Мындый учуралды сананып кӧр: Дейвид таныш эмес јерле маҥтадып барып јат. Оромдордыҥ аттарын ла јол кӧргӱзер ӧскӧ дӧ темдектерди кӧрзӧ, ол керектӱ јерде эмес, је ӧскӧ јерде ошкош. Дейвид аза бергенин оҥдоп јат. Ол јолло келеделе кайда да јастыра јолдӧӧн буурып ийген ошкош.

Сен Дейвидтиҥ ордына болгон болзоҥ, нени эдер эдиҥ?

Сенде мындый аргалар бар:

1. Кемнеҥ-кемнеҥ јолды сурап ийер.

2. Картала эмезе навигаторло тузаланар.

3. Канайып-канайып једерим деп сананып, оноҥ ло ары маҥтадар.

3-чи арга эҥ ле јаман деп јарт.

2-чи арга баштапкызынаҥ јакшы. Нениҥ учун дезе карта эмезе навигатор чын јолды кӧргӱзип, бастыра јолыҥда болужар аргалу.

Агару Бичик сеге база анайып ла болужар аргалу!

Јердиҥ ӱстинде эҥ ле кӧп таркадылган бичик сеге...

• јӱрӱмниҥ уур-кӱчтерин ӧдӧргӧ болужар,

• бойыҥды оҥдоорго ло јакшы јанындӧӧн солынарга болужар,

• јӱрӱмиҥ ырысту ла сӱӱнчилӱ болзын деп болужар.

Тилис чыккан да јок, бис сурактар берип баштайдыс.

• Теҥери нениҥ учун кӧк?

• Јылдыстар недеҥ эдилген?

Оноҥ бис јӱрӱм керегинде сурактар берип баштайдыс.

• Кыйын-шыра нениҥ учун болот?

• Улус нениҥ учун божоп јат?

Айса болзо, каруулары туку качан Агару Бичикте берилген болор бо?

Агару Бичик — чӧрчӧктӧрдиҥ ле туујылардыҥ јуунтызы, ол эскирип калган эмезе оны оҥдоорго ӧткӱре кӱч деп, кӧп улус айдыжат. Је шылтак чын ла Агару Бичикте бе, эмезе бу бичик керегинде улустыҥ јастыра санааларында ба?

Темдектезе, кӧп улустыҥ санаазыла болзо, Агару Бичикте телекейле Кудай башкарып турган деп бичилген. Је мынайып сананаары чын болор бо? Бу телекейди башкарар арга јоголды! Ондо ачу-корон ло кыйын-шыра, оору-јобол ло ӧлӱм, јоксыраш ла ар-бӱткенниҥ тӱбеги. Бу ончо неме сӱӱштӱ Кудайдыҥ колынаҥ болот по?

Бу сурактардыҥ карууларын билип аларга кӱӱнзейдиҥ бе? Агару Бичиктеҥ бу телекейле кем башкарат деп билип алзаҥ, кайкаар болорыҥ!

Сен, бу брошюрадагы јӧптӧр Агару Бичикке тӧзӧлӧҥгӧн деп ајарган болорыҥ. Иегованыҥ Керечилери Агару Бичикте бӱдӱмјилӱ башкарту бар деп алаҥзыбай јат, нениҥ учун дезе бу бичик Кудайдыҥ тыныла бичилген ле улусты ӱредерге, кинчекти илезине чыгарарга, јӱрӱмди тӱзедерге берилген (2 Тимофейге 3:16, 17). Сен бу јебрен, је эмдиги ӧйдӧ тузалу бичикти шиҥдеерге неге керектӱ шӱӱп алдым не деп, качан да айтпазыҥ!