22 УРОК
Агару Бичик керегинде улуска канайып куучындаар?
Агару Бичикти ӱренип турган ӧйдӧ слерге мындый санаа келер болор: «Бу керегинде кажы ла кижи билер керек не!» Слер чын сананадаар. Је бу ок ӧйдӧ улуска Агару Бичик керегинде куучындаарга коркымчылу болуп турган болор. Оныҥ учун коркыбаска ла Агару Бичик керегинде куучындаганаардаҥ сӱӱнчи аларга не болужарын шӱӱжип ийектер.
1. Агару Бичиктеҥ билип алганыгарды кӧрӱш-таныштарга канайып куучындаар?
Иисустыҥ ӱренчиктери чындыкты билип алала, сӱӱнчизин кӧксине тудуп болбой, бастыра улуска куучындаарга кӱӱнзеген. Оныҥ учун олор: «Нени кӧргӧнисти ле нени укканысты айтпас аргабыс јок» — деген (Апостолдордыҥ ижи 4:20). Слерде андый сезимдер болот по? Болуп турган болзо, чындыкты тӧрӧӧндӧрӧӧргӧ ло најылараарга куучындайтан арга бедиреп туругар. (Колоссыдагыларга 4:6 кычырыгар.)
Недеҥ баштаар?
-
Тӧрӧӧндӧрлӧ куучындашкан ӧйдӧ, мынай айдарга јараар: «Бу неделеде мен бир солун неме билип алдым».
-
Слердиҥ најыгар ооруп турган эмезе та неге де санааркап турган болзо, ого келишкедий библиялык ӱлгерди аткарып эмезе кычырып беригер.
-
Кожо иштеп турган улус керектереер кандый деп сураза, Агару Бичиктеҥ эмезе јуунныҥ туштажузынаҥ билип алганаарды куучындап беригер.
-
Најылараарга jw.org сайтты кӧргӱзигер.
-
Агару Бичикле ӱредӱгерге кемди-кемди кычырыгар эмезе ӱренерге jw.org сайттагы заявканы канайып бичиирин кӧргӱзип беригер.
2. Јуунла кожо јарлаары нениҥ учун јакшы амаду болот?
Иисустыҥ ӱренчиктери сӱӱнчилӱ јарды јӱк ле бойыныҥ таныштарына куучындаган эмес, Иисус олорды јарлазын деп, «калалар ла јурттар сайын олорды Бойынаҥ озо экидеҥ ий[ген]» (Лука 10:1). Бу мындый эп-арганаҥ улам сӱӱнчилӱ јарды кӧп улус угар аргалу болгон. Анайда ок олор кожо јарлаганынаҥ улам јаан сӱӱнчи алган (Лука 10:17). А слер, јуунла кожо јарлаарга амаду тургузып болороор бо?
ТЕРЕҤЖИДЕ КӦРӰГЕР
Коркыбай јарлаарга ла јарлаар иштеҥ сӱӱнчи аларга нени эдер керек деп билип алыгар.
3. Иегова слерге болужар
Јарлаарга турган кижи, улус оны угар ба эмезе ол керегинде нени сананар деп, санааркаар болор.
-
Агару Бичиктеҥ билип алганаарды улуска куучындаарга коркып турганаар ба? Нениҥ учун?
ВИДЕОНЫ кӧрӱп, суракты шӱӱжип ийигер.
-
Јиит Керечилер јалтанбаска нени эткен?
Исайя 41:10 кычырып, суракты шӱӱжип ийигер:
-
Јарлаарга јалтанып турган болзоор, слерге мӱргӱӱл канайып болужар?
Слер билереер бе?
Иегованыҥ Керечилериниҥ ортозында, јарлаарга коркышту тыҥ коркып, эби-јоксынып турган улус ас эмес. Темдектезе, Сергей бойын јабыс кӧрӱп турганынаҥ улам улусла куучындажып болбойтон. Је оноҥ ол Агару Бичик ӱренип баштаган. Ол айдат: «Коркып туруп, улуска билип алганымды куучындап баштагам. Кайкамчылу немези, анайып бойымды эмеш тооп баштагам, анайда ок бӱдӱмјим тыҥыган».
4. Улусты тооп туругар
Кемле-кемле Агару Бичик керегинде куучындажып турала, јӱк ле нени айдарын эмес, је канайып айдарын сананыгар. 2 Тимофейге 2:24 лӧ 1 Пётр 3:15 кычырып, сурактарды шӱӱжип ийигер:
-
Улусла Агару Бичик керегинде куучындашкан ӧйдӧ, бу ӱлгерлердеги шӱӱлтелерди канайып тузаланар эдеер?
-
Слердиҥ кезик тӧрӧӧндӧрӧӧр лӧ најылараар айткан сӧстӧрӧӧрди јаратпас болор. Мындый айалгада бойоорды канайып тудунараар? Нени этпезе јакшы болор?
-
Кижиниҥ санаазын солыырга албаданардыҥ ордына, карын ого сурактар берип, тоомјылу баштанза нениҥ учун јакшы болор?
5. Кудай керегинде куучындашканы сӱӱнчи экелет
Иегова Иисуска сӱӱнчилӱ јарды куучындазын деп јакарган. Иисус бу јакаруны канайып бӱдӱрген? Иоанн 4:34 кычырып, сурактарды шӱӱжип ийигер:
-
Тузалу ла амтанду курсак эди-каныска ийде-кӱч берет ле сӱӱнчи экелет. Иисус Кудайдыҥ табын бӱдӱрерин, ол тоодо јарлаар ишти, нениҥ учун курсак јиирине тӱҥдештирген?
-
Сӱӱнчилӱ јарды јарлаарында кандый туза кӧрӧдӧӧр?
Јӧптӧр
-
Иштеер кӱндерде ӧдӱп турган туштажуларда, Агару Бичикле куучын баштаарга слер кандый шӱӱлтелерди тузаланар эдеер деп, сананып туругар.
-
Иштеер кӱндерде ӧдӱп турган туштажуларда јакылталар бӱдӱрерге нени эдер керек деп билип алыгар. Андый ӱредӱ керектӱ темигӱлерге ӱренип аларга болужар.
-
Улустыҥ сурактарына ла јӧпсинбей турганына каруу берерге белен болорго, «Кезик улус айдат» ла «Кезик улус сураар болор» деген рамкаларды тузаланыгар.
КЕЗИК УЛУС СУРААР БОЛОР: «Солун не бар?»
-
Бу арганы тузаланып, кижиге Агару Бичиктеҥ билип алганаарды канайып куучындаар эдеер?
ТӦС ШӰӰЛТЕЗИ
Агару Бичик керегинде куучындашканы сӱӱнчи экелет, мындый куучын баштаарга бир де кӱч эмес.
Нени билип алдыгар?
-
Сӱӱнчилӱ јарды улуска нениҥ учун куучындаар керек?
-
Тоомјыбысты канайып кӧргӱзерис?
-
Коркыбаска ла ӧкпӧӧрбӧскӧ не болужар?
ШИҤДЕЙТЕН МАТЕРИАЛ
jw.org деп визитный карточканыҥ болужыла сӱӱнчилӱ јарды куучындайтан тӧрт эп-арга.
Агару Бичиктиҥ сӱӱнчилӱ јарын куучындаарга, слерге кандый тӧрт кылык-јаҥ болужар деп билип алыгар.
«Слер „улус тудаачы“ болорго белен бе?» («Каруулчы шибее», 2020 јыл, сыгын ай)
Агару Бичик кичинек те балдарга Кудай керегинде коркыбай куучындаарга болужып турганын кӧрӱп алыгар.
Иегова керегинде нени де укпаган тӧрӧӧндӧриске Агару Бичик керегинде канайып куучыдаар?
Анайда ок слерге јараар болор
ЈААНТАЙЫН БЕРИЛИП ТУРГАН СУРАКТАР
Иегованыҥ Керечилериниҥ Агару Бичикти ӱренетен курсы канайып ӧдӧт?
Иегованыҥ Керечилеринде Агару Бичик неге ӱредип турганын билип аларга болужатан тузалу курс бар. Ӱредӱниҥ ӧйинде слер бойоордыҥ Агару Бичигерле тузаланар аргалу, анайда ок ӱредӱлерге бойоордыҥ билегерди ле најылараарды айдып алар аргалу.
