6-чы урок

Кудайдыҥ Каандыгы — ол не дегени?

Кудайдыҥ Каандыгы кайда турат? (1)

Оныҥ Кааны кем? (2)

Каанла кожо база кем-кем башкарат па? Эйе болзо, олордыҥ тоозы канча? (3)

Бис калганчы кӱндерде јадып турганыс недеҥ кӧрӱнет? (4)

Келер ӧйдӧ Кудайдыҥ Каандыгы кижиликке нени эдер? (5—7)

1. Иисус јердиҥ ӱстине јӱрерде, оныҥ јолыла барган улусты ол Кудайдыҥ Каандыгы келзин деп мӱргӱӱрге ӱреткен. Каандык — ол каан башкарып турган башкару. Кудайдыҥ Каандыгы — ол аҥылу башкару. Ол теҥериде тургузылган, јердиҥ ӱстиле башкараар. Каандык Кудайдыҥ адын агару эдип, бийик кӧдӱрер. Ол Кудайдыҥ кӱӱн-табы јаҥыс ла теҥериде бӱдип каларына эмес, је онойдо ок јердиҥ де ӱстине болорына экелер (Матфейдеҥ 6:9, 10).

2. Ол Каандыктыҥ Кааны Иисус болор деп Кудай сӧзин берген (Луканаҥ 1:30—33). Качан Иисус јердиҥ ӱстине јӱрерде бойын быйанзак, чындык, бийик кеминде Башкараачы деп кӧргӱскен. Иисус теҥериге кайра барала, Кудайдыҥ Каандыгыныҥ Кааныныҥ ширеезине тургузала отурбаган (Еврейлерге 10:12, 13). Иегова Иисуска берер болгон јаҥын 1914 јылда берген. Ол ӧйдӧҥ ала, Иисус Иегованыҥ кӧстӧгӧн теҥериниҥ Кааны болуп јат (Даниил 7:13, 14).

3. Анайда ок Иегова бӱдӱмјилӱ бир кезик эр ле ӱй улусты теҥери јаар кӧчӱрерге талдап алды. Олор Иисусла кожо каандар болуп, јаргычылар ла абыстар болуп бастыра кижиликле башкараар (Луканаҥ 22:28—30; Откровение 5:9, 10). Иисус Каандыкта бойыныҥ кожо башкаратан башкараачыларын «ас ӱӱр» деп адаган. Олордыҥ тоозы 144 000 (Луканаҥ 12:32; Откровение 14:1—3).

4. Иисус Каан бололо, теҥериде Эрликти ле оныҥ калју ангелдерин јер јаар сӱрген. Мынаҥ улам 1914 јылдаҥ ала јер-телекейде айалга коркушту уйадаган (Откровение 12:9, 12). Јуу-согуштар, торо, оору-јоболдор, јасакјоктордыҥ кӧптӧгӧни — бу бастыра «темдектиҥ» бӧлӱктери.  Бу бӧлӱктер Иисустыҥ башкарып турганын ла эмдиги ӧйдиҥ калганчы кӱндериниҥ ӧдӱп јатканын кӧргӱзет (Матфейдеҥ 24:3, 7, 8, 12; Луканаҥ 21:10, 11; 2 Тимофейге 3:1—5).

5. Удабас Иисус улусты јаргылап, олорды койчы чылап койлорды эчкилердеҥ ылгаар. «Койлор» — ол, сӧс уккур ла ого акту јӱрегинеҥ берингенин кӧргӱскендер. Олор јердиҥ ӱстине ӱргӱлји јӱрӱмди алар. «Эчкилер» — ол, Кудайдыҥ Каандыгын јаратпагандар (Матфейдеҥ 25:31—34, 46). Удабас келер ӧйдӧ, Иисус бастыра эчкилерге тӱҥейлешкендерди јоголтып салар (2 Фессалоникийецтерге 1:6—9). Сен Иисустыҥ «койлорыныҥ» тоозында болорго кӱӱнзеп турзаҥ, сеге Кандык керегинде јетирӱни угуп, ол аайынча јӱрерге албаданар керек (Матфейдеҥ 24:14).

6. Эмди јер-телекей кӧп тоолу ороондорго бӧлӱнген. Кажы ла ороондо — бойыныҥ башкарузы. Албатылар бой-бойлоры ортодо улам-сайын јуулажат. Је бастыра кижиликтиҥ башкаруларыныҥ ордына Кудайдыҥ Каандыгы келер. Бу бастыра јер-телекейле башкаратан јаҥыс башкару болор (Даниил 2:44). Ол тушта албан-кӱч те, јаман кылык та, јуу-чак та болбос. Бастыра улус амыр-энчӱ ле бирлик јадар (Михей 4:3, 4).

7. Иисус Башкарган Муҥјылдыктыҥ туркунына чындык улус бийик кемине једер, јер јакшы ла јараш јер болуп солунар. Муҥ јылдыҥ учында Иисус Кудайдыҥ сурагын ончозын бӱдӱрип салар. Оныҥ кийнинде ол Каандыкты кайра Адазына табыштырар (1 Коринфяндарга 15:24). Кудайдыҥ Каандыгы нени эдерге турганын, бойыҥныҥ јуук улузыҥа ла нӧкӧрлӧриҥе сеге не куучындабас?

[13 бӱк, јурук]

Иисустыҥ башкарузында јаман кӧрӧри ле јастыра кылык эдери јок болор.