LEKSYON 47
Handa Ka Eon Baea Magpabautismo?
Abu eon nga mga bagay ing hatun-an parti kay Jehova paagi sa imong pagtuon sa Biblia. Ngani basi may gin-obra ka nga mga pagbag-o agud maaplikar ing mga hatun-an. Pero, basi may nagapugong kimo nga idedikar ing sarili kay Jehova ag magpabautismo. Talakayon sa rayang leksyon ro mga nagapugong kimo sa pagpabautismo ag kon paano mo ron matakuran.
1. Mauno’t abu dapat ing masayran bago magpabautismo?
Para mabautismuhan, kinahang-ean mo nga “makabaton it paghibaeo ku kamatuoran.” (1 Timoteo 2:4) Owa ra nagakahueogan nga dapat sayod mo ro tanan nga sabat sa mga pangutana it mga tawo parti sa Biblia. Maskin ro mga Cristyano nga mabuhay eon nabautismuhan hay padayon gihapon nga nagatuon. (Colosas 1:9, 10) Pero kinahang-ean mong matun-an ro panguna nga mga ginaturo it Biblia. Mabuligan ka it mga elder sa kongregasyon nga masayran kon bastante eon ing mga hatun-an.
2. Ano ro mga dapat mong obrahon bago magpabautismo?
Bago ka mabautismuhan, dapat ka “maghinuesoe . . . ag magbalik sa Dyos.” (Basaha ro Binuhatan 3:19.) Nagakahueogan ra nga nagahinuesoe ka gid sa imong mga saea nga haobra ag nagapangayo it kapatawaran kay Jehova. Desidido ka man nga likawan ro maeain nga mga ueobrahon ag magkabuhi sa paagi nga makapasadya sa Dyos. Dugang pa gid, nagaumpisa ka eon sa pag-attend sa mga miting ag pag-preaching kaibahan it kongregasyon bilang unbaptized publisher.
3. Ham-an indi mo dapat pagsugtan ro kahadlok nga magpugong kimo?
Nahadlok ro iba nga indi nanda maobra ro andang ginpromisa kay Jehova. Ro matuod, makaobra ka it saea kon amat, maskin ro mga matutom nga mga eaki ag bayi sa Biblia hay nakaobra man it saea. Pero owa nagapaabot si Jehova nga dapat perpekto ro mga nagasimba kana. (Basaha ro Salmo 103:13, 14.) Nasadyahan imaw kon ginaobra mo ro imong pinakamayad! Buligan ka nana. Sa pagkamatuod, ginapasalig kita ni Jehova nga “owa it may makapabueag katon sa anang gugma.”—Basaha ro Roma 8:38, 39.
TUN-I PA GID
Tan-awa kon paano mo matakuran ro mga nagapugong kimo sa pagpabautismo paagi sa pagkilaea it mayad kay Jehova ag pagbaton it anang bulig.
4. Kilaeaha pa gid si Jehova
Mauno mo dapat kakilaea si Jehova bago magpabautismo? Kinahang-ean nga kilaeahon mo imaw it mayad para mapalangga ag mapasadya mo imaw. Tan-awa ro VIDEO para makita kon paano ra naobra it mga estudyante sa Biblia sa bilog nga kalibutan. Ag talakaya rayon rayang pangutana.
-
Sa video, ano ro nakabulig sa iba nga mangin handa sa pagpabautismo?
Basaha ro Roma 12:2, ag talakaya rayon rayang mga pangutana:
-
Nagadaywang isip ka baea sa ginaturo it Biblia o kon ginaturo gid baea it mga Saksi ni Jehova ro kamatuoran?
-
Kon huo, ano ing obrahon?
5. Matakuran mo ro mga kalisdanan sa pagpabautismo
Kon magdesisyon kita nga magdedikar kay Jehova ag magpabautismo, makaatubang kita it mga kalisdanan. Agud makita ro sangka halimbawa, tan-awa ro VIDEO, ag talakaya rayon rayang mga pangutana.
-
Sa video, ano ro mga kalisdanan nga kinahang-ean matakuran ni Narangerel para maalagad si Jehova?
-
Paano ro pagpalangga kay Jehova nakabulig kana nga matakuran ro mga kalisdanan?
Basaha ro Hulubaton 29:25 ag 2 Timoteo 1:7, ag talakaya rayon rayang pangutana:
-
Ano ro makatao katon it kaisog nga matakuran ro mga kalisdanan?
6. Magsalig sa bulig ni Jehova
Buligan ka ni Jehova nga mapasadya imaw. Tan-awa ro VIDEO, ag talakaya rayon rayang mga pangutana.
-
Sa video, ano ro nagapugong sa Bible study nga magpabautismo?
-
Ano ro anang hatun-an nga nakabulig kana nga mapabakud ro anang pagsalig kay Jehova?
Basaha ro Isaias 41:10, 13, ag talakaya rayon rayang pangutana:
-
Ham-an makasigurado ka nga maobra mo ing ginpromisa sa imong dedikasyon?
7. Apresyaha pa gid ro pagpalangga ni Jehova
Kon mas ginaisip mo kon mauno ka kapalangga ni Jehova, mas mangin mapinasaeamaton ka ag mas gustuhon mo nga alagaron imaw sa owa’t katapusan. Basaha ro Salmo 40:5, ag talakaya rayon rayang pangutana:
-
Ano ro mga pagpakamayad halin kay Jehova ro ginaapresyar mo gid?
Ginpalangga ni propeta Jeremias si Jehova ag ro anang bisaea, ag naapresyar na gid ro pribilehiyo nga daehon ro pangaean ni Jehova. Naghambae imaw: “Ro imong bisaea hay nangin pagsinggit ag kasadya sa akong tagipusuon, ay gintawag ako sa imong ngaean, O Jehova nga Dyos.” (Jeremias 15:16) Sabta rayang mga pangutana:
-
Ham-an espesyal gid nga pribilehiyo nga mangin sambilog sa mga Saksi ni Jehova?
-
Gusto mo baea mabautismuhan bilang sangka Saksi ni Jehova?
-
May nagapugong baea kimo nga obrahon ra?
-
Kon kimo, ano ing kinahang-ean obrahon para mabautismuhan?
KON MAY MAGHAMBAE: “Nahadlok ako magpabautismo, basi indi ko man maobra ro ang ginpromisa.”
-
Makaruyon man baea ing ginabatyag?
SUMARYO
Sa bulig ni Jehova, matakuran mo ro tanan nga nagapugong kimo sa pagpabautismo.
Review
-
Mauno’t abu dapat ing hasayran sa Biblia agud mabautismuhan?
-
Ano nga mga pagbag-o ro dapat mong obrahon bago mabautismuhan?
-
Ham-an indi mo dapat pagsugtan ro kahadlok nga magpugong kimo?
SAYURA
Tun-i kon ano dapat ro mangin basehan it imong desisyon sa pagpabautismo.
“Handa Ka Na Bala nga Magpabawtismo?” (Ang Lalantawan, Marso 2020)
Tun-i kon paano mo matakuran ro mga kalisdanan nga pwedeng makapugong kimo.
“Ano ang Nagapugong sa Akon sa Pagpabawtismo?” (Ang Lalantawan, Marso 2019)
Tan-awa kon paano natakuran it sangka eaki ro mga kalisdanan para mabautismuhan.
Ku una, nagdaywang isip si Ataa nga magpabautismo. Tan-awa kon ano ro nagkumbinsi kana nga obrahon ra.
