Gusto ni Jehova nga mangin masadya kita ag magselebrar man kon amat. Pero tanan baea nga selebrasyon ag holiday hay nailaan na? Paano naton mapakita ro atong pagpalangga kay Jehova sa rayang bagay?

1. Ham-an it abu nga selebrasyon ro owa nagapasadya kay Jehova?

Basi makibot ka kon masayran mo nga abu nga selebrasyon ro owa ginaturo it Biblia o may pagano nga ginhalinan. Rayang mga selebrasyon hay halin sa buko’t matuod nga relihiyon. Basi ro iba hay may eabot sa espiritismo ag pagturo nga ro kaeag hay imortal. May mga selebrasyon mat-a nga naghalin sa mga pamahiin o pagpati sa swerte. (Isaias 65:11) Ginpaandaman ni Jehova ro mga nagasimba kana: “Magbueag [kamo] kanda. Indi kamo magtabing it bisan ano nga mahigko.”—2 Corinto 6:17. a

2. Ano ro batyagon ni Jehova sa mga selebrasyon nga nagapadungog sa mga tawo?

Nagpaandam si Jehova: “Sumpaon ro tawo nga nagasalig sa tawo eang.” (Basaha ro Jeremias 17:5.) May mga selebrasyon nga nagapadungog sa mga manoggahum o mga soldado. Ro iba mat-a hay nagaselebrar ku simbolo it nasyon o Independence Day. (1 Juan 5:21) Ro iba pa gid hay nagasuporta sa politika o sa sangka organisasyon. Ano ro batyagon ni Jehova kon padunggan naton ro tawo o sangka organisasyon, eabi eon gid ratong nagaturo it ideya nga kontra sa Anang katuyuan?

3. Ano ro mga ueobrahon it sangka selebrasyon nga owa ginabaton ni Jehova?

Ro Biblia naghambae nga maeain ro ‘pagpinahilong, pagkinalipay it sobra, ag pagbabad sa pag-ieimnan.’ (1 Pedro 4:3) May mga selebrasyon nga ro mga tawo hay owa eon it pagpugong sa andang sarili ag nagaobra it imoral nga mga bagay. Agud padayon nga mangin amigo ni Jehova, kinahang-ean naton nga maglikaw sa ruyong mahigko nga mga ueobrahon.

 TUN-I PA GID

 5. Buligi ro iba nga respetuhon ro imong pagpati

6. Gusto ni Jehova nga mangin masadya kita

Gusto ni Jehova nga mangin masadya kita kaibahan it atong pamilya ag mga amigo. Basaha ro Manugwali 8:15, ag talakaya rayon rayang pangutana:

• Paano ginapakita it rayang teksto nga gusto ni Jehova nga mangin masadya kita?

Gusto ni Jehova nga mangin masadya ro anang katawhan kon mag-ieiba sanda. Tan-awa ro VIDEO agud makita mo nga matuod ra sa among internasyonal nga kunbensyon.

Basaha ro Galacia 6:10, ag talakaya rayon rayang mga pangutana:

• Kinahang-ean baea nga magselebrar it holiday agud makaobra kita it mayad sa iba?

• Ano ro makapasadya kimo—ro obligado ka magtao tungod may selebrasyon o tungod gusto mo magtao?

• Kon amat nagahanda ro mga Saksi para sa andang mga unga ag ginataw-an sanda it mga regalo. Kon may unga ka, ano ro espesyal nga bagay nga pwede mong obrahon para kanda?

 SUMARYO

Gusto ni Jehova nga mangin masadya kita kaibahan it atong pamilya ag mga amigo. Pero gusto na man nga likawan naton ro mga selebrasyon nga owa na nailaan.

Review

• Ano ro pwede natong ipangutana agud masayran kon ro sangka selebrasyon hay owa nailaan ni Jehova?

• Paano naton buligan ro atong pamilya ag mga amigo nga maeubtan nanda ro atong desisyon parti sa selebrasyon?

• Paano naton nasayran nga gusto ni Jehova nga mangin masadya kita?