02 УРОК
Агару Бичик ижемји берет
Бастыра јердиҥ ӱстинде кандый ла кӱчтер болот, мынаҥ улам кӧп улус санааркап, кӧстиҥ јажын тӧгӱп јадылар. Слерде де мындый кӱчтер болуп турган болор. Темдектезе, слер ооруп турганаар эмезе јуук кижигерди јылыйтканаар. Мынаҥ улам: «Јӱрӱм качан бирде јакшы болор бо?» — деп, сананып турган болороор. Је Агару Бичикте бистиҥ кӱӱнисти кӧдӱретен сӧстӧр бар.
1. Агару Бичик кандый ижемји берет?
Агару Бичик јердиҥ ӱстинде нениҥ учун кӱчтер болуп турганын јӱк ле јартап турган эмес, је бу кӱчтердиҥ ончозы удабас јоголып каларын айдат. Агару Бичиктиҥ сӧстӧри биске келер ӧйгӧ ижемји берет. (Иеремия 29:11, 12 кычырыгар.) А бу ижемји дезе биске эмдиги ле кӱчтерди ӧдӧргӧ, санааркабай јӱрерге, анайда ок чыннаҥ ла ырысту болорго болужат.
2. Агару Бичикле болзо, келер ӧйдӧ јӱрӱм кандый болор?
Анда мынайып айдылган: «Ӧлӱм де, ачу-корон до, сыгыт та, јобол до база болбос». (Ачылта 21:4 кычырыгар.) Бӱгӱнги кӱнде качан да јоголбос деп билдирип турган оору-јобол, ӧлӱм, несправедливость ло јоксыраш келер ӧйдӧ база качан да болбос. Улус јердеги райда јажын-чакка ырысту јӱрер.
3. Агару Бичиктиҥ сӧстӧрине бӱдерге нени эдер керек?
Кӧп улус јакшы немеге иженет. Андый да болзо, олордыҥ ижемјизи бӱдер бе, јок по деп олор билбей јадылар. Је Агару Бичиктиҥ сӧстӧри ончозы бӱдӱп калар. Ондогы сӧстӧргӧ бӱдерге нени эдер керек? Агару Бичикти јазап шиҥдеер керек (Апостолдордыҥ ижи 17:11). Слер бу курстыҥ болужыла, Агару Бичиктиҥ сӧстӧри чын ба, тӧгӱн бе деп билип алараар.
ТЕРЕҤЖИДЕ КӦРӰГЕР
Агару Бичик келер ӧй керегинде нени айдып турганын билип аларыгар. Анайда ок Агару Бичиктеги ижемји бӱгӱнги кӱнде канайып болужып турганын оҥдоп аларыгар.
4. Агару Бичик јердеги райда бир де кыйын-шыра болбос деп айдат
Келер ӧйдӧ болотон алкыштардыҥ кезигин кӧрӱп ийигер. Слерге эҥ ле тыҥ кажызы јарап јат? Нениҥ учун?
Алкыштардыҥ јанында бичилген ӱлгерлерди кычырып, бу сурактарды шӱӱжип ийигер:
-
Слер бу алкыштарды аларга кӱӱнзейдеер бе? Бу алкыштарды најылараар ла тӧрӧӧндӧрӧӧр аларга кӱӱнзеер беди?
Бойыгарды мындый јараш райда деп сананып ийигер:
|
КЕМ ДЕ... |
КАЖЫ ЛА КИЖИ... |
|---|---|
|
|
|
|
|
|
|
|
|
|
5. Агару Бичиктеги ижемји тыҥ санааркабаска болужат
Бӱгӱнги кӱнде кӧп улуска телекейдеги айалга чек јарабай јат. Кезиги мыны кӧрӱп, ал-санаага тӱжет. Кезиги дезе айалганы солыырга тыҥ тартыжып јат. Је Агару Бичиктеги ижемји улуска эмдиги ле ӧйдӧ канайып болужып турганын кӧрӱп ийектер. ВИДЕОНЫ кӧрӱп ийеле, бу сурактарды шӱӱжип ийигер:
-
Рафика кандый несправедливостьло тартышкан?
-
Несправедливость јоголбогон до болзо, ого Агару Бичиктеги сӧстӧр канайып болушкан?
Агару Бичиктеги ижемји тыҥ санааркабаска ла сӱӱнчилӱ јӱрерге болужып јат. Укаа сӧстӧр 17:22 ле Римдегилерге 12:12 кычырып, бу сурактарды шӱӱжип ийигер:
-
Агару Бичиктеги ижемји слердиҥ јӱрӱмеерди солып болор бо? Јартап беригер.
КЕЗИК УЛУС АЙДАТ: «Агару Бичиктиҥ сӧстӧри чӧрчӧккӧ тӱҥей».
-
Агару Бичиктиҥ сӧстӧри чын ба, јок по деп, нениҥ учун билип алар керек?
ТӦС ШӰӰЛТЕЗИ
Агару Бичик келер ӧйгӧ ижемји берет, анайда ок бӱгӱнги кӱчтерди ӧдӧргӧ болужат.
Нени билип алдыгар?
-
Кижиге ижемји нениҥ учун керек?
-
Агару Бичик келер ӧй керегинде нени айдат?
-
Келер ӧйгӧ ижемји слерге бӱгӱнги ле кӱнде канайып болужар аргалу?
ШИҤДЕЙТЕН МАТЕРИАЛ
Ижемји канайып болужар аргалу деп, кӧптӧдӧ билип алыгар.
«Ижемји. Оны кайдаҥ табар?» («Ойгоныгар!», 2004 јыл, кандык ай 22)
Ижемји хронический оорулу улуска канайып болужат деп билип алыгар.
«Хронический оорулу јӱрӱм — Агару Бичик болужар аргалу ба?» (веб-статья)
Бу кӱӱлик видеоны кӧрӱп, бойыгарды ла јууктарыгарды келер ӧйдӧ болотон райда деп сананыгар.
Бир активист кижиниҥ јӱрӱми Агару Бичиктеги ижемјини билип алган кийнинде канайып солынганын кычырыгар.
«Алдында мен телекейдеги айалганы солыырга тартышкам» («Каруулчы шибее», 2013 јыл, јаан изӱ ай 1)
Анайда ок слерге јараар болор
ЈААНТАЙЫН БЕРИЛИП ТУРГАН СУРАКТАР
Иегованыҥ Керечилериниҥ Агару Бичикти ӱренетен курсы канайып ӧдӧт?
Иегованыҥ Керечилеринде Агару Бичик неге ӱредип турганын билип аларга болужатан тузалу курс бар. Ӱредӱниҥ ӧйинде слер бойоордыҥ Агару Бичигерле тузаланар аргалу, анайда ок ӱредӱлерге бойоордыҥ билегерди ле најылараарды айдып алар аргалу.
