2022 јылдыҥ «Каруулчы шибеезиниҥ» чыгармаларыныҥ шӱӱлтелери санаагарга кирет пе?

Иеговала куучындажарга, оны угарга ла ол керегинде шӱӱп сананарга ӧй табып турзаас, кандый туза аларыс?

Бис јазап сананбаган алтамдар этпезис, ченемелдӱ ӱредӱчилер болуп каларыс, бӱдӱмјибис бек болор ло Иегованы оноҥ тыҥ сӱӱрис (w22.01 30—31 бӱктер).

Иеговага ла кӧстӧлгӧн акаларга биске нениҥ учун бӱдер керек?

Кудайдыҥ башкартуларына ла аксагалдардыҥ чыгарган јӧбине алаҥзыбай, бӱгӱнги ле кӱннеҥ ала биске Иеговага бӱдерге ӱренер керек. Ол тушта улу тӱбектиҥ ӧйинде саҥ башка деп билдиретен башкартуларды бӱдӱрерге белен болорыс (w22.02 4—6 бӱктер).

Ангелдиҥ Захарияга: «Зоровавельдиҥ колында... учында таш буулап салган буу [болгон]» — деп айткан сӧстӧриниҥ учуры кандый? (Зах. 4:8—10).

Бу кӧрӱлте Кудайдыҥ ишчилерин олордыҥ орныктырып јаткан ӧргӧӧзи, алдындагызына кӧрӧ, уйан деп билдирген де болзо, Кудайдыҥ чындык нормаларына келижип турар деп бӱдӱмјилеген (w22.03 16—17 бӱктер).

Бис канайып «сӧстӧ... јозок» болор аргалу? (1 Тим. 4:12).

Јарлаар иште бис јалакай болуп, улусла тоомјылу куучындажадыс; јуунныҥ туштажуларында акту јӱрегистеҥ кожоҥдойдыс ла јартамалдар бередис; тегин де ӧйдӧ улусты ачындырбаска, олордыҥ сезимдерин ајаруга алып, айткан сӧстӧрисле кӱӱнин кӧдӱредис (w22.04 6—9 бӱктер).

Даниилдиҥ 7-чи бажалыгында айдылган тӧрт тынду (каандыктар) нениҥ учун Ачылта 13:1, 2-деги айдылган бир тындуга келижип јат?

Ачылтаныҥ 13-чи бажалыгындагы тынду јӱк ле телекейлик бир державаны, темдектезе Римди, темдектебей јат. Бу тынду бӱдӱн јер-телекейле башкарган политикалык башкаруларды темдектейт (w22.05 9 бӱк).

Иегованы справедливый Кудай деп бӱдӱп турганысты канайып кӧргӱзерис?

Бисти кем-кем јаман айткан, ачындырган эмезе биске удура кинчек эткен болзо, бис ого ачынбай, чугулданбай, ӱзе Иегованыҥ колына берип саларыс. Ол кинчектӱ улустыҥ эткен каршузын кыйалта јогынаҥ јоголтып салар (w22.06 10—11 бӱктер).

Јарлаар иштиҥ туштажузында эмезе јуунныҥ туштажузында мӱргӱп јаткан ака нени ундыбас учурлу?

Ака мӱргӱӱлинде јуунга јӧптӧр бербес эмезе јар айтпас учурлу. Анчада ла туштажуны баштап јаткан мӱргӱӱлде узак мӱргӱбес керек (Матф. 6:7) (w22.07 24—25 бӱктер).

«Јаман эдип јӱргендери јаргыныҥ алдына турар» дегени нени темдектейт? (Иоанн 5:29).

Мында божоордоҥ озо эткен кинчектери учун јаргыладары керегинде айдылбай јат. Иисус тирилип келген улустыҥ кӱӱн-санаазын, эткен керектерин лаптап кӧрӧр (w22.09 18 бӱк).

1922 јылдыҥ сыгын айында ӧткӧн курултайда кандый кычыру болгон?

Рутерфорд ака Сидар-Пойнтта (Огайо штат, США) ӧткӧн курултайда кӧдӱриҥилӱ сӧстӧр айткан: «Каан эмди башкарып јат! Слер оныҥ јарчылары. Оныҥ учун јарлагар, јарлагар, Каанды ла оныҥ Каандыгын јарлагар!» (w22.10 3—5 бӱктер).

Исайяныҥ 30-чы бажалыгыла болзо, Кудай биске кӱчтерди ӧдӧргӧ кандый ӱч аргала болужат?

Бу бажалыкты кӧргӧнисле Иегова: 1) бистиҥ мӱргӱӱлдеристи угат ла каруу берет, 2) биске башкарту берет, анайда ок 3) бӱгӱнги кӱнде ле келер ӧйдӧ биске алкыштар берер (w22.11 9 бӱк).

Сарын 37:10, 11 ле 29-тагы сӧстӧр јӱк ле озогы ӧйдӧ бӱткен эмес, је келер де ӧйдӧ бӱдер деп, нениҥ учун айдарга јараар?

Давидтиҥ сӧстӧри Израильдиҥ албатызы, темдектезе Соломон каан башкарган ӧйдӧ, сӱреен јакшы јаткан деп кӧргӱзет. Иисус келер ӧйдӧги рай керегинде куучындап тура, 11-чи ӱлгерди айткан (Матф. 5:5; Лука 23:43) (w22.12 8—10, 14 бӱктер).