7-чи урок

Кудайга мӱргӱл ажыра канайып јууктажар

Нениҥ учун мӱргӱйтени јаҥжыгу болор учурлу? (1)

Кемге мӱргӱлле баштанар ла канайып? (2, 3)

Кандый темала мӱргӱзе чын? (4)

Качан мӱргӱӱрге јараар? (5, 6)

Кудай ончо мӱргӱлдерди угат па? (7)

1. Мӱргӱл — ол Кудайла јобош куучындашканы. Кудайга мӱргӱйтени јаҥжыгу болор керек. Анайып, сен јуук најыдый оныла јууктажарыҥ. Иегова сӱрекей улу ла ийде-кӱчтӱ де болзо, ол бистиҥ мӱргӱлисти угуп јат! Кудайга сен јаантайын мӱргӱйдиҥ бе? (Псалом 64:3; 1 Фессалоникийецтерге 5:17).

2. Мӱргӱл — бажыратаныныҥ бӧлӱги. Оныҥ учун јаҥыс ла Кудайга — Иеговага мӱргӱӱр керек. Иисус јердиҥ ӱстине јӱрерде, ол јаантайын бойыныҥ Адазына мӱргӱйтен, ӧскӧ кемге де эмес. Бис база анайда эдер учурлу (Матфейдеҥ 4:10; 6:9). Је бастыра бойыстыҥ  мӱргӱлдеристе Иисустыҥ ады учун деп айдынар керек. Анайып, бис Иисусты бийик јерде турганын, оны тооп турганысты ла бис учун бойыныҥ јӱрӱмин бергенине бӱдӱп турганысты кӧргӱзедис (Иоаннаҥ 14:6; 1 Иоанныҥ 2:1, 2).

3. Кудайга мӱргӱп тура, бис јӱрегистеҥ айдынар учурлу. Мӱргӱлди бис мӱргӱлдиҥ бичигинеҥ кычырып, ол эмезе эске алынып айтпас учурлу (Матфейдеҥ 6:7, 8). Кандый ла ӧйдӧ, кандый ла јерде тоомјылу отурып, Кудайга мӱргӱӱрге јараар. Кудай оноҥ болгой чыгара айтпай бойыста, јӱрегисте де айдынып турган мӱргӱлдеристи угат (1 Царств 1:12, 13). Бойыҥныҥ мӱргӱлиҥе улус јок јер тапсаҥ јакшы (Марктаҥ 1:35).

4. Не керегинде мӱргӱӱрге јараар? Кудайла јуук најылажар колбу керегинде ончозын айдарга јараар (Филиппийецтерге 4:6, 7). Кӧргӱзилген мӱргӱлде Иегованыҥ ады ла Оныҥ амадузы керегинде мӱргӱӱри кӧрӱнет. Онойдо ок јадын-јӱрӱм јанынаҥ, јаманысты, кинчегисти таштаарга ла јаманга, уур-кӱчтерге удура турарга болушсын деп, суранып айдынарга јараар (Матфейдеҥ 6:9—13). Мӱргӱлдер јаҥыс ла бойы учун болбос учурлу. Кудайдыҥ кӱӱн-табына келиштире мӱргӱӱр керек (1 Иоаннаҥ 5:14).

5. Качан јӱрегиҥ быйан айдып, Кудайды мактаарга турза, мӱргӱӱрге јаантайын јараар (1 Паралипоменон 29:10—13). Качан уур кӱчтер болуп, сениҥ бӱдӱмјиҥ ченелип турза мӱргӱӱр керек (Псалом 54:23; 119:1). Ажанар алдында мӱргӱзе база чын (Матфейдеҥ 14:19). Иегова бисти «кандый ла ӧйдӧ» мӱргӱзин деп кӱӱнзедет (Эфесяндарга 6:18).

6. Качан сен коркушту кинчек эдип јастырган болзоҥ, ол тушта аҥылу мӱргӱӱр керек. Мындый учуралдарда мӱргӱп тура, Иегованаҥ килемји ле кинчектеристиҥ јаманын таштазын деп јайнап сураар керек. Кудайдыҥ алдына јастырганыҥды алынып, бастыра кӱчиҥле база катап анайып кылынбаска албаданзаҥ, Кудай сеге «килеҥкей» болор (Псалом 85:5; Притчалар 28:13).

7. Иегова јӱк ле чындык улустыҥ мӱргӱлин угуп јат. Кудай сениҥ мӱргӱлиҥди уксын деп турган болзоҥ, бастыра бар-јок аргаларды тузаланып, кичеенип, Кудайдыҥ јасагыла јӱрерге сеге албаданар керек (Притчалар 15:29; 28:9). Мӱргӱп тура, сен тӧп лӧ јобош болор учурлу (Луканаҥ 18:9—14). Кудайдаҥ не керегинде сурап тургаҥ, ол аайынча иштеер керек. Анайып сен бӱдӱп турганыҥды, санааҥда не барын чыннаҥ айдып турганыҥды кӧргӱзериҥ. Јӱк ле ол тушта Иегова сениҥ мӱргӱлиҥе кару берер (Еврейлерге 11:6).