КУУЧЫНДЫ БАШТАГАР
5 УРОК
Улусты тооры
Библиялык принцип: «Сӧзигер јаантайын јакшы... болзын» (Кол. 4:6, ЈТ).
Павел нени эткен?
1. ВИДЕО кӧрӱгер эмезе Апостолдордыҥ ижи 17:22, 23 кычырыгар. Оноҥ бу сурактарды шӱӱп сананыгар:
-
а) Афиныда кӧп чалуларды кӧрӱп, Павелде кандый сезимдер болгон? (Апостолдордыҥ ижи 17:16 кӧрӱгер.)
-
б) Павел Афиныныҥ улузына тоомјылу баштанып, сӱӱнчилӱ јарды канайып куучындады?
Павелдеҥ неге ӱренедис?
2. Бис нени, качан, канайып айдарын јазап шӱӱп сананып алзаас, кижи бисти угар болор.
Павелдеҥ тем алыгар
3. Кандый сӧстӧр айдарын сананыгар. Темдектезе, христиан јаҥду эмес кижиле куучындажып тура, Библия эмезе Иисус Христос деген сӧстӧрди тузаланбаза торт болор.
4. Кижини тӱзедерге меҥдебегер. Ого бойыныҥ кӧрӱмин айдар арга берип туругар. Оныҥ сӧстӧри Агару Бичиктиҥ ӱредӱлерине келишпей турза: «Слер јастыра сананып јадаар» — деп айдып ийер кӱӱнеер келзе де, сӧс блаашпагар (Иак. 1:19). Кижини лаптап угуп турзаар, оныҥ кӧрӱмин оҥдоп алараар (Укаа 20:5).
5. Айалганы кӧрӱп, кижиле јӧпсинигер ле оны мактап туругар. Кӧп саба улус бойыныҥ кудай јаҥын чын деп бодоп јат. Оныҥ учун кижиниҥ ле слердиҥ кӧрӱмигер незиле тӱҥей болгонын оҥдоп алыгар. Оноҥ ого Агару Бичик неге ӱредип турганын аайлап аларга болужыгар.
