16-чы урок

Кудайга иштеер деп тӱп-шӱӱлтеге келери

Кудайдыҥ најызы болорго нени эдер керек? (1, 2)

Кудайга канайып бойын учурлап беринер? (1)

Качан сууга чӧҥӱрилип чыгарыларга јараар? (2)

Кудайга чындык болорго ийде-кӱчти кайдаҥ алар? (3)

1. Кудайдыҥ најызы болорго библиялык чындыкты јазап ӱренер керек (1 Тимофейге 2:3, 4), билип алганыҥа бӱдер керек (Еврейлерге 11:6), кинчектерге кородоноло (Деяниелер 17:30, 31), јӱрген јӱрӱмиҥди солы (Деяниелер 3:19). Оноҥ, Кудайга сӱӱжиҥ сени бойыҥды Кудайга учурлап беринерге кӱӱнзедер. Анайдарда, сен бойыҥныҥ мӱргӱлиҥде Кудайдыҥ кӱӱн-табын бӱдӱрерге беринип јатканыҥды айдып јадыҥ (Матфейдеҥ 16:24; 22:37).

2. Бойыҥды Кудайга беринген кийнинде, сеге сууга чӧҥӱрилип чыгарылар керек (Матфейдеҥ 28:19, 20). Сууга чӧҥӱрилип чыгарылганы — сен бойыҥды Иеговага учурлаганыҥды ончозы билип алзын деп кӧргӱзет. Анайып, Кудайга иштеерге шӱӱп алганын кӧргӱзерге јеткилинче јаан улус сууга чӧҥӱрилип чыгарылар аргалу. Сууга чӧҥӱрилип чыгарылар тушта, кижиниҥ бастыра бойы кыска ӧйгӧ сууга кийдирилип чыгарылат a (Марктаҥ 1:9, 10; Деяниелер 8:36).

3. Иеговага бойыҥды учурлап беринген кийниҥде, берген сӧзиҥле јӱрӱмиҥди келиштире јӱрер деп, ол сенеҥ сакып јат (Псалом 49:14; Екклесиаст 5:3, 4). Јелбис сени Иеговага иштебей, таштап ийзин деп албаданар (1 Пётрдыҥ 5:8). Је сен мӱргӱл ажыра Кудайга јуукташ (Филиппийецтерге 4:6, 7). Кӱнӱҥле оныҥ Сӧзин ӱрен (Псалом 1:1—3). Јууннаҥ бек тудун (Еврейлерге 13:17). Мынайып этсеҥ, Кудайга чындык артарга сен ийде-кӱч аларыҥ. Анайып сен ӱргӱлјиге Кудайдыҥ ончо некелтелерин бӱдӱрер аргалу болорыҥ!

[Кӧчӱрӱ]