15-чи урок

Улуска Кудайдыҥ кӱӱн-табын бӱдӱрерге канайып болужар

Ол билип алган јакшыны нениҥ учун улуска айдар керек? (1)

Јакшылыкту јетирӱле кемле ӱлежерге јараар? (2)

Сениҥ кылык-јаҥыҥ ӧскӧ улуска канайып камаанын јетирер аргалу? (2)

Јуунла кожо качан јарлап баштаарга јараар? (3)

1. Тургуза ӧйдӧ сен Библиянаҥ кӧп јакшыны билип алгаҥ. Бу билгирлер сеге христианин кижи болорго болужар учурлу (Эфесяндарга 4:22—24). Библиялык билгирлерди билип алары учурлу, нениҥ учун дезе ол ӱргӱлји јӱрӱмге једерге болужар (Иоаннаҥ 17:3). Је бу јакшылыкту јетирӱни ӧскӧ улуска аргаданарга база угар керек. Бастыра чындык христиандар ӧскӧ улуска кереелеп айдар учурлу. Мынайып Кудай јакарган (Римляндарга 10:10; 1 Коринфяндарга 9:16; 1 Тимофейге 4:16).

2. Бу бастыра билип алган јакшылыкла сен јуук улузыҥла ӱлежип баштаар аргалу. Бу керегинде бойыҥныҥ билеҥе, најыларыҥа, школдо кожо ӱренип турган нӧкӧрлӧриҥе, кожо иштеп турган улузыҥа куучында. Бу ла ок ӧйдӧ быйанзак ла чыдамкай бол (2 Тимофейге 2:24, 25). Ундыба, кӧп-сабада улус кижиниҥ нени айдып турганын укканча, оныҥ эткен керектерин ле кылык-јаҥын кӧрӧт. Оныҥ учун, чокумдап айтса, сениҥ јакшы кылык-јаҥыҥ јарлап турган јетирӱҥе улусты јилбиркедер аргалу (Матфейдеҥ 5:16; 1 Пётрдыҥ 3:1, 2, 16).

3. Јада тура сен Иегованыҥ Керечилериниҥ јууныла кожо јадып турган јериҥниҥ улузына јарларга јӧп аларыҥ. Бу христиан јолдыҥ эҥ учурлу бӧлӱги (Матфейдеҥ 24:14). Качан кемге-кемге Иегованыҥ ишчизи болорына ла ӱргӱлји јӱрӱм аларга болужыҥ јетсе, кандый сӱӱнчилӱ! (1 Фессалоникийецтерге 2:19, 20).