9-чы урок

Кудайдыҥ ишчилери ару болор учурлу

Нениҥ учун бис ончо јанынаҥ ару болор учурлу? (1)

Ич-кӧгӱстик ару болоры дегени ол не? (2) кылык-јаҥы? (3) санаазы? (4) эт-каны? (5)

Кандый ару эмес куучын-эрмектеҥ кыйар керек? (6)

1. Иегова Кудай ару ла агару. Ол ого бажырып турган бойыныҥ улустарын ич-кӧгӱстик, кылык-јаҥы, эт-кааны, анайда ок санаазы ару болзын деп сакыйт (1 Пётрдыҥ 1:16). Бис Кудайдыҥ кӧзиниҥ алдына ару болорго турган болзобыс, биске турумкай болор керек. Бис ару эмес јер-телекейде јададыс. Ого ӱзеери, бистерге бойыстыҥ јастыра кылыктарысла тартыжар керек. Је бистерге чӧкӧп, бош салынбас керек.

2. Ич-кӧгӱстик ару болоры. Бис Иегованыҥ ишчилери болорго турган болзобыс, јастыра кудайлык јаҥдардыҥ ӱредӱзин ле оныҥ чӱм-јаҥдарын бистерге тузаланарга јарабас. Биске тӧгӱн кудайлык јаҥдардаҥ айрылып, оны кажы да јанынаҥ јӧмӧшпӧс керек (2 Коринфяндарга 6:14—18; Откровение 18:4). Кудайдыҥ чындыгын билип алала, тӧгӱнге ӱредип тургандар бистерди аскыртып койбозын деп, ајарыҥкай болор керек (2 Иоаннаҥ 10, 11).

3. Кылык-јаҥы ару болоры. Иегова ого бӱдӱп ле оны тооп тургандарды јаантайын чындык христиандардый болзын деп кӱӱнзейт (1 Пётрдыҥ 2:12). Ол бистиҥ бастыра керектеристи,  керек дезе јажытту да эткен керегисти кӧрӱп јат (Еврейлерге 4:13). Биске бу јӱрӱмде темиккен кирлӱ кылык-јаҥнаҥ, балыр јӱрӱмнеҥ кыйар керек (1 Коринфяндарга 6:9—11).

4. Санаазы ару болоры. Сагыжысты ару санааларла толтырзас, эткен керектерис те ару болор (Филиппийецтерге 4:8). Сагыжыбыс ару эмес болгондо, кийнинде эткен керектерис те јаман болор (Матфейдеҥ 15:18—20). Соот-јыргалдардаҥ бистерге тууралар керек, нениҥ учун дезе бистиҥ санаа-укаабыска ол каршузын јетиреринеҥ айабас. Бис Кудайдыҥ Сӧзин ӱренип тура, бойыстыҥ сагыжысты ару санааларла толтырар аргалу.

5. Эт-канныҥ ару болоры. Христиандар — Кудайдыҥ чыгартылу улустары, оныҥ учун олорго бойыныҥ эди-каны ла кийим-тудумы ару болзын деп кичеенер керек. Јеҥилденгениниҥ кийнинде, анайда ок курсак-тамак белетеердеҥ озо ло ажаныштаҥ озо колды јунар керек. Айылдыҥ ичинде оҥду канализациялык эдимдер јок болзо, кижинеҥ чыккан немени јерге кӧмӧр керек (Второзаконие 23:12, 13). Эди-каны ару болгоны — суу-кадык болорыныҥ белеги. Христианныҥ туразыныҥ ичи-тышты ару-чек ле чынык болор керек. Ӧскӧ улустыҥ тураларына кӧрӧ кӧрӱмјилӱ аҥыланып турар учурлу.

6. Ару куучын-эрмек. Кудайдыҥ ишчилери јаантайын чынды айдар учурлу. Тӧгӱнчилер Кудайдыҥ Каандыгына кирбес (Эфесяндарга 4:25; Откровение 21:8). Христиандар коомой сӧс айтпайдылар. Олор кирлӱ кокыр-куучындарды укпай да, куучындабай да јадылар. Бойлорыныҥ ару куучыныла олор иштеп турган јеринде, школдо ло айландыра јаткан улустаҥ аҥыланып јат (Эфесяндарга 4:29, 31; 5:3).

[18, 19 бӱктер, јуруктар]

Кудайдыҥ ишчилери ончо јанынаҥ ару болор учурлу.