Јайым кӱӱн-табы — кайкамчылу сый
5-чи бӧлӱк
Јайым кӱӱн-табы — кайкамчылу сый
1, 2. Бистерде кандый кайкамчылу сый бар?
КУДАЙ кыйын-шыраны нениҥ учун токтотпой турган ла бу јанынаҥ Ол нени эдер кӱӱндӱзин оҥдоп аларга, бистерди Ол канайда јайап салганын билип алар керек. Ол бистерди јӱк ле эт-канду ла меелӱ эдип јайабаган. Ол бисти аҥылу сагышту, сезим кебеделдерлӱ эдип јайаган.
2 Бистиҥ сагыжыстыҥ ла сезимдеристиҥ тӧзӧмӧлинде јайым кӱӱндӱ болоры бар. Эйе, Кудай биске кӱӱн-табысты талдап јӱрер јайым берген. Бу чын ла кайкамчылу сый болгон.
Бис канайда јайалганыс
3—5. Нениҥ учун бис јайым кӱӱнди баалап турганыс?
3 Кудай шыра-јоболды токтотпой турганы ла бистиҥ јайым кӱӱнис канайда колбулузын кӧрӧктӧр. Озо бу керегинде сананып ий: сен нени эдер, айдар, нени јиир, канайда кийинер, кандый иш эдер ле кайда јадар деген талдап алатан јайымды баалап тургаҥ ба? Эмезе сен бастыра сениҥ јӱримиҥде кажы ла сӧзиҥди, кажы ла эткен керегиҥди кем де албадап эттирип турзын деген кӱӱндӱ бе?
4 Кандый да сагышту кижи оныҥ јӱрӱми бойыныҥ кӱӱнинеҥ мынча кире чыксын деп кӱӱнзебес. Нениҥ учун кӱӱнзебес? Нениҥ учун дезе бисти онойдо Кудай јайаган. Кудай кижини Бойыныҥ «бӱдӱмиле, кебеделдериле» јайаган, Кудайдыҥ Бойыныҥ кебеделдериниҥ бирӱзи — ол јайымды талдаары (Бытие 1:26; Второзаконие 7:6). Качан Ол улусты јайаарда, Ол олорго ондый ла кайкамчылу сый берген — јайым кӱӱндӱ болоры. Бот нениҥ учун казыр башчылар бистерди бийлеп турганда, бистер ачурканадыс.
5 Оныҥ учун јайым јӱрер кӱӱндӱ болоры тегин эмес, нениҥ учун дезе Кудай — јайымныҥ Кудайы болуп турган. «Кайда Кайраканныҥ Тыны, ондо јайым» — деп Библия айдат (2 Коринфяндарга 3:17). Анайдарда, Кудай бисти јайаарда, јайым кӱӱндӱ болорын, бистиҥ бойыстыҥ бӧлӱгис эдип берген. Бистиҥ сагыжыс ла сезимдерис канайып иштеерин Ол билген учун, бис јайым кӱӱндӱ болзос, бистиҥ ырызыс кӧп болор деп Ол анайдала билген.
6. Бистиҥ меегис јайым кӱӱнисле колбулу иштезин деп Кудай меени канайда јайаган?
6 Јайым кӱӱндӱ болорына коштой, Кудай биске сананар, чечимдер алынар, немени тӱҥдештирип кӧрӧр, јакшыны ла јаманды билип турар аргалар берген (Еврейлерге 5:14). Анайдарда, јайым кӱӱн сагышту талдашка тӧзӧлӧнӧр учурлу болгон. Бис бойлорында кӱӱн-табы, санаазы јок роботтор чылап эдилбегенис. Бис анайда ла ок инстинктле јӱрер тындулар чылап јайалбаганыс. Оныҥ ордына, бистиҥ кайкамчылу меегис бистиҥ јайым кӱӱн-табысла бой-бойыла колбулу иштезин деп эдилген.
