LEKSYON 53
Pilia ro Kalingawan nga Makapasadya kay Jehova
Masadya nga Dyos si Jehova. (1 Timoteo 1:11) Gusto na nga mangin masadya kita ag mag-enjoy sa atong kabuhi. Nasadyahan imaw kon nagatao kita it panahon sa pagrelaks pagkatapos it atong trabaho. Sa rayang leksyon, matun-an naton kon paano gamiton it mayad rayang panahon sa masadya ag makaaeayaw nga paagi—ag makapasadya man kay Jehova.
1. Ano ro dapat natong tandaan kon nagapili it kalingawan?
Ano ing gustong obrahon kon nagarelaks? Gusto it iba nga magrelaks it isaeahanon sa andang baeay—magbasa it libro, magpamati it music, magpamantaw it pelikula, o mag-browse sa Internet. Gusto mat-a it iba nga makaibahan ro andang mga amigo—mag-hiking, mag-swimming, o maghampang. Maskin alin man kara ro atong pilion nga kalingawan, dapat natong siguraduhon “kon ano ro nahamut-an ku Ginuo.” (Efeso 5:10) Importante gid nga naeubtan naton ra, tungod kaeabanan sa mga sikat nga mga kalingawan makaron hay nagapakita it mga owa nailaan ni Jehova pareho it pagkabayolente, sekswal nga imoralidad, o espiritismo. (Basaha ro Salmo 11:5.) Ano ro makabulig katon nga pilion it mayad ro atong mga kalingawan?
Kon makig-amigo kita sa mga nagapalangga kay Jehova, mayad ro mangin impluwensya nanda katon pati man sa kalingawan nga atong ginapili. Natun-an naton ku nagtaliwan nga leksyon nga “ro tawo nga nagatikang kaibahan sa maaeam hay mangin maaeam.” Pero, kon pirme natong kaibahan ro mga tawo nga owa nagapalangga sa pagsueondan it Dyos, “mapaeain” kita.—Hulubaton 13:20.
2. Ham-an importante kon mauno’t abu ro ginagamit natong oras sa kalingawan?
Maskin pa ro atong kalingawan nga ginpili hay mayad sa pagtan-aw ni Jehova, dapat kitang maghaeong nga indi maubos kara ro atong oras. Kon matabo ron, basi owa eon kita it oras sa mas importante nga mga bagay. Ginahambae katon it Biblia nga gamiton it mayad o ‘himuslan naton ro tanan nga tyempo.’—Basaha ro Efeso 5:15, 16.
TUN-I PA GID
Tun-i kon paano makaobra it mayad nga desisyon parti sa imong kalingawan.
3. Likawi ro maeain nga mga kalingawan
Ham-an dapat natong pilion it mayad ro atong mga kalingawan? Tan-awa ro VIDEO, ag talakaya rayon rayang mga pangutana.
-
Paano ro mga hampang sa Roma kato hay pareho sa mga hampang makaron?
-
Sa video, ano ro natun-an ni Danny parti sa kalingawan?
Basaha ro Roma 12:9, ag talakaya rayon rayang pangutana:
-
Paano makabulig kimo rayang teksto sa pagpili it kalingawan?
Ano ro pila sa mga bagay nga owa nailaan ni Jehova? Basaha ro Hulubaton 6:16, 17 ag Galacia 5:19-21. Pagkatapos basahon ro kada teksto, talakaya rayang pangutana:
-
Alin sa mga bagay nga ginsambit sa teksto ro makita sa mga kalingawan makaron?
Kon paano magpili it mayad nga kalingawan
Kutan-a ing sarili:
-
Ano? May mga bagay baea ra nga owa nailaan ni Jehova?
-
Hin-uno? Nagaubos baea ra it akong oras sa mas importante nga mga bagay?
-
Sin-o? Nagapaeapit baea kakon ra sa mga tawo nga owa nagapalangga kay Jehova?
Mas mayad nga magpaeayo eagi sa peligro. Ruyon ro rason kon ham-an mayad nga magpaeayo sa mga kalingawan nga sa pagtan-aw naton hay makapaeain katon
4. Gamita it mayad ro imong oras
Tan-awa ro VIDEO, ag talakaya rayon rayang pangutana.
-
Sa video, maskin bukon it maeain ro ginapamantaw it brother, ano ro epekto kara kana?
Basaha ro Filipos 1:10, ag talakaya rayon rayang pangutana:
-
Paano makabulig rayang teksto kon mauno’t abu nga oras ro atong gamiton sa kalingawan?
5. Pilia ro mayad nga kalingawan
Maskin may mga kalingawan nga owa nailaan si Jehova, mas abu gihapon nga kalingawan ro anang nailaan. Basaha ro Manugwali 8:15 ag Filipos 4:8, ag talakaya rayon rayang pangutana:
-
Ano ro mayad nga mga kalingawan nga nailaan mo gid?
Ma-enjoy mo ro mayad nga kalingawan ag paghigya-higya
KON MAY MAGHAMBAE: “Owa man it maeain sa mga kalingawan nga nagapakita it pagkabayolente, imoralidad, o espiritismo. Basta owa ko man ra ginaobraha.”
-
Ano ing isabat?
SUMARYO
Gusto ni Jehova nga pilion naton ro mayad nga mga kalingawan ag mag-enjoy kara.
Review
-
Ano nga mga kalingawan ro dapat likawan it mga Cristyano?
-
Ham-an dapat nga maghaeong kita kon mauno’t abu nga oras ro atong ginagamit sa kalingawan?
-
Ham-an gusto mong pilion ro kalingawan nga nagapasadya kay Jehova?
SAYURA
Sayura kon anyong saeabton ro pagpili naton it kalingawan.
“May mga Pelikula, Libro, o Kanta Baea nga Ginabawae ro mga Saksi ni Jehova?” (Artikulo sa website)
Tan-awa kon paano ka makaobra it mayad nga desisyon parti sa kalingawan ag paghigya-higya.
“Mapuslanon Bala ang Imo Kalingawan?” (Ang Lalantawan, Oktubre 15, 2011)
Sa eksperyinsya nga “Nadula Na ang Akon Dumot,” sayura kon ham-an ginbag-o it eaki ro anang kalingawan.
“Ang Biblia Nagapabag-o sang Kabuhi” (Ang Lalantawan, Pebrero 1, 2010)
Tan-awa kon paano makaobra it mayad nga desisyon ro sangka nanay parti sa kalingawan nga nagapakita it espiritismo.
Likawi ro mga Kalingawan nga Nagapakita it Espiritismo (2:02)
