Эйе. Кудай бойыныҥ ишчилерин, олор ооруп турза, кичееп јат. Кудайга чындык иштеп турган кажы ла кижи керегинде Агару Бичикте мынайып айдылат: «Иегова оору кижини бир де артыргыспас, ого ийде-кӱч берер» (Сарын 41:3). Слерде хронический оору бар болзо, слерге бу ӱч јӧп болужар:

1.   Иегованаҥ ийде-кӱч сурагар. Слер «Кудайдыҥ не ле сагыштаҥ бийик амырын» таап алар аргалу. Бу слерге санааркабаска болужар ла слерди тыҥыдар (Филиппыдагыларга 4:6, 7).

2.   Јакшы кӱн-санаалу болугар. Агару Бичикте айдылат: «Сӱӱнчилӱ јӱрек — јакшы эм-тус, санааркаштар дезе сӧӧктӧрди кургадат» (Укаа сӧстӧр 17:22). Кокырлап, сӱӱнчилӱ јӱрӱгер, не дезе кокыр ооруп турган ӧйдӧ кунукпаска болужып, су-кадыгарга јакшы камаанын јетирер.

3.   Келер ӧйгӧ ижемјигерди тыҥыдыгар. Бек ижемји слерге хронический ооруга да кӧрбӧй, сӱӱнчигерди јылыйтпаска болужар (Римдегилерге 12:12). Агару Бичиктеги судурла болзо: «Бир де кижи: „Мен оору“ — деп айтпас» (Исаия 33:24). Ол тушта Кудай эмдиги ӧйдиҥ науказы эмдеп болбой турган хронический ооруларды эмдеп салар. Темдектезе, Агару Бичикте Кудай кижиниҥ карыырын канайып токтодып салары керегинде айдылат: «Оныҥ су-кадыгы јиит тужынаҥ артык болзын, ол ойто јиит болуп калзын» (Иов 33:25).

 Ајару. Иегованыҥ Керечилери бастыра јанынаҥ Кудайга иженип те турган болзо, хронический ооруларды эмдеер керек деп олор оҥдоп, профессиональный медицинага баштанат (Марк 2:17). Је бис эмденетен эп-аргалардыҥ јӱк кандый бир бӱдӱмин тузаланзын деп айтпай јадыс. Эмденетен сурактарда кажы ла кижи бойы кӧрӧр учурлу.