Masadya kita kon may maeapit kita nga mga amigo nga nagabulig katon kon may problema kita. Pero nagpaandam ro Biblia nga buko’t tanan hay mayad nga amigo. Ngani paano ka makapili it mayad nga mga amigo? Talakaya rayang mga pangutana.

1. Paano ka maimpluwensyahan it ing mga amigo?

Pwede kita maimpluwensyahan it pirme natong kaibahan—mayad o maeain man nga ugali. Ag matuod gid ron kon pirme naton sandang kaibahan sa personal man o sa social media. Ro Biblia nagahambae nga, “ro tawo nga nagatikang kaibahan sa maaeam hay mangin maaeam, pero ro tawo nga nagaiba sa langu-lango [ratong owa nagapalangga kay Jehova] hay mapaeain.” (Hulubaton 13:20) Ro mga amigo nga nagapalangga ag nagasimba kay Jehova hay makabulig kimo nga mangin maeapit kana ag makaobra it mayad nga mga desisyon. Pero kon ro atong mga amigo hay owa nagapalangga kay Jehova, mapaeayo kita kana. Ruyon kon ham-an ginapalig-on kita it Biblia nga pilion it mayad ro atong mga amigo! Kon ro atong mga amigo hay nagapalangga sa Dyos, makabenepisyo kita ag pati man sanda. Sa ruyong paagi padayon kita nga “magmalig-on ag magbueoligan.”—1 Tesalonica 5:11.

2. Paano makaapekto kay Jehova ing ginpili nga mga amigo?

Ginapili it mayad ni Jehova ro anang mga amigo. “Anang maeapit nga amigo ro matarung.” (Hulubaton 3:32) Ano baea ro batyagon ni Jehova kon makig-amigo kita sa mga owa nagapalangga kana? Masubuan gid imaw! (Basaha ro Santiago 4:4.) Pero, masadyahan gid si Jehova katon ag makig-amigo imaw kon likawan naton ro maeain nga mga kaibahan, ag mag-eapit kana ag sa mga nagapalangga kana.—Salmo 15:1-4.

 TUN-I PA GID

4. Pwede naton mangin amigo ro iba-ibang mga tawo

Ginhambae sa Biblia ro mag-amigo sa Israel kato nga sanday David ag Jonatan. Mas magueang si Jonatan kay David ag unga imaw it hari, pero may manami gid sanda nga pag-amiguhan. Basaha ro 1 Samuel 18:1, ag talakaya rayon rayang pangutana:

• Ham-an buko’t kinahang-ean nga kaedad o kapareho eang naton it estado sa kabuhi ro atong mangin amigo?

Basaha ro Roma 1:11, 12, ag talakaya rayon rayang pangutana:

• Paano ro mag-amigo nga nagapalangga kay Jehova hay makapalig-on sa kada isaea?

Sa rayang video, tan-awa kon paano nakakita it amigo ro bataon nga brother nga owa na ginapaabot. Tan-awa ro VIDEO, ag talakaya rayon rayang mga pangutana.

• Sa video, ham-an nagakabaeaka ro ginikanan ni Akil sa anang mga amigo sa eskuylahan?

• Ku una, ano ro nailaan na sa anang mga amigo?

• Paano na natakuran ro kasubo?

 5. Kon paano makakita it mayad nga amigo

 SUMARYO

Kon pilion naton it mayad ro atong mangin amigo, mapasadya naton si Jehova ag makabenepisyo kita.

Review

• Ham-an importante kay Jehova kon sin-o ro atong mga amigo?

• Anong klasi it amigo ro dapat natong likawan?

• Paano ka makakita it mayad nga mga amigo?