1. Иегова јӱрӱмди нениҥ учун берген?

ИЕГОВА кандый да ӧйдӧ јаҥыскан болгон. Је ол јаҥысканзырабаган. Ырысту болорго, ого кемниҥ де болужы керек јок болгон. Је андый да болзо, Кудай јайаандарын да јӱрӱмле сӱӱнип јӱрзин деп кӱӱнзеген. Сӱӱш Иегованы јайап баштаарына кӱӱнзеткен (Сар. 36:9; 1 Иоанн 4:19).

2. Иегованыҥ бастыра немени јайап турганын кӧрӱп, Иисуста ла ангелдерде кандый сезимдер болгон?

² Озо баштап Иегова бойыныҥ уулын, Иисусты јайаган. Оноҥ Иисустыҥ болужыла ончозын, ол тоодо миллиондор тоолу ангелдер јайаган (Кол. 1:16). Иисус Адазыла кожо иштенип тура, јаан сӱӱнчи алган (Укаа 8:30). Ангелдер де сӱӱнчи алган. Нениҥ учун дезе олор баштапкы рядта отурып, Иегова ла оныҥ ус ишчизи, Иисус, теҥерини ле јерди канайып јайаганын јакшы кӧргӱлеген деп айдарга јараар. Кудайдыҥ уулдары ангелдер бойыныҥ сезимдерин канайып кӧргӱскен? Олор «тыҥ ӱнденип, мак јетирген» (Иов 38:7). Ангелдер Иегованыҥ кажы ла јайаган сӱреен јараш јайаандарын изӱ колчабыжула уткыган, анчада ла кижини јайаарда, тыҥ сӱӱнген деп алаҥзыбай јадыс (Укаа 8:31). Бастыра јайаандардаҥ Иегованыҥ сӱӱжин ле ойгорын кӧрӱп јадыс (Сар. 104:24; Рим. 1:20).

3. 1 Коринфтегилерге 15:21, 22 аайынча болзо, Иисус Христостыҥ толынты тайылгазы кандый арга берет?

³ Иегованыҥ амадузыла улус оныҥ јайаган сӱреен јараш јеринде ӱргӱлјиге јӱрер учурлу болгон. Је Адам ла Ева бойыныҥ сӱӱген Адазына удура тӱймеен кӧдӱрген кийнинде, олордыҥ бала-барказы кинчекти ле ӧлӱмди энчиленип алган  (Рим. 5:12). Бу айалгада Иегова нени эткен? Ол тургуза ла кижиликти аргадаар деп айдып, оны канайып эдерин јартап берген (Баш. 3:15). Иегова, Адам ла Еваныҥ бала-барказы ӧлӱмнеҥ ле кинчектеҥ јайымдалар аргалу болзын деп, толынты эдер деп сӧзин берген. Анайып, Кудай ого иштеерге кӱӱнзеп турган кажы ла кижиге ӱргӱлји јӱрӱм јӱрер арга берген (Иоанн 3:16; Рим. 6:23; 1 Коринфтегилерге 15:21, 22 кычырыгар).

4. Бу јӧрмӧлдӧ бис кандый сурактар шӱӱп кӧрӧрис?

⁴ Кудайдыҥ божоп калган улусты тирилтер деп айткан сӧзинеҥ улам кӧп сурактар чыгат. Темдектезе, мындый: тирилиш канайып болор? Бистиҥ јуук улузыс тирилзе, олорды бис танып болорыс па? Тирилиш биске кандый сӱӱнчи экелер? Тирилиштеҥ улам бис Иегованыҥ сӱӱжи, ойгоры ла чыдамкайы керегинде нени билип јадыс? Је эмди бу сурактарды шӱӱп кӧрӧктӧр.

5. Божоп калган улус бир ле ӧйдӧ тирилбес деп нениҥ учун айдарга јараар?

