14-чи урок

Иегованыҥ Керечилериниҥ тӧзӧмӧлиниҥ бӱткен бӱдӱми

Иегованыҥ Керечилериниҥ бу эмдиги ӧйдӧги тӱӱкизи качан башталган? (1)

Иегованыҥ Керечилериниҥ туштажулары канайып ӧткӱрилет? (2)

Чыгымдары не ле бӧктӧлип јат? (3)

Јуунда башкаруны кем бойына алынат? (4)

Јылдыҥ сайын кандый јаан туштажулар ӧткӱрилет? (5)

Тӧс башкару јеринде ле оныҥ филиалдарында кандый иштер ӧдӧт? (6)

1. Эмдиги ӧйдиҥ Иегованыҥ Керечилериниҥ тӱӱкизи 1870 јылдарда башталган. Озо баштап олор Библияныҥ Шиҥжӱӱчилери деп адангылаган. Је 1931 јылдаҥ бери Библияныҥ Шиҥжӱӱчилери бойлорына библиялык тӧзӧмӧлдӱ Иегованыҥ Керечилери деп ат алынгылады (Исаия 43:10). Баштапкы јаан эмес организацияга эмди миллиондор тоолу Керечилер кожулып, 230-таҥ ажыра ороондордо чыҥдый иштегилейт.

2. Иегованыҥ Керечилериниҥ туштажулары кӧбизинде бир неделеге ӱч катап ӧткӱрилет. Бастыра кӱӱнзегендерди кажызына ла кычырып јадылар (Еврейлерге 10:24, 25). Тӧс ӱренип турганы — Библия. Туштажулар мӱргӱлле ачылып ла јабылып јат. Бу туштажулардыҥ кӧп сабазында акту јӱректеҥ «кудайлык кожоҥдор» кожоҥдойдылар (Эфесяндарга 5:18, 19). Кирери јайым, акча тӧлӧбӧзинеҥ (Матфейдеҥ 10:8).

3. Туштажулар кӧп сабазында Каандыктыҥ Кыбында ӧткӱрилет. Ол Керечилердиҥ бойлорыныҥ ла кӱӱниле тудулган тегин туралар. Тураныҥ ичинде сӱрлер, керӱ агаштар ла ого тӱҥей не-немелер јок. Чыгымдары акту јуректеҥ  салган акчала бӧктӧлӧт. Акча сыйлаар кӱӱндӱ улуска аҥылу кайырчактар тургулайт (2 Коринфяндарга 9:7).

4. Кажы ла јуунда аксагалдар, эмезе кичееп кӧрӧӧчилер бар. Олор јуунда ӱредӱни башкарып јат (1 Тимофейге 3:1—7; 5:17). Болушчы ишчилер олорго болужат (1 Тимофейге 3:8—10, 12, 13). Адаткан ишчилер јуундагы арткан христиандардаҥ бийик эмес (2 Коринфяндарга 1:24). Олордо аҥылу титулдар јок (Матфейдеҥ 23:8—10). Олор бастыра улус чылап кийинет. Олордыҥ ижи учун акча тӧлӧлбӧй јат. Аксагалдар акту-кӱӱндеринеҥ јуунныҥ ич-кӧгӱстик керексиништерин кичеегилейт. Кӱчтер болгондо олор токынадар сӧс айдып, болужын јетиргилейт (Иаковтыҥ 5:14—16; 1 Пётрдыҥ 5:2, 3).

5. Ого ӱзеери Иегованыҥ Керечилеринде јылдыҥ сайын јаан туштажулар, эмезе конгресстер ӧткӱрилет. Ондо башка-башка јуундар бир уунда, аҥылу библиялык таскаду программаны уккулайт. Јаҥжыгу аайынча, кажы ла конгрессте јаҥы ӱренчиктерди сууга чӧҥӱрип чыгарары ӧткӱрилип јат (Матфейдеҥ 3:13—17; 28:19, 20).

6. Иегованыҥ Керечилериниҥ телекейлик тӧс башкарузы Нью-Йоркта турат. Ондо телекейлик јуундарды кичееп кӧрӧр ченемелдӱ аксагалдардаҥ турган — Башкараачы јӧп (совет) иштейт. Анайда ок, башка-башка ороондордо 100-теҥ ажыра филиалдар иштегилеп јат. Ондо библиялык бичиктерди кепке базарына ла аткарарына, бойыныҥ кӱӱн-санаазы ла иштеп турган улус болужат. Онойдо ок филиалдардаҥ јарлап куучындарыныҥ ижин башкарары чыгат. Јуугындагы филиалга барып келерге кӱӱнзебейдиҥ бе?