2020 јылдыҥ «Каруулчы шибеезиниҥ» чыгармаларыныҥ шӱӱлтелери санаагарга кирет пе?

Бис майлаткандарга канайып баштанар учурлу?

Бис олордыҥ бек бӱдӱмјизинеҥ тем алып турган да болзоос, олорды ӧйинеҥ ӧткӱре макка чыгарбай јадыс (Иуда 16). Анайда ок олордоҥ майлалганы керегинде сурактар сурабай јадыс (w20.01, 29 бӱк).

Иегова бистиҥ кажыбыска ла ајару эдип турган деп, кандый керелер бар?

Агару Бичикле болзо, Кудай бисти ак-јарыкка чыгарыстаҥ да озо билер болгон. Ол бистиҥ мӱргӱӱлдеристи угат. Бистиҥ сезимдеристи ле санааларысты ајаруга алат (1 Лет. 28:9; Укаа 27:11). Анайда ок ол бисти бойы кычырган (w20.02, 12 бӱк).

Айдатан ӧй бар, унчукпайтан ӧй бар.

Биске Иегова керегинде куучындаарга јарап јат. Анайда ок кем-кем чындыктыҥ јолынаҥ туура барарга јатса, унчукпай отурбай јадыс. Аксагалдар да кемди-кемди тӱзедер керек болзо, унчукпай отурбай јат. Је бистиҥ ижис токтодылган ороондордо јадып турган ака-эјелерди анаар ла шылабазыс. Бойыс та андый ороондо јадып турган болзоос, бистиҥ ижис керегинде ӧскӧ ака-эјелерге куучындабазыс (w20.03, 20—21 бӱктер).

Иоильдиҥ 2-чи бажалыгындагы аспанныҥ ла Ачылтаныҥ 9-чы бажалыгындагы аспанныҥ нези башка?

Иоиль 2:20—27-де Кудай аспанды сӱрӱп ийер ле оныҥ јетирген чыгымын јандырып берер деп айдылат. Судурдыҥ бу бӧлӱги, Израильге Вавилонныҥ черӱзи табарарда бӱткен. Иоиль 2:28, 29-тагы судур, б. э. 33-чи јылыныҥ Беженинчи кӱнинде бӱткен. Бу кӱнде Кудай бойыныҥ ишчилерине агару тынын берген. Ачылта 9:1—11-деги аспанга, калганчы кӱндерде јадып турган майлаткандар тӱҥдештирилет. Олор Кудайдыҥ бу телекейге чыгарган јаргызын јарлайт (w20.04, 3—6 бӱктер).

Бӱгӱнги кӱнде тӱндӱк каан кем болот?

Россия ла оныҥ союзниктери. Олор Кудайдыҥ албатызыныҥ јарлаар ижин токтодот. Олордыҥ ончо керектеринеҥ Иегованыҥ Керечилерин кӧрӧр кӱндери јогы кӧрӱнет. Тӱндӱк каан тӱштӱк каанла ӧштӧжип јат (w20.05, 13 бӱк).

Агару тынныҥ тӱжӱмине јӱк ле Галаттарга 5:22, 23-те бичилген тогус кылык-јаҥ кирет пе?

Јок. Агару тын биске ӧскӧ дӧ јакшы кылык-јаҥдарга ӱренерге болужат, темдектезе чындык болорго (Еф. 5:8, 9) (w20.06, 17 бӱк).

Интернетке фотолор, видеолор, комментарийлер чыгарардаҥ озо нени сананар керек?

Интернетке чыгарып турган немелереер, слердиҥ мактанып эмезе бийиркенип турганаарды кӧргӱзердеҥ айабас (w20.07, 6—7 бӱктер).

Христиандар ченемелдӱ балыкчылардаҥ неге ӱренер аргалу?

Андый балыкчылар балыкту јерлер табып, балык тиштеп турган ӧйдӧ балыктайдылар. Олор јепселдерин јакшы тузаланып билер. Јут-јулакай кӱннеҥ коркыбай јадылар (w20.09, 5 бӱк).

Агару Бичикти ӱренип турган улуска Иегованы сӱӱзин деп канайып болужар?

Кижини Агару Бичикти кажы ла кӱн кычырып, шӱӱп сананарына ӱредер керек. Анайда ок мӱргӱӱрге ӱредер керек (w20.11, 4 бӱк).

1 Коринфтегилерге 15:22-де «ончозы Христосло бир болуп тынданар» деп айдылган. Мында кемдер керегинде айдылган?

Апостол Павел тирилетен ончо улус керегинде эмес, је «Христос ажыра Кудайга агарулалган улус» ол эмезе тирилетен ончо майлаткандар керегинде айткан (1 Кор. 1:2; 15:18) (w20.12, 5—6 бӱктер).

Майлаткандар «бир элесте, калганчы амыргы ӱнден[ген]» тушта кубулган кийнинеҥ нени эдер? (1 Кор. 15:51—53).

Олор Иисусла кожо албатыларды ол эмезе калју улусты темир тайакла кабырар (Ачыл. 2:26, 27) (w20.12, 12—13 бӱктер).