20 УРОК
Христиан јуун канайып башкарылат?
Иеговага ӱзе неме аайлу-башту болзо јарап јат (1 Коринфтегилерге 14:33). Оныҥ да учун оныҥ албатызы аайлу-башту башкарылат. Христиан јуун канай башкарылат? Јуун амыр ла бирлик болзын деп, бистиҥ кажыбыс ла нени эдер аргалу?
1. Јуунныҥ бажы кем?
«Христос — Серкпениҥ [јуунныҥ] бажы» (Эфестегилерге 5:23). Иисус теҥеридеҥ бастыра јердиҥ ӱстинде Иегованыҥ албатызын башкарып јат. Иисус «бӱдӱмјилу ле керсӱ кулды» — јаан эмес бӧлӱк ченемелдӱ аксагалдарды кӧстӧгӧн (олор анайда ок Башкару јӧп деп адалат). (Матфей 24:45—47 кычырыгар.) Баштапкы чакта христиан јуунды Иерусалимдеги апостолдор ло аксагалдар башкарган. А бӱгӱнги кӱнде христиан јуундарды Башкару јӧп башкарат (Апостолдордыҥ ижи 15:2). Је андый да болзо, ол аксагалдар бистиҥ организацияныҥ бажы болбой јат. Олор кандый бир суракка Иегованыҥ кӧрӱм-санаазын јакшы оҥдоорго, Агару Бичикти тереҥ шиҥдеп, бойлоры да Иисуска багынып јат.
2. Аксагалдар ол кемдер, олор нени эдет?
Аксагалдар — ченемели јаан христиан эр улус. Олор Агару Бичиктиҥ болужыла Кудайдыҥ албатызын ӱредет ле јуундарды кичеейт. Олор эткен ижи учун акча албай јат. Карын бойыныҥ ижин кирелтеге болуп эмес, је бойыныҥ кӱӱниле кӱӱнзеп эдет (1 Пётр 5:1, 2). Аксагалдарга болушчы ишчилер болужып јат. Олор до бир эмеш ӧйдӧҥ аксагалдар болор аргалу.
Башкару јӧп кезик аксагалдарды аймак кӧрӧӧчилер эдип кӧстӧйт. Аймак кӧрӧӧчилер башка-башка јуундарга барып, организацияныҥ башкартуларын јетирет ле ака-эјелердиҥ кӱӱнин кӧдӱрет. Анайда ок олор јуундарда аксагалдар ла болушчы ишчилер кӧстӧйт. Аксагалдарга ла болушчы ишчилерге Агару Бичиктиҥ некелтелерине келижип турган эр улус кӧстӧлӧт (1 Тимофейге 3:1—10, 12; Титке 1:5—9).
3. Иегованыҥ Керечилериниҥ кажызына ла кандый молју берилген?
Јуундагы ончо улус «Иегованыҥ адын мактайт»: јуунныҥ туштажуларында туружат, канча кире аргазы бар јарлап јат. (Сарын 148:12, 13 кычырыгар.)
ТЕРЕҤЖИДЕ КӦРӰГЕР
Иисус јуунды канайып башкарып турган, аксагалдар оноҥ кандый тем алып турган, анайда ок бистиҥ кажыбыс ла Иисуска ла аксагалдарга канайып јӧмӧжӧр аргалу деп билип алыгар.
4. Иисус — сӱреен јакшы башчы
Иисус кажы ла кижиге кайкамчылу кычыру эдет. Матфей 11:28—30 кычырып, суракты шӱӱжип ийигер:
-
Биске ого багынарга јарап турзын деп, Иисустыҥ кӱӱнзеп турганы недеҥ кӧрӱнет? Јартап беригер.
Аксагалдар Иисуска незиле тӱҥей болорго албаданат? ВИДЕОНЫ кӧрӱгер.
Аксагалдар молјуларын канайып бӱдӱрер учурлу деп, Агару Бичикте јарт айдылып калган.
Исайя 32:2 ле 1 Пётр 5:1—3 кычырып, сурактарды шӱӱжип ийигер:
-
Аксагалдар Иисустаҥ тем алып, улусты кичееп турганын сананзаар, слерде кандый сезимдер болот?
-
Аксагалдар Иисустаҥ база неге ӱренет?
5. Аксагалдар тем кӧргӱзет
Иисус аксагалдардаҥ нени сакыйт? Олорго бойыныҥ молјуларына кандый кӧрӱмдӱ болор керек? ВИДЕОНЫ кӧрӱгер.
Иисус — јуундагы кӧстӧлгӧн акаларга тем болуп јат. Матфей 23:8—12 кычырып, суракты шӱӱжип ийигер:
-
Агару Бичикле болзо, аксагалдар кандый болор учурлу, је кудай јаҥныҥ башчылары бойлорын канайып тудунат? Башказын јартап беригер.
-
А. Аксагалдар бойлорыныҥ да, билезиниҥ де кӧгӱзин тыҥыдат
-
Б. Аксагалдар јуунныҥ кажы ла кижизин кичеейт
-
В. Аксагалдар јаантайын јарлайт
-
Г. Аксагалдар јуунды ӱредет, анайда ок Каандыктыҥ Туразын арутаарында туружат ла ӧскӧ дӧ иштер эдет
6. Аксагалдарга канайып јӧмӧжӧр?
Агару Бичикте аксагалдарга јӧмӧжӧтӧн јаан учурлу шылтак бичилген. Еврейлерге 13:17 кычырып, суракты шӱӱжип ийигер:
-
Канайып сананадаар, Агару Бичик бисти аксагалдардыҥ сӧзин уксын деп кӱӱнзеткени јакшы ба? Јартап беригер.
Лука 16:10 кычырып, суракты шӱӱжип ийигер:
-
Биске нениҥ учун аксагалдарга кичинек те сурактарда сӧсуккур болор керек?
КЕЗИК УЛУС АЙДАТ: «Кудайга бажырарга, кандый да кудай јаҥга кирбезе де кем јок».
-
Кудайга јуунла кожо бажырарында кандый туза кӧрӧдӧӧр?
ТӦС ШӰӰЛТЕЗИ
Иисус — јуунныҥ бажы. Биске аксагалдарга јӧмӧжӧргӧ јарап јат, нениҥ учун дезе олор Христостоҥ тем алып, бисти кичеейт.
Нени билип алдыгар?
-
Јуунныҥ бажы кем?
-
Аксагалдар јуунга нениҥ учун керектӱ?
-
Иегованыҥ кажы ла ишчизине кандый молју берилген?
ШИҤДЕЙТЕН МАТЕРИАЛ
Башкару јӧп лӧ ӧскӧ дӧ аксагалдар јуунныҥ кажы ла кижизин баалап турганында бӱдӱмјиленип алыгар.
Аймак кӧрӧӧчилердиҥ јӱрӱми ле ижи керегинде кӧптӧдӧ билип алыгар.
Јуунда ӱй улус кандый иш эдет деп кычырып алыгар.
«Иегованыҥ Керечилеринде ӱй улус агару иш эдет пе?» («Каруулчы шибее», 2012 јыл, сыгын ай 1)
Јуунда кажы ла кижиге јакшы болзын деп, аксагалдар нени эдип турганын билип алыгар.
Анайда ок слерге јараар болор
ЈААНТАЙЫН БЕРИЛИП ТУРГАН СУРАКТАР
Иегованыҥ Керечилериниҥ Агару Бичикти ӱренетен курсы канайып ӧдӧт?
Иегованыҥ Керечилеринде Агару Бичик неге ӱредип турганын билип аларга болужатан тузалу курс бар. Ӱредӱниҥ ӧйинде слер бойоордыҥ Агару Бичигерле тузаланар аргалу, анайда ок ӱредӱлерге бойоордыҥ билегерди ле најылараарды айдып алар аргалу.