Эҥ артык башталганы
7, 8. Кудай кандый кайкамчылу башталганды бистиҥ ада-ӧбӧкӧлӧриске берген?
7 Бистиҥ ӧбӧкӧлӧрис Адам ла Ева јайым кӱӱндӱ болгонына коштой, ончо кижиге керектӱ немелӱ болгонында Кудайдыҥ килеҥкейи кӧрӱнет. Олор јаан парктый сӱрекей јараш јерде јатыргызылган. Олордо курсак-тамак толтыра болгон. Олордыҥ эт-сӧӧги, санаазы бийик кеминде болгон, оныҥ учун олор карыбай, оорубай, эмезе ӧлбӧй јӱрер учурлу болгон — олор ӱргӱлјиге јӱрер эди. Олор андый ла ырысту, ӱргӱлјиге јӱретен бийик кеминде балдарлу болор учурлу болгон. Кӧптӧп турган улустар кижиниҥ кӱӱнине јарагадый иштӱ болор учурлу болгон, ол иштиҥ амадузыныҥ учуры бастыра јерди сӱрекей јараш јер эдип кубултары (Бытие 1:26 —30; 2:15).
8 Олорго ӱзе берилген немелер керегинде Библия айдат: «Бастыра јайаган немезин сӱреен јакшы деп Кудай кӧргӧн» (Бытие 1:31). Библия Кудай керегинде анайдала ок: «Оныҥ керектери бийик кеминде» — деп айдат (Второзаконие 32:4). Чын, Јайаачы кижиликтиҥ билезине бийик кеминде башталганды берген. Мынаҥ артык башталыш болор аргазы јок болгон. Кандый ол кичеҥкей Кудай болыптыр!
Ӧйи-кемдӱ јайым
9, 10. Нениҥ учун јайым кӱӱн-табынды тузаланары башкарулу болор учурлу?
9 е Кудай јайым кӱӱн-табыны ӧйи-кеми јок болзын деген амадулу болгон бо? Сананып кӧрзӧҥ дӧ, јолдыҥ ээжилери јок ал-камык кӧликтерлӱ кала: кажы ла кӧлик кандый да болзо, јаны јаар, кандый да болзо, маҥтадышту барып јат. Мындый айалгага сен маҥтадарга кӱӱнзер эдиҥ бе? Јок, бу кӧп јеткерлерге экелер јолдогы булгалыш болор эди.
10 Андый ла ок керек Кудайдыҥ сыйыла — јайым кӱӱн-табыла. Бош салып ийген јайым јондыкты булгалышка экелер эди. Кижиликтиҥ керектерин кӧрӱп, уландырып турар јасактар болор учурлу! «Бойыгарды јайым улустый тудыныгар, је качан да бойыгардыҥ јайымарла јаман керекти чыныркатпагар» — деп, Библия айдат (1 Петрдыҥ 2:16, «Иерусалимниҥ Библиязы» [«The Jerusalem Bible»]). Кудай ончо улус ортодо јакшы болзын деп, јайым кӱӱн ӧйи-кемдӱ болзын деп кӱӱнзейт. Бисти толо эмес, је аайлу-баштуга багынган ӧйлӱ-кемдӱ јайымду болзын деп Ол кӱӱнзеген.
Кемниҥ јасактарына?
11. Кемниҥ јасактарын бис бӱдӱрер учурлу болгоныс?
11 Кемниҥ јасактарын бис бӱдӱрер учурлу болгоныс? 1 Петрдыҥ 2:16 -чы (ЈВ) ӱлгериниҥ база бир бӧлӱгинде айдылат: «Слер Кудайдаҥ ӧскӧ кемге де кулдар болбой јадыгар». Бу кулданыш шыралу эмес, је Кудайдыҥ јасактарын бӱдӱрип тура, бистиҥ ырызыс кӧп болзын деп јайатканысты кӧргӱзет (Матфейдеҥ 22:35—40). Улустыҥ сананып тапкан јасактарына кӧрӧ, Оныҥ јасактары эҥ ле артык башкару берип јат. «Мен Кайракан, сениҥ Кудайыҥ, сени тузалу немеге ӱредип јадым, баратан учурлу јолло сени апарып јадым» (Исаия 48:17).
