Бу урокторды канайып ӱренер керек?
Ӱредӱчиле кожо ӱренигер: бу брошюраны берген кижинеҥ слерге Агару Бичикле ӱредӱ ӧткӱрзин деп болуш сурагар, ол эмезе бистиҥ jw.org сайтта заявка бичигер.
БАШТАПКЫ БӦЛӰГИ
Кажы ла абзацты кычырып алыгар. Уроктыҥ тӧс шӱӱлтезин сурактар (А) ла ӱлгерлер (Б) кӧргӱзип јат. «Кычырыгар» деп ӱлгерлерди база кычырыгар.
ЭКИНЧИ БӦЛӰГИ
Тереҥжиде кӧрӱгер деп сӧстӧрдиҥ алдында бичилгени (В) мынаҥ ары не керегинде айдыларын кӧргӱзет. Уроктыҥ тӧс шӱӱлтелери (Г). Ӱлгерлерди кычырып, сурактарды шӱӱжип, видеолорды (Д) кӧрӱп алыгар.
Јуруктарды ла јуруктардыҥ алдында бичилген сӧстӧрди (Е) кӧрӱп, Кезик улус мынайып айдат (Ж) дегенине нени айдарын сананып кӧрӱгер.
ӰЧИНЧИ БӦЛӰГИ
Тӧс шӱӱлтези ле Нени билип алдыгар? (З) дегени уроктыҥ божогонын кӧргӱзет. Урокты качан божотконоорды бичип салыгар. Амаду тургузыгар (И) дегени ӱренчикке нени эдер керек деп кӧргӱзет. Шиҥдейтен материал (К) дегени база да кычырып эмезе кӧрӱп алатан материалдарды кӧргӱзет.
Агару Бичиктиҥ ӱлгерлерин канайып табып алар?
(А) — бичиктиҥ ады, (Б) — бажалыгы, (В) — ӱлгери. Темдектезе: Иоанн 17:3 — Иоанн деп бичиктиҥ, 17-чи бажалыгыныҥ, 3-чи ӱлгерин кычырар керек деп кӧргӱзет.
Анайда ок слерге јараар болор
ЈААНТАЙЫН БЕРИЛИП ТУРГАН СУРАКТАР
Иегованыҥ Керечилериниҥ Агару Бичикти ӱренетен курсы канайып ӧдӧт?
Иегованыҥ Керечилеринде Агару Бичик неге ӱредип турганын билип аларга болужатан тузалу курс бар. Ӱредӱниҥ ӧйинде слер бойоордыҥ Агару Бичигерле тузаланар аргалу, анайда ок ӱредӱлерге бойоордыҥ билегерди ле најылараарды айдып алар аргалу.