⁵ Иегова бойыныҥ уулы ажыра божоп калган ал-камык улусты бир ӧйдӧ тирилтпес деп айдарга јараар. Нениҥ учун? Јердеги улустыҥ тоозы кенетийин кӧптӧзӧ, олорды башкарар арга јок боло берер. Је мындый немени Иегова болдыртпас. Улуска амыр-энчӱ јӱрерге, ончо неме аайлу-башту болор керек деп, Кудай билер (1 Кор. 14:33). Кудай Иисусла кожо кижиге јадар эдип јерди араайынаҥ белетеп, ойгорын ла чыдамкайын кӧргӱскен. Анайып ла Иисус, Муҥјылдыкка башкарар ӧйинде, Армагеддонды ӧдӱп чыккандарла кожо тирилетен улуска јерди белетеп, ойгорын ла чыдамкайын кӧргӱзер.

6. Апостолдордыҥ ижи 24:15-ле болзо, тирилген улустыҥ ортозында кандый улус болор?

⁶ Је эҥ учурлузы Армагеддонды ӧдӱп чыккан улуска тирилген улусты Иегованыҥ  јасактарына ла Кудайдыҥ Каандыгы керегинде чындыкка ӱредер керек болор. Нениҥ учун дезе Кудайдыҥ тирилтетен улузыныҥ кӧп сабазы «акту эместердиҥ» тоозынаҥ болор. (Апостолдордыҥ ижи 24:15 кычырыгар.) Олорго Христостыҥ толынты тайылгазыныҥ алкыштарын аларга, кӧп солынталар эдер керек болор. Иегова керегинде нени де билбес миллиондор тоолу улусты чындыкка ӱредерге, сӱреен јаан иш эдер керек деп, сананып ийзеер де. Бис бӱгӱн Агару Бичикле канайып ӱредӱ ӧткӱрип турганыс, анайып ла олордыҥ кажызы ла ӱредӱ ӧткӱрерис пе? Олор јуундарга кӧстӧлип, олордыҥ кийнинеҥ тирилген улусты ӱредерге белетелер бе? Оны ӧй кӧргӱзер. Је кандый да болотон болзо, Христостыҥ Муҥјылдыкка башкаратан ӧйиниҥ учында јер «Иегова керегинде билгирле толор» деп, бис алаҥзу јогынаҥ бӱдӱп јадыс (Иса. 11:9). Бу бир муҥ јылдыҥ туркунына бис сӱреен кӧп јилбилӱ иш эдерис!

7. Иегованыҥ ишчилерине тирилген улусты ӱредип тура нениҥ учун олорды оҥдоор керек болор?

⁷ Христостыҥ Муҥјылдыкка башкарар ӧйинде, Иегованыҥ јердеги ончо ишчилери, теҥеридеги Адазын сӱӱндирерге, кылык-јаҥдарын оноҥ ло ары тӱзедер. Оныҥ учун тирилген улуска јаман кылык-јаҥдарыла тартыжарга ла Иегованыҥ нормаларыла јӱрерге болужарга, биске олорды оҥдоор керек болор (1 Петр 3:8). Олор Иегованыҥ ишчилериниҥ јобожын ла аргаданарга оноҥ ары солынып тургандарын кӧрӱп, бисле кожо Кудайга иштеерге кӱӱнзеер (Флп. 2:12).

8. Бис тирилген улусты танып ийерис деп кандый шылтактар бар?

⁸ Тирилген улусты танып ийерис деп, бис нениҥ учун сананадыс? Бого бир канча шылтактар бар. Алдында ӧйлӧрдӧ болгон тирилиштиҥ учуралдарын кӧрзӧ, Иегова кижини божоор алдында кандый тыш бӱдӱмдӱ, куучынду ла санаалу болгон анайып ла тирилтер. Иисус ӧлӱмди уйкула тӱҥейлеген, а тирилишти уйкудаҥ ойгонып келгениле (Матф. 9:18, 24; Иоанн 11:11—13). Кижи уйкудаҥ ойгонып келзе, оныҥ бӱдӱжи ле ӱни солынбай јат, санаалары јоголып калбай јат. Лазарьла не болгонын сананып ийектер. Оныҥ божогонынаҥ ала тӧрт кӱн ӧдӱп калган, оныҥ эди-каны јыдып баштаган. Је Иисус Лазарьды тиргизип ийерде, Марфа ла Мария оны тургуза ла танып ийген. Лазарь бойы да олорды ундыбаган (Иоанн 11:38—44; 12:1, 2).

9. Нениҥ учун тирилген кийнинде кижиниҥ санаазы ла эди-каны тургуза ла толо кемдӱ болуп калбас?

⁹ Христостыҥ башкаратан ӧйинде, Иегованыҥ берген сӧзи аайынча болзо, бир де кижи: «„Мен оору“ — деп айтпас» (Иса. 33:24; Рим. 6:7). Айдарда, ончо улус су-кадык болуп тирилер. Је бу дезе, тирилип келген улусты тургуза ла толо кеминде болуп каларын кӧргӱспей јат. Оноҥ ӧскӧ јуук улузы олорды таныбас болор. Мындый болордо, Христостыҥ Муҥјылдыкка башкарар ӧйинде ончобыс толо кемине араайынаҥ једерис. Јӱк ле бу бир муҥ јылдыҥ учында Иисус Каандыкты бойыныҥ Адазына берип ийер. Ол тушта, бу Каандык бастыра ижин бӱдӱрип салар, ол тоодо ончо улуска толо кемдӱ болуп каларга болужар (1 Кор. 15:24—28; Ачыл. 20:1—3).

10. Тирилген јуук улузыгарды кӧрӱп, слерде кандый сезимдер болор?

¹⁰ Божоп калган јуук улузаарла ойто катап кӧрӱшсеер, слерде кандый сезимдер болорын сананып ийзеер де. Слер андый јаан  сӱӱнчинеҥ каткырар эмезе ыйлаар болороор. А ол эмезе Иегованы мактап кожоҥдоор болороор. Је бир немеге алаҥзыбай јадыс: јалакай Адагарга ла оныҥ бойын килебес Уулына сӱӱжигер там тыҥыыр, нениҥ учун дезе тирилиш болор арганы олор сыйлаган.

11. Иоанн 5:28, 29-ла болзо, Кудайдыҥ чындык нормаларыла јӱрерге турган улуста кандый сезимдер болор?

¹¹ А эмди тирилген улус Кудайдыҥ чындык нормалары аайынча јӱрерге бойлорын солынып турганынаҥ јаан сӱӱнчи аларын сананып ийзеер де. Андый улуска Иегова райда ӱргӱлји јӱрӱм сыйлаар, је солынарга кӱӱнзебей турган улуска Кудай райда јӱретен ле ондогы амыр-энчӱни бузатан арга бербес (Ис 65:20; Иоанн 5:28, 29 кычырыгар).

12. Иегова јерде јӱретен улустыҥ ончозына кандый алкыштар берер?

¹² Каандык башкарза, Кудайдыҥ ончо ишчилери Укаа сӧстӧр 10:22-де: «Иегованыҥ алкыжы байыдат мыныла кожо ачу экелбей јат» — деген сӧстӧрдиҥ чынын бойыныҥ кӧзиле кӧргӱлеер. Иегованыҥ ишчилери Кудайдыҥ агару тыныныҥ болужыла кӧгӱс јанынаҥ байыыр, ӧскӧртӧ айтса Христоско оноҥ тыҥ тӱҥей болуп, толо кемине оноҥ јуук болор (Иоанн 13:15—17; Еф. 4:23, 24). Кажы ла кӱн олордыҥ су-кадыгы тыҥыыр, а кылык-јаҥы јаранып, оноҥ јакшы болор. Јӱрӱм олорго јаан сӱӱнчи экелер! (Иов 33:25). Је тирилиш керегинде шӱӱп сананары слерге эмди канайып болужар аргалу?

13. Сарын 139:1—4-ги сӧстӧр Иегова бисти јакшы билер деп канайып кӧргӱзет ле тирилиштиҥ ӧйинде Кудай мыны канай кӧргӱзер?

¹³ Ӧрӧ айдылганыла Иегова улусты кандый санааларлу болгон, кандый кижи болгон анайып ла тирилтер. Бу нени темдектеп турганын јӱк сананып кӧрзӧӧр дӧ! Иегова слерди тыҥ сӱӱп јат. Ол слердиҥ ончо санаалараарды, сезимдереерди, сӧстӧрӧӧрди ле эткен керектереерди сананып алат. Оныҥ учун Иегова слерди тирилтип ийейин дезе, слер кандый кӧрӱм-санаалу болгоноор, кандый кылык-јаҥду болгоноор анайып ла тирилтип ийер. Иегова бистиҥ кажыбысты ла сӱреен јакшы билер деп, Давид каан билер болгон. (Сарын 139:1—4 кычырыгар *.) Мынаҥ улам бисте кандый сезимдер болот?

14. Иегова бисти јакшы билер деп сананып тура нени ундыбас керек?

¹⁴ Иегова бисти јакшы билер деп санааркабас керек. Нениҥ учун? Иегова бисти сӱреен тыҥ сӱӱп турган ла бистиҥ кажыбыс ла ого баалу деп ундыбагар. Бистиҥ јӱрӱмисте болуп турган кажы ла учуралды ол ундыбай јат, бу бисти сӱреен токунадат. Сананып ийзеер де, Иегова јаантайын бистиҥ јаныста ла биске болужарга кӱӱнзеп јат (2 Лет. 16:9). Айдарда, бис качан да јаҥыскан болбозыс.

15. Тирилиш Иегованыҥ ойгорын канайып кӧргӱзет?

¹⁵ Ӧлӱм — ол улусты коркыдып турган ийдези јаан мылтык-јепсел. Сатанага башкарткан улус ӧскӧ улусты најыларын садып ийзин эмезе бӱдӱмјизинеҥ јана болзын деп ӧлӱмле коркыдат. Је бу јепсел бисти коркыдып болбос, нениҥ учун дезе ӧштӱлерис бисти ӧлтӱрип те салза, Иегова бисти тирилтип алар (Ачыл. 2:10). Иеговала најылыгысты  кем де, не де айрып болбос деп, бис бӱдӱп јадыс (Рим. 8:35—39). Иегованыҥ биске тирилишке ижемји сыйлаганынаҥ оныҥ учы-кыйузы јок ойгоры кӧрӱнет! Анайып ол биске Сатананыҥ јаан ийделӱ мылтык-јепселинеҥ коркыбаска болужат, анайда ок Иеговага чындык артарга ийде-кӱч берет.

16. Биске бойыска кандый сурактар берер керек ле бу сурактар Иеговага бӱдӱп турганысты билип аларга канайып болужар?

¹⁶ Иегованыҥ ӧштӱлери слерди ӧлӱмле коркытса, теҥериде Ада слерди тирилтип алар деп бӱдереер бе? Слер мындый ченелтеге белен бе деп, канайып билип алар? Темдектезе, бойыгардаҥ сураарга јараар: «Јӱрӱмимде чыгарып турган јӧптӧримнеҥ Иеговага иженип турганым кӧрӱнет пе?» (Лука 16:10). Анайда ок бойоорго мындый сурак берерге јараар: «Акчала, ӧйлӧ канайып тузаланып турганымнаҥ Каандык јӱрӱмимде баштапкы јерде деп ле Иегова акча-манат јанынаҥ керексиништеримди јеткилдеер деп бӱдӱп турганым кӧрӱнет пе?» (Матф. 6:31—33). Бу сурактарга слердиҥ каруулараар эйе болзо, слер кандый ла ченелтеге белен болгоноорды ла Иеговага иженип турганаарды кӧргӱзедеер (Укаа 3:5, 6).

17. а) Тирилишле Иегованыҥ чыдамкайында кандый колбу бар? б) Бис Иегованыҥ чыдамкайын баалап турганысты канай кӧргӱзерис?

¹⁷ Иегова Сатананыҥ калју телекейин јоголтотон кӱнди ле саатты тургузып салган (Матф. 24:36). Је ол ӧйгӧ јетире Кудай чыдамкайын кӧргӱзер. Ол божоп калган улусты тирилтерге тыҥ кӱӱнзеп јат, је ол мыны тургузып салган ӧйинеҥ озо этпес (Иов 14:14, 15). Ол божоп калган улусты тиргизерге, келишкедий ӧйди сакып јат (Иоанн 5:28). Биске Иегованыҥ чыдамкайы учун быйанду болотон шылтактар бар. Сананып ийзеер де, Иегованыҥ чыдамкайынаҥ улам кӧп улуста ол тоодо бисте де кинчектеҥ айрылатан арга ачылган (2 Петр 3:9). Иегова канча ла кире кӧп улусты ӱргӱлји јӱрӱм јӱрзин деп кӱӱнзейт, оныҥ учун оныҥ чыдамкайын баалап турактар. Баалап турганысты канайып кӧргӱзерис? Бис «чыннаҥ ла ӱргӱлји јӱрӱм аларга турган улусты» (ЈТ) бастыра ийде-кӱчисти салып бедиреерге албаданарыс ла олорго Иегованы сӱӱрге ле ого иштеп баштаарга болужарыс (Ап. ижи 13:48). Ол тушта олор бис ле чилеп, Иегованыҥ чыдамкайыныҥ тузазын оҥдоп ийер.

18. Биске нениҥ учун улуска чыдамкай болор керек?

 ¹⁸ Иегова Христостыҥ Муҥјылдыкка башкарар ӧйиниҥ учын, бистиҥ толо кемдӱ болуп каларысты чыдамкай сакыыр. А ол ӧйгӧ јетире ол бистиҥ кинчектеристи таштаарга белен. Оныҥ учун Иегованаҥ тем алактар — улустыҥ јакшы кылык-јаҥына ајару эдип, олорго чыдамкай болуп јӱректер. Бир эјениҥ темин кӧрӱп ийектер. Оныҥ ӧбӧӧни тыҥ санааркап баштаганынаҥ улам јуунныҥ туштажуларына јӱрбей барган. Бу эје куучындайт: «Меге коркышту кӱч болгон, келер ӧйгӧ бистиҥ амадуларыс јоголып калган». Је бу ончо кӱчтерге кӧрбӧй ол ӧбӧӧнине чыдамкай ла јалакай болгон. Ол Иеговага иженген ле бир де чӧкӧбӧгӧн. Анайда ок Иегованаҥ тем алып, ајаруны кӱчтерге эмес, а ӧбӧӧниниҥ јакшы кылык-јаҥдарына эткен. Ол айдат: «Мениҥ ӧбӧӧнимде јакшы кылык-јаҥдар сӱреен кӧп, ол араайынаҥ да болзо, санааркаштарын јеҥип чыгарга тыҥ албаданат». Айдарда, биске бойыныҥ уур-кӱчтериле тартыжып турган јуук улузыска ла јуундагы ака-эјелерге чыдамкай болор керек!

19. Бис нени эдерге бек шӱӱп алганыс?

¹⁹ Иисус ла ангелдер јерди јайаганына сӱӱнгендер. Је олор Иегованы сӱӱп, ого акту кӱӱнинеҥ иштеп, толо кемдӱ улусла јердиҥ толуп калганын кӧрӱп, тыҥ сӱӱнер деп сананып ийзеер. Анайда ок Христосло кожо башкарып турган улус олордыҥ ижи бастыра улуска кӧп алкыштар экелип турганын кӧрӱп, база тыҥ сӱӱнгилеер (Ачыл. 4:4, 9—11; 5:9, 10). Ачу-коронныҥ јажы сӱӱнчиниҥ јажына солынза, оору-јобол, кыйын-шыра ла ӧлӱм јоголып калза, јӱрӱм сӱрекей јараш болуп калар (Ачыл. 21:4). Је эм тура бистиҥ сӱӱштӱ, ойгор ло чыдамкай Адабыстаҥ тем алып турактар. Ол тушта кандый ла ченелтелер болзо, бис сӱӱнчини јылыйтпазыс (Иак. 1:2—4). Бис Иеговага тирилиш болотон ижемји сыйлаганына јаан быйанду болодыс! (Ап. ижи 24:15).