12. Кудайдыҥ јасактарыныҥ кеминде бисте кандый јайым талдаштар бар?
12 Бу ла ок ӧйдӧ, Кудайдыҥ јасактары бойлорыныҥ кеминде сӱреен јаан јайым берет. Бу бистиҥ јӱрӱмисти јӱзӱн-башка эдип, кижиликтиҥ билезин сӱрекей кайкамчылу эдет. Бастыра телекейде јӱзӱн-башка курсак, кийим, кӱӱ, јадар јерлер керегинде сананып ийзеҥ. Ончо бу сурактар јанынаҥ бис учун кем де талдазын эмес, је бис бойыс талдап эдер кӱӱндӱ болодыс.
13. Туза болзын деп кандый физикалык јасактарды бис бӱдӱрер учурлу?
13 Анайдарда, кижиниҥ кылык-јаҥына келиштире берилген Кудайдыҥ јасактарын бӱдӱрип тура, бистер сӱреен сӱӱнчилӱ болотон јаҥду эдип јайалганыс. Бу анайда ла ок Кудайдыҥ физикалык јасактарына багынып турганыла тӱҥей. Темдектезе, бис јерге јаба тартар јасакты ајаруга албай, бийик јердеҥ калып ийзес, бис не-негисти сындырып аларыс, эмезе божоп каларыс. Эт-канныҥ некеер јасактарын бӱдӱрбей: курсак јибей, суу ичпей, кей тынбазас — база ӧлӱп каларыс.
14. Улус Кудайдаҥ камааны јок эдип јайатпаганын бис кайдаҥ билерис?
14 Канайып бис физикалык јасактар бӱдӱрер учурлу эдип јайалганыс, анайып ла Кудайдыҥ ич-кӧгӱстик ле јондык јасактарын бӱдӱрер учурлу эдип јайалганыста алаҥзу јок (Матфейдеҥ 4:4). Улус бойлорыныҥ Јайаачызынаҥ камааны јок бололо, бу ла ок ӧйдӧ ырысту болор эдип јайалбаган. Судурчы Иеремия айдат: «Барып јаткан кижиде бойыныҥ тамандарын уландырып апарар јаҥы јок. Мени кату каруузына тургус, Кайракан» (Иеремия 10:23, 24). Оныҥ учун улус ончо јанынаҥ бойыныҥ эмес, а Кудайдыҥ башкарузыныҥ алдына јӱрер эдип јайалган.
15. Кудайдыҥ јасактары Адам ла Евага кӱч болор учурлу болгон бо?
15 Кудайдыҥ јасактарын бӱдӱрери бистиҥ ӧбӧкӧлӧриске кӱч болбос учурлу болгон. Оныҥ ордына бу јасактар олордыҥ јӱрӱмин, анайда ок бастыра кижиликтиҥ билезин јарандырар учурлу болгон. Баштапкы кижиликтиҥ эжери Кудайдыҥ јасактарынаҥ тудунган болзо, ончо неме јакшы болор эди. Бистер эмди ле кайкамчылу јараш јердиҥ ӱстинде јакшызынып, биригишкен кижиликтиҥ билези болуп јӱрер эдибис! Јаман неме де, кыйын-шыра ла ӧлӱм де болбос эди.
[Ӱренериниҥ сурактары]
[11 бӱктеги јурук]
Јайаачы кижиликтиҥ билезине бийик кеминдеги башталганын берген.
[12 бӱктеги јурук]
Сен јолдордыҥ ээжилери јок кӧликтерле толып калган јолло маҥтадарга кӱӱнзеер эдиҥ бе?
