8-чи урок

Кудайга јараар билелик јӱрӱм

Ӧбӧгӧни биледе кандый кеминде турат? (1)

Ӧбӧгӧни ӱйине канайып баштанар керек? (2)

Адазыныҥ бӱдӱретен керектери недеҥ турат? (3)

Биледе ӱйине кандый молјулар бӱдӱрер керек? (4)

Кудай ада-энелердеҥ ле балдардаҥ нени некейт? (5)

Эки башка јадыш ла айрылышка Библияныҥ кӧрӱми кандый? (6, 7)

1. Ӧбӧгӧни — билениҥ башчызы деп, Библияда айдылат (1 Коринфяндарга 11:3). Ӧбӧгӧни јаҥыс ла ӱйлӱ болор учурлу. Ӧбӧгӧни ле ӱйи јаткан ороондогы јасак аайынча алышканын кереелеген бичиктӱ болор учурлу (1 Тимофейге 3:2; Титке 3:1).

2. Ӧбӧгӧнине ӱйин бойын сӱӱгендий сӱӱр керек. Иисус бойыныҥ ӱренчиктерине канайып јакшы баштанган, анайып ла ок ӧбӧгӧни ӱйине чебер јакшы баштанар учурлу (Эфесяндарга 5:25, 28, 29). Ӧбӧгӧнине ӱйин согуп, јаман баштанарга јарабас. Оныҥ ордына ӧбӧгӧни ӱйине ак-чегин јетирип, тооп јӱрер учурлу (Колоссяндарга 3:19; 1 Пётрдыҥ 3:7).

3. Адазына бойыныҥ билезине болужарга, кичеенип иштенер керек. Ол ӱйин ле бала-барказын курсак-тамакла, кийим-тудумла, јадар турала јеткилдеер учурлу. Анайда ок адазы билезиниҥ ич-кӧгӱстик керексиништерин ајаруга алар учурлу (1 Тимофейге 5:8). Ол тӧс башкаруны бойына алынып, билезине Кудай керегинде ле Оныҥ амадуларын билерине болужат (Второзаконие 6:4—9; Эфесяндарга 6:4).

4. Ӱйи ӧбӧгӧниниҥ ак-чек болушчызы болор керек (Бытие 2:18). Ол ӧбӧгӧнине бала-барказын ӱредерине ле таскадарына болужар учурлу (Притчалар 1:8). Ӱйи бойыныҥ билезин сӱӱп кичеезин деп Иегова некейт (Притчалар 31:10, 15, 26, 27; Титке 2:4, 5). Ӱйи ӧбӧгӧнин тереҥ тооп јӱрер учурлу (Эфесяндарга 5:22, 23, 33).

5. Кудай балдарды ада-энелериниҥ сӧзин уксын деп јакарат (Эфесяндарга 6:1—3). Ол ада-энелерге бала-барканы јакшы јолго баштандырып ӱредерин ле јастыраларын тӱзедерин јакарат. Ада-энелерге ӧй келиштирип, балдарыла  Библияны ӱренип, ич-кӧгӱстик ле сезиминиҥ керексиништерине болуш јетирер керек (Второзаконие 11:18, 19; Притчалар 22:6, 15). Ада-энелерге балдарын јамандап ла кату ӱредерге јарабас (Колоссяндарга 3:21).

6. Качан ӧбӧгӧниниҥ ле ӱйиниҥ ортодо оҥдошпой кӱчтер боло берзе, олорго библиялык јӧптӧрлӧ барарга албаданар керек. Бой-бойын сӱӱшсин деп, Библия кычыру эдет (Колоссяндарга 3:12—14). Кудайдыҥ Сӧзи јаан эмес кӱчтердиҥ аайына эки башка јадышла чыгарын јаратпайт. Је ӱйи санаа алынып ӧбӧгӧнинеҥ јӱре берер аргалу, 1) качан ол билезин јеткилдееринеҥ кедерлеп, мойножып турза, 2) бойын калју тудуп, ӱйиниҥ су-кадыгына ла јӱрӱмине каршу јетиргедий болзо, ол эмезе 3) Иеговага бажыраарга казыр удурлажып турган болзо (1 Коринфяндарга 7:12, 13).

7. Ӧбӧгӧни ле ӱйи бой-бойлоры ортодо чындыкты кичеер учурлу. Ӧскӧ кижиле кожо конгоны — ол, Кудайга ла эжине удура коркушту јаан кинчек (Еврейлерге 13:4). Ӧскӧ кижиле јуук болуп кожо конгоны, јаҥыс ла бу мындый учурал болгон кийнинде, Библияныҥ айтканыла болзо, бичик аайынча айрылыжып, ойто кижиге барарга, ол эмезе кижи аларга јарадылып јат (Матфейдеҥ 19:6—9; Римляндарга 7:2, 3). Иегова улустыҥ кандый бир библиялык тӧзӧлгӧ јогынаҥ айрылыжып, ойто ӧскӧ кижиле бириккенин кӧрӧр кӱӱни јок (Малахия 2:14—16, АМК).

[16, 17 бӱктер, јуруктар]

Билезин сӱӱген ада кижи ончо јанынаҥ јеткилдеер.

[17 бӱк, јурук]

Балдарын јакшы јолго баштап ӱредерин ле јастыраларын тӱзедерин, Кудай ада-энелерине јакарат.