Бистиҥ ончобыска таҥынаҥ ӱренер ӧй кезикте јетпей јат. Айдарда, ӧйди чын тузаланарга, нени эдер керек? Баштапкызында, меҥдебегер. Кӧп јетирӱни меҥдеп туруп кычырганча, бир эмештеҥ, је јазап кычырза јаан туза болор.

Экинчизинде, нени ӱренерин талдап алыгар (Эф. 5:15, 16). Тоолу јӧптӧр:

• Кажы ла кӱн Агару Бичикти кычырыгар (Сар. 1:2). Баштап тарый слер «Јӱрӱмис ле ижибис» деп иштиҥ тетрадинде Агару Бичикти кажы ла неделеде кычыратан графикти тузаланар аргалу.

• Јартамалдар берерге, «Каруулчы шибееге» ле иштеер кӱндердеги туштажуга белетенигер (Сар. 22:22).

• Ӧй бар болзо, ӧскӧ дӧ кӧгӱс курсакты јигер, темдектезе, таркадатан журналдарды кычырыгар ла jw.org сайтта видеолорды ла статьяларды кӧрӱгер.

• Тема талдап алала, оны шиҥдегер. Темдектезе, слер кандый бир сурагардыҥ аайына чыгарга болужатан материал бедирейдигер, эмезе слерде кандый бир сурак бар, ол эмезе нени-нени тереҥжиде оҥдоп аларга турганаар. Оныҥ учун jw.org сайтта «Библейские задания» деп бӧлӱкти кӧрӧргӧ јараар.