3-чи урок

Иисус Христос — ол кем андый?

Нениҥ учун Иисус Кудайдыҥ «баштапкы чыккан» Уулы деп адалган? (1)

Нениҥ учун ол «Сӧс» деп адалган? (1)

Нениҥ учун Иисус јерге кижи болуп келген? (2—4)

Нениҥ учун ол кайкамчылу керектер эткен? (5)

Удабас келер ӧйдӧ Иисус нени эдер? (6)

1. Иисус јерге келердеҥ озо, ол теҥериде јадып, кӧскӧ кӧрӱнбес тын болгон. Иисус — Кудайдыҥ баштапкы јайаганы, оныҥ учун ол Кудайдыҥ «баштапкы чыккан» Уулы деп адалган (Колоссяндарга 1:15; Откровение 3:14). Иисус — Кудайдыҥ бойы јайаган јаҥыс Уулы. Иисус кижи болордоҥ озо, Иегова оны «ус болушчы» эдип, јерде ле теҥериде бар јок не-немелерди јайаарына тузаланган (Притчалар 8:22—31, «Эмдиги кӧчӱриш»; Колоссяндарга 1:16, 17). Кудай оны анайда ок, Бойыныҥ чыгартулу ангелы эдип тузаланган. Оныҥ учун Иисус «Сӧс» деп адалган (Иоаннаҥ 1:1—3; Откровение 19:13).

2. Кудай бойыныҥ Уулын јерге ийип, Мария деп кыстыҥ ичине экелди. Оныҥ учун Иисуста кижидий ада болбогон. Анайдарда, ол кинчекти ле бийик кеминде эмести энчиленбеген. Кудайдыҥ Иисусты јерге ийген шылтагы: 1) улусты Кудай керегинде чындыкка ӱредери (Иоаннаҥ 18:37), 2) биске тем болзын деп бийик кеминде ак-чегин ле турумкайын кӧргӱскен (1 Пётрдыҥ 2:21), 3) кижиликти кинчектеҥ ле ӧлӱмнеҥ јайымдаарга бойыныҥ јӱрӱмин берген. Нениҥ учун бу керек болгон? (Матфейдеҥ 20:28).

3. Баштапкы кижи Адам Кудайдыҥ јакылтазын укпай, Библияда айдылганыла «кинчек» эткен. Оныҥ учун Кудай Адамды ӧлӱмге јаргылап салган (Бытие 3:17—19). Ол Кудайдыҥ берилген некелтелерине келишпей барган учун, бийик кеминде бӱткен бӱдӱмин јылыйтып салган. Адам араайынаҥ карып, ӧлӱп калган. Ол кинчегин бастыра бала-барказына берип артырган. Оныҥ учун бис ончобыс оорып, карып ла ӧлӱп јадыс. Кижиликти канайып аргадаар арга болгон? (Римляндарга 3:23; 5:12).

 4. Иисус Адам ла ошкош бийик кеминде бӱткен кижи болгон. Иисус кандый ла кӱчтерде јаантайын Кудайды угатан, онызы ла Адамнаҥ аҥыланган. Оныҥ учун ол Адамныҥ эткен јастыразын бойыныҥ бийик кеминде бӱткен јӱрӱмиле тоолыган. Бу керегинде Библияда «актаары» деп айдылат. Анайып Адамныҥ балдарына ӧлӱмниҥ јаргызынаҥ јайымданар арга берилет. Иисуска бӱдӱп турган улустыҥ кинчеги јайладылып ташталар, ол улус ӱргӱлји јӱрӱм алар аргалу болот (1 Тимофейге 2:5, 6; Иоаннаҥ 3:16; Римляндарга 5:18, 19).

5. Јердиҥ ӱстинде јӱрӱп тура, Иисус оору улусты јаскан, торо улусты азыраган, јотконды токунаткан. Оноҥ болгой ӧлгӧн дӧ улусты тирилткен. Иисус нениҥ учун андый кайкалдар эткен? 1) Ол кыйналган улусты килеп, олорго болужар кӱӱндӱ болгон. 2) Оныҥ эткен кайкалдары — ол Кудайдыҥ Уулы болгон деп кӧргӱскен. 3) Качан јердиҥ ӱстиле башкарза, ол сӧс уккур албатыга нени эдерин бу кайкалдар кӧргӱскен (Матфейдеҥ 14:14; Марктаҥ 2:10—12; Иоаннаҥ 5:28, 29).

6. Иисус ӧлгӧн, је Кудайдыҥ болужыла ол тиргизилип, кӧскӧ кӧрӱнбес тын болуп, теҥериге кайра јӱре берген (1 Пётрдыҥ 3:18). Кийнинде Кудай оны Каан эдип кӧстӧгӧн. Удабас Иисус јердиҥ ӱстинде бастыра јаманды ла кыйын-шыраны јоголтор (Псалом 36:9—11; Притчалар 2:21, 22).

[7 бӱк, јуруктар]

Иисустыҥ ижи — ол улусты ӱредери, кайкалдар кӧргӱзери ле бойыныҥ јӱрӱмин бис учун берери болгон.