Агару Бичикти таҥынаҥ ӱренгени оноҥ кӧп туза экелзин деп кӱӱнзейдеер бе? Ӱренерге јеҥил болзын деп, јакшы айалга тӧзӧгӧр. Јӧптӧрдиҥ кезиги:

• Јакшы јер талдап алыгар. Аргалу болзо, ару, кӧп јӱзӱн-јӱӱр немелер јок, јарык јер табып алыгар. Темдектезе, столго эмезе тышкары эптӱ јерге отурып алыгар.

• Јаҥыскан болорго албаданыгар. Иисус «ачу таҥла туруп, улус јок јерге» барып мӱргӱйтен (Марк 1:35). Јаҥыскан артарга келишпей турган болзо, јууктараарга эмезе кожо јадып турган улуска качан ӱренереерди айдып салыгар. Ол тушта олор слерге чаптыгын јетирбес.

• Ӧскӧ неме керегинде сананбагар. Слер ӱренерге телефон эмезе планшет тузаланып турган болзоор, уведомлениелерди токтодып салар эмезе режим полетаны иштедип салар. Санаагарга кандый бир эдетен керек кирип келген болзо, оны ӱредӱниҥ кийнинде эдерге бичип алыгар. Сананарга кӱч боло берзе, бир эмеш баскындап, кыймыктанып ийигер.