyano ro andang pagka-single?
Sayod mo baea?
Owa ginahambae it Biblia ro tama nga edad sa pag-asawa. Pero, nagapalig-on ra nga kon gustong mag-asawa it sangka tawo dapat nga “eagpas eon imaw sa pagkabataon,” tungod raya ro panahon nga mabaskog ro sekswal nga baeatyagon, ngani malisdan imaw makaobra it mayad nga desisyon.—1 Corinto 7:36, NWT.
5. Pilia it mayad ro imong mapangasawa
Ro pagpili it mapangasawa hay sambato sa pinakaimportanteng desisyon nga obrahon mo. Basaha ro Mateo 19:4-6, 9, ag talakaya rayon rayang pangutana:
-
Ham-an indi dapat magdali ro sangka Cristyano nga mag-asawa eagi?
Mabuligan ka it Biblia nga masayran kon ano nga mga ugali ing usuyon sa imong mapangasawa. Ro pinakaimportante sa tanan, pilia ing mapangasawa nga palangga gid si Jehova. b Basaha ro 1 Corinto 7:39 ag 2 Corinto 6:14. Talakaya rayon rayang mga pangutana:
-
Ham-an sa pareho nga Cristyano eang kita dapat magpili it mapangasawa?
-
Kon kimo, ano ro batyagon ni Jehova kon ro atong mapangasawa hay owa nagapalangga Kana?
Kon ro daywang ka sapat nga buko’t pareho hay ginsuksukan it yugo, malisdan gid sanda. Makaruyon man kon mag-asawa ro sangka Cristyano it owa nagapalangga kay Jehova, abu man ro anang mangin problema
6. Tueara ro pagtan-aw ni Jehova sa pag-asawa
Sa Israel kato, ro pila sa asawang eaki hay gindeborsyo ro andang asawa sa makasarili nga mga rason. Basaha ro Malaquias 2:13, 14, 16, ag talakaya rayon rayang pangutana:
-
Ham-an ginakaugtan ni Jehova ro buko’t tama nga rason sa pagdeborsyo?
Ro pagpang-eaeaki o pagpangbabayi ag pagdeborsyo hay masakit gid sa inosenteng asawa ag mga unga
Tan-awa ro VIDEO, ag talakaya rayon rayang pangutana.
-
Kon nakaasawa ka it buko’t Cristyano, ano ing pwede obrahon agud mangin masadya kamo?
7. Sunda ro pagsueondan ni Jehova sa pag-asawa
Basi kinahang-ean nga magtinguha ro sangka tawo nga masunod ro pagsueondan ni Jehova sa pag-asawa. c Pero ginapakamayad gid ni Jehova ro mga nagaobra kara. Tan-awa ro VIDEO.
Basaha ro Hebreo 13:4, ag talakaya rayon rayang mga pangutana:
-
Kon kimo, tama baea ro pagsueondan ni Jehova sa pag-asawa? Ham-an ruyon ing sabat?
Gusto ni Jehova nga ro mga Cristyano hay legal nga irehistro ro andang kasae ag pagdeborsyo, tungod raya ro ginapatuman it kaeabanan nga mga nasyon. Basaha ro Tito 3:1, ag talakaya rayon rayang pangutana:
-
Kon hakasae ka eon, sigurado ka baea nga legal nga nakarehistro ro inyong kasae sa gubyerno?
KON MAY MAGPANGUTANA: “Ham-an mapakasae pa? Pwede man mag-live-in.”
-
Ano ing isabat?
SUMARYO
Pareho nga regalo halin kay Jehova ro pagka-single ag pag-asawa. Alin man kara ing pilion, pwede mangin masadya ag makaaeayaw ing kabuhi kon sundon mo si Jehova.
Review
-
Paano gamiton it mayad ku sangka tawo ro anang pagka-single?
-
Ham-an sa pareho nga Cristyano eang kita dapat magpili it mapangasawa?
-
Ano eamang ro rason nga ginahambae it Biblia sa pagdeborsyo?
SAYURA
Ano ro buot hambaeon nga “mag-asawa imaw it isaeang ka tumoeuo”?
“Mga Pamangkot Gikan sa mga Bumalasa” (Ang Lalantawan, Hulyo 1, 2004)
Tan-awa ro daywang ka video nga makabulig kimo agud makaobra it tama nga mga desisyon parti sa pag-date ag pag-asawa.
Sayura kon ham-an nakabatyag ro sangka brother nga mas abu ro gintao ni Jehova kaysa sa anang ginsakripisyo.
Ano ro mga bagay nga dapat isipon it sangka tawo bago magdeborsyo o magbueag?
“Padunggi ‘ang Gintingob sang Dios’” (Ang Lalantawan, Disiembre 2018)
b Sa ibang mga kultura, ro ginikanan ro nagapili it mapangasawa it andang mga unga. Sa rayang sitwasyon, dapat unang isipon it mapinalanggaon nga ginikanan, nga buko’t kwarta o estado sa kabuhi ro andang pilion sa mapangasawa it andang unga, kundi kon palangga na si Jehova.
c Kon nagaiba kamo nga buko’t kasae, personal mo nga desisyon kon aywanan mo imaw o pakaslan.
