2019 јылда «Каруулчы шибееде» шӱӱжилген сурактарга каруулар берип болороор бо?

«Сеге удура эдилген кандый да мылтык-јепсел, бир де једимдӱ болбос» деген Кудайдыҥ берген сӧзи нени темдектейт? (Иса. 54:17).

Иегова бисти «казыр улустыҥ тыныжынаҥ» корулап алар деп, бис алаҥзыбас аргалу (Иса. 25:4, 5). Ӧштӱлер биске качан да тӱзедип болбойтон каршу јетирип болбос (w19.01, 6—7 б.).

Кудайдыҥ хананейлерге ле кедер израильтяндарга баштанганы оныҥ чындык болгонын (справедливость) канайып кӧргӱзет?

Кудай јескинчилӱ балыр јӱрӱм јӱрӱп тургандарды ла ӱй улуска ла балдарга калју баштанып тургандарды кату каруузына тургузатан. Је улуска чындык баштанып турган улуска ла сӧсуккур улуска алкыжын берип туратан (w19.02, 22—23 б.).

Иегованыҥ ишчизи эмес кижи мӱргӱп јаткан айалгада биске нени эдер керек?

Андый айалгада бойысты тоомјылу тудунып, «аминь» деп айтпазыс. Анайда ок мӱргӱӱлдиҥ ӧйинде улусла кожо колдорыстаҥ тудунбазыс. Је бу ӧйдӧ бис бойыстыҥ ичисте мӱргӱп алар аргалу (w19.03, 31 б.).

Балага сексуальный базыныш эдери кандый каршу јетирет?

Балага сексуальный базыныш эдери — балага удура, јуунга удура, анайда ок ороонныҥ јаҥдарына ла Кудайга удура эдилген кинчек болуп јат. Ороонныҥ јасагы балага сексуальный базыныш болгонын јаҥдарга угузар керек деп некеп турза, аксагалдарга бу јасакты бӱдӱрер керек (w19.05, 9—10 б.).

Бойыстыҥ кӧрӱм-санаабысты солыырга не болужар?

Иеговага мӱргӱӱр керек, бойыстыҥ санааларысты ла сезимдеристи шӱӱп сананар керек, анайда ок најыларды ойгор талдаар керек (w19.06, 11 б.).

Истежӱлерге белен болорго, бӱгӱннеҥ ле ала нени эдер керек?

Иеговала колбуларыгарды тыҥыдыгар. Иегова слерди сӱӱп јат ла качан да артыргыспас деп алаҥзыбагар. Кажы ла кӱн Агару Бичикти кычырыгар ла јаантайын мӱргӱп туругар. Кудайдыҥ Каандыгыныҥ алкыштарында алаҥзыбагар. Јарап турган библиялык ӱлгерлереерди ле Иегованы мактап турган кожоҥдорды ӱренип туругар (w19.07, 2—4 б.).

Тӧрӧӧндӧриске аргадалзын деп канайып болужарыс?

Олордыҥ сезимдерин оҥдоп туругар. Айткан сӧстӧригерди керектеригерле кӧргӱзигер. Чыдамкай ла черчеҥ болугар (w19.08, 15—17 б.).

Матфей 11:28-те айдылган токуналды аларга, биске не болужат?

Бисте сӱӱштӱ христиан кӧрӧӧчилер, эҥ ле јакшы најылар ла эҥ ле јакшы иш бар (w19.09, 23 б.).

Кудай слердиҥ бойыгарда кӱӱн јайап, оныҥ табын бӱдӱретен ийде-кӱчти канайып берер аргалу? (Флп. 2:13, ЈТ).

Бис Кудайдыҥ Сӧзин кычырып, шӱӱп сананып турзаас, Кудай бистиҥ бойыста кӱӱн јайап, оныҥ табын бӱдӱретен ийде-кӱч берип баштайт. Кудайдыҥ агару тыны бистиҥ нени-нени эдер аргаларысты тыҥыдып ийер аргалу (w19.10, 20—21 б.).

Јаан учурлу јӧп чыгарарга кандый јӧптӧр болужар?

1) Кудайдаҥ ойгор сурагар. 2) Чыгарган јӧпти бастыра јанынаҥ шӱӱп сананыгар. 3) Кандый бир јӧпти недеҥ улам чыгарганаарды шиҥдегер. 4) Јарт чокум амадулар тургузып алыгар. 5) Бойыгардаҥ эдип болбосты сакыбагар (w19.11, 27—29 б.).

Сӱне керегинде ӱредӱ Сатана Евала куучындашкан тушта табылган ба?

Јок, ол тушта табылбаган болор. Сатана Еваны ӧлбӧзиҥ деп айткан тушта, оныҥ сӱнези кӧскӧ кӧрӱнбес тын болуп, анаҥ ары јӱрер деп айтпаган. Кудайлык тӧгӱн ӱредӱлердиҥ ончозы Чайыкла кожо јоголып калган. Сӱне керегинде ӱредӱ, Кудай Вавилонныҥ шибеезин тудуп јаткан улусты јер-башка таркадып ийерде табылган болор (w19.12, 15 б.).