10 УРОК
Иегованыҥ Керечилериниҥ туштажулары слерге кандый туза экелер?
Слер Иегованыҥ Керечилериниҥ туштажуларында болгоноор бо? Јок болзо, мындый сурактардыҥ карууларын билип аларга турган болороор: «Бу туштажуларда не болуп турган? Андый туштажулар неге керектӱ ӧткӱрилет? Бу туштажулардаҥ меге кандый туза болор?» Бу уроктоҥ туштажулар Кудайга јууктаарга канайып болужып турганын ла база кандый туза берип турганын билип алараар.
1. Иегованыҥ Керечилери нениҥ учун кожо јуулыжып јат?
Агару Бичикти бичиген улустыҥ бирӱзи мыныҥ эҥ јаан шылтагын кӧргӱзерге, мындый сӧстӧр бичиген: «Јаан јуунда Иегованы мактаарым» (Сарын 26:12). Оныҥ учун Иегованыҥ Керечилерине кожо јуулыжарга јарап јат. Бастыра јердиҥ ӱстинде, кажы ла неделеде олор Кудайды мактаарга, ол керегинде кӧптӧдӧ билип аларга, кожоҥдор кожоҥдоорго ло мӱргӱӱрге кожо јуулыжып јат. Анайда ок јыл туркунына олор аҥылу јаан туштажулар ӧткӱргилейт.
2. Бистиҥ туштажулардаҥ нени билип алараар?
Бис туштажуларыста Агару Бичикти ӱренип, оныҥ учурын јакшы оҥдоп аларга албаданып јадыс. (Неемия 8:8 кычырыгар.) Слер бу туштажулардаҥ Иегова Кудайла јууктада таныжып, оныҥ сӱреен јакшы кылык-јаҥдарын билип алараар. Кудай слерди сӱӱп турган деп, канча ла кире кӧп билзеер, оны ончо ло кире тыҥ сӱӱрге кӱӱнзей беререер. Анайда ок туштажулардаҥ слер ырысту ла сӱӱнчилӱ јӱрерге нени эдер керек деп билип алараар (Исайя 48:17, 18).
3. Туштажуларда улусла куучындажып турзаар, слерге кандый туза болор?
Иегова бисти «сӱӱрге ле јакшы керектер эдерге кӧкӱдижип, бой-бойыбыска ајарыҥкай бол[зын]» деп кӱӱнзейт. Оныҥ учун бис кожо јуулыжып јадыс (Еврейлерге 10:24, 25). Слер туштажуларда чыннаҥ ла бой-бойын сӱӱп, слер ле чилеп Кудайды јууктада билип аларга турган улусла таныжараар. Туштажуларда куучын-эрмектердеҥ, улустыҥ јартамалдарынаҥ ла олорло куучындашканаардаҥ кӱӱн-санаагарды кӧдӱретен шӱӱлтелер угар болороор. (Римдегилерге 1:11, 12 кычырыгар.) Јуунныҥ туштажуларына башка-башка улус келет: јиит ле јажы јаанап калган, билелӱ ле биле јок. Олорло куучындашсаар, бойоордыҥ уур-кӱчтереерди канайып ӧдӧрин билип алараар. Бу, Иегова бисти јаантайын кожо јуулыжып турзын деп кӱӱнзеп турганыныҥ бир кезик шылтактарын кӧрдис.
ТЕРЕҤЖИДЕ КӦРӰГЕР
Иегованыҥ Керечилериниҥ туштажулары канайып ӧдӱп турган ла бу туштажулардаҥ слерге туза болор бо деп билип алыгар.
4. Иегованыҥ Керечилериниҥ туштажулары
Баштапкы чактыҥ христиандары Иеговага бажырарга јаантайын кожо јуулыжатан (Римдегилерге 16:3—5). Колоссыдагыларга 3:16 кычырып, бу суракты шӱӱжип ийигер:
-
Баштапкы христиандардыҥ туштажулары канайып ӧдӱп туратан?
Иегованыҥ Керечилери Кудайга бажырарга, Каандыктыҥ Тураларында јуулыжат. Андый туштажулар канайып ӧдӱп турганын билерге, ВИДЕОНЫ кӧрӱгер. Оноҥ јурукты кӧрӱп, сурактарды шӱӱжип ийигер:
-
Јурукта кӧргӱзилген Каандыктыҥ Туразын ла Колоссыдагыларга 3:16 кӧрзӧ, нези тӱҥей эмтир?
-
Видеодо эмезе јурукта слерге не јарады?
2 Коринфтегилерге 9:7 кычырып, суракты шӱӱжип ийигер:
-
Иегованыҥ Керечилери туштажуларын нениҥ учун акча тӧлӧбӧзинеҥ ӧткӱрет?
Слерле Агару Бичикти ӱренип турган кижиле кожо келер туштажуда не болорын кӧрӱп алыгар.
-
Туштажуныҥ кандый бӧлӱги слерди јилбиркетти?
Слер билереер бе?
jw.org сайттаҥ бастыра јердиҥ ӱстинде болуп турган туштажулар кайда ла качан ӧткӱрилип турганын билип аларга јараар.
-
А. Туштажуларда куучын-эрмектер айдылат, ака-эјелер јакылталар бӱдӱрет, видеолор кӧргӱзилет. Туштажулар кожоҥ ло мӱргӱӱлле башталып, кожоҥ ло мӱргӱӱлле божойт
-
Б. Программаныҥ кезик бӧлӱктери сурактардыҥ ла каруулардыҥ болужыла ӧдӧт. Кӱӱнзеген кажы ла кижи туружар аргалу
-
В. Бистиҥ туштажуларга башка-башка улус келет: јииттер, јажы јаанап калган улус ла билелер
-
Г. Ончо улуска эжик ачык. Кандый да акча јуулбай јат
5. Туштажуларга јӱргенеер калас болбос
Иисустыҥ ада-энези кандый тем кӧргӱскенин кӧрӱп ийектер. Олор кажы ла јыл ӧткӱрилип турган байрамга барарга, Назареттеҥ ала Иерусалимге јетире 100 км кире јол ӧдӧтӧн. Бу јол јеҥил эмес болгон: таштарлу јолло кырлар ажып барарга келишкен. Лука 2:39—42 кычырып, сурактарды шӱӱжип ийигер:
-
Иерусалимдӧӧн баратан јол-јорык јеҥил болгон бо?
-
Јуунныҥ туштажуларына јӱрерге, слерде кандый кӱчтер болордоҥ айабас?
-
Кандый да кӱчтер болотон болзо, туштажуларга јӱргенеер калас болор бо? Јартап беригер.
Агару Бичикте айдылганыла, Иеговага бажырарга кожо јуулышканы сӱреен керектӱ. Еврейлерге 10:24, 25 кычырып, суракты шӱӱжип ийигер:
-
Јуунныҥ туштажуларына нениҥ учун јаантайын јӱрер керек?
КЕЗИК УЛУС АЙДАТ: «Агару Бичикти кайдӧӧн дӧ барбай, айылда ла ӱрензе кайдаар».
-
Иегова бистеҥ нени сакып турганы Агару Бичиктиҥ кандый теминеҥ эмезе ӱлгеринеҥ кӧрӱнет?
ТӦС ШӰӰЛТЕЗИ
Јуунныҥ туштажулары Иегова Кудайла јууктада таныжып аларга, оныла колбулараарды тыҥыдарга ла оны сӱӱп турган улусла кожо ого бажырарга болужар.
Нени билип алдыгар?
-
Иегова бисти нениҥ учун кожо јуулышсын деп кӱӱнзейт?
-
Иегованыҥ Керечилериниҥ туштажуларынаҥ слер нени билип алараар?
-
Бу туштажулар слерге база кандый туза экелер?
ШИҤДЕЙТЕН МАТЕРИАЛ
Слер јуунныҥ туштажуларына барарга эбијоксынып турган болороор. Је бир јиит уул Иегованыҥ Керечилериниҥ туштажузына баштапкы катап келеле, нени сескенин кӧрӱп алыгар.
Бир јиит уул јуунныҥ туштажузында неге кайкаган? Андый туштажуларга јӱрерге ол нени эткен?
Башка-башка улус јуунныҥ туштажулары керегинде нени айдып турганын билип алыгар.
«Каандыктыҥ Тураларында ӧдӱп турган христиан туштажуларга јӱргенинеҥ туза болор бо?» (веб-статья)
Христиан туштажулар кылыгы јаман бир кижиниҥ јӱрӱмин канайып солыганын билип алыгар.
«Мен пистолет јок јӱрбейтем» («Каруулчы шибее», 2014 јыл, јаан изӱ ай 1)
Анайда ок слерге јараар болор
ЈААНТАЙЫН БЕРИЛИП ТУРГАН СУРАКТАР
Иегованыҥ Керечилериниҥ Агару Бичикти ӱренетен курсы канайып ӧдӧт?
Иегованыҥ Керечилеринде Агару Бичик неге ӱредип турганын билип аларга болужатан тузалу курс бар. Ӱредӱниҥ ӧйинде слер бойоордыҥ Агару Бичигерле тузаланар аргалу, анайда ок ӱредӱлерге бойоордыҥ билегерди ле најылараарды айдып алар аргалу.
