Башталганы 37:23—28; 39:17—23-ти кычырып, Иосиф кандый айалгада болгонын билип алыгар.

Контекстти кӧрӱгер. Иосиф нениҥ учун јаман кӧрдӱрген? (Баш. 37:3—11; 39:1, 6—10). Ол канча кире ӧйгӧ мынайып шыралаган? (Баш. 37:2; 41:46). Иосифке кӱч болордо, Иегова ого нени эткен, нени этпеген? (Баш. 39:2, 21; w23.01 17, 13 абз.).

База нени ајаруга алар. Иосиф Потифардыҥ ӱйине актуга ла буруладып турарда, актанган деп, Агару Бичикте айдылбай јат. Укаа сӧстӧр 20:2, Иоанн 21:25 ле Апостолдордыҥ ижи 21:37 — мындый сурактарды шӱӱп сананарга канайып болужат: «Иосиф нениҥ учун бир де актанбаган? Бу учуралдыҥ кажы ла оок-теек немелерин билерге нениҥ учун ӧйинеҥ ӧткӱре албаданбас керек?» Бу учуралда Иосифке кандый кылык-јаҥдар болушкан? (Мих. 7:7; Лука 14:11; Иак. 1:2, 3).

Неге ӱренедис. Бойыгардаҥ сурагар:

• «Иисустыҥ ӱренчиги болгоным учун улус меге канайып баштанардаҥ айабас?» (Лука 21:12, 16, 17; Евр. 10:33, 34).

• «Мындый учуралдарда турумкай артарга, меге канайып белетенер керек?» (Сар. 62:7, 8; 105:17—19; w19.07 2—7).