3 БӦЛӰК
Райдагы јӱрӱм кандый болгон?
Иегова Адам ла Евага сӱрекей кӧп јакшы немелер берген. Башталганы 1:28
Иегова баштапкы ӱй кижини јайап, оны Адамга эш-нӧкӧри эдип берген (Башталганы 2:21, 22).
Иегова улусты јайаарда, олордыҥ санаа-укаазы, эди-каны толо кеминде болгон, олордо кандый да једикпес болбогон.
Эдем деген сад — сӱрекей јараш јер — олордыҥ јуртап јадатан райдый јери болгон. Ондо суулар аккан, јӱзӱн-јӱӱр аламаларлу агаштар ӧскӧн, јӱзӱн-башка тындулар јӱрген.
Иегова олорло куучындажып, олорды ӱредип турган болгон. Олор Оныҥ сӧзин уккан болзо, јердеги Райда ӱргӱлјиге јӱргилер эди.
Кудай олорго бир ле агаштыҥ јиилегин јиирге јаратпаган. Башталганы 2:16, 17
Ангелдердиҥ бирӱзи Кудайга удура туруп чыккан. Бу калју ангел — Сатана Дьявол.
Иегова Адам ла Евага садта аламалу бир агашты кӧргӱзип, оныҥ јиилектерин јиип ийзегер, ӧлӱп каларар деп айткан.
Је Сатана Адам ла Еваны Кудайдыҥ сӧзин укпазын деп кӱӱнзеген. Анайып, ол јылан ажыра Евала куучындажып, ол агаштаҥ јиилекти јиип ийзе, Кудайдый боло берер деп бӱдӱмјилеген. Је бу тӧгӱн болгон эмей (Башталганы 3:1—5).
Анайда ок слерге јараар болор
АГАРУ БИЧИКТИҤ ТӦС ӰРЕДӰЛЕРИ
Кудай јерди нениҥ учун јайаган?
Јер сӱреен јараш. Кӱн ле Јердиҥ ортозы андый јакшы эдилген, јердиҥ келтеҥи ле айланыжы чип-чике тургузылган. Нениҥ учун Кудай бистиҥ планетаны јайаарга андый кӧп иш эткен?
