Башкару јӧптиҥ самаразы
«Слер ӱредӱчилер болор... учурлу» — деп, Еврейлерге 5:12-де айдылган. Сананып ийзеҥ де, Иегова, Јер-телекейдиҥ Улу Ӱредӱчизи, бистерге улусты ӱретсин деп јакару берген! Биледе, јуунда ол эмезе јарлаар иште Иегова керегинде чындыкты ӱредери — бу јаан кӱндӱ ле каруулу иш болуп јат. Бу јакаруны канайып бӱдӱрер?
Каруузын бис элчи Павелдиҥ Тимофейге бичиген сӧстӧринеҥ кӧрӱп јадыс: «Агару Бичикти кычыр, бӱдӱмјиле, ӱрет». Оноҥ ары Павел: «Анайда эдип, бойыҥды да, сени угуп турган улусты да аргадап аларыҥ» — деп бичиген (1 Тим. 4:13, 16). Бистиҥ айдып турган јар улустыҥ јӱрӱмин аргадаар аргалу. Оныҥ учун кычыратан ла ӱредетен темигӱлеристи тыҥыдары јаан учурлу. Бу амадуга јединерге сеге бу брошюра болужар. Оныҥ кезик аҥылу јандарын кӧрӱп ийектер.
Кажы ла бӱкте берилген библиялык ӱлгерлер — ол мыны канайып тузаланатанын кӧргӱзип турган тем, ол эмезе уроктыҥ тӧс шӱӱлтезин аҥылап турган принцип.
Иегова — Улу Ӱредӱчи (Иса. 30:20). Бу брошюра сеге кычыратан ла ӱредетен темигӱлериҥди тыҥыдарга болужар. Је ундыба, бу јар — Иегованыҥ јары, ол улусты бойы экелип јат (Иоанн 6:44). Оныҥ учун мӱргӱӱлде кӧп агару тын сура. Агару Бичикти улам-сайын тузалан. Ајаруны бойыҥа эмес, је Иеговага эдип тур. Угаачыларга Кудайды акту јӱрегинеҥ сӱӱрге болуш.
Сеге улуска качан-бирде айдылган јарлардаҥ эҥ учурлузын айдатан арга берилген. «Кудай берип турган кӱчле» сен бу јакылтаны једимдӱ бӱдӱрип саларыҥ деп, бис алаҥзыбай јадыс! (1 Петр 4:11).
Сендий ок ӱредӱчилер,
Иегованыҥ Керечилериниҥ Башкару јӧби
