Экономиказы бийик бир ороондо 90 проценттеҥ кӧп улус бойын сӱреен ырысту деп бӱдӱмјилӱ айдыжат, эмезе бойыныҥ јадын-јӱрӱмиле болорзынып јат, је бу ла ок ӧйдӧ ол ороондо эҥ ле кӧп тузаланылып турган 10 эм-тустыҥ ӱчӱзи депрессиялу кижиге берилет. Бу учуралды кӧргӧндӧ, улустыҥ айтканы јӱрӱмге чек келишпей турган эмес пе? Бу ла ороондо 91 процент улус билелик јӱрӱми јакшы деп бодогылайт, је андый да болзо билелердиҥ јарым кирези айрылыжып калат.

Бастыра јердиҥ улузыныҥ јарымы јадып турган 18 ороонныҥ улузынаҥ сурап укканыла болзо, телекейдиҥ кӧп саба улузы келер ӧйдӧҥ јакшы неме сакыбай турганы кӧрӱнет. Кӧп саба улуска јӱрӱм чын сӱӱнчи экелбей турган деп, јарт кӧрӱнет. Слер нени сананадар? Бу брошюраныҥ амадузы — слерге јӱрӱмде сӱӱнчини таап аларга болужары